YUNU 1:16 - KITABI HABARI MOPIOHE

¹⁶ Tahi pokalajawa to kaapali boito mailoohe daa̒ to Eeya, wau lapatao̒ malo tirabua mao̒, timongolio helo podewo bake wau lodaantia sua̒li u hidala-dalala ode Eeya.

YUNU 1:16 ပူးပေါင်းရင်းမြစ်များ

ILOOWALI 28:20

Lapatao̒ malotadia tei Yako, “Wonu Eeya motulungi wau moduo̒la olo watotia tononao̒ botie wau mongohi mai ua̒alo wau pakeyangi

ILOOWALI 8:20

Tei Noho lopo tihulao̒ mesba tuwau ode Eeya. Hilamalio mao̒ tuwau monto timii̒du bulungi ngodalaala wau binatangi wewolio u halale tulusi pilopo dewolio odelo bake yilalango toitaato mesba boito.

OLUO MONGO OLONGIA 5:17

Lapatao̒ ualei Naa̒man, “Wonu ti Tuani diila tamohuto olo mololimo wowohi laatia, polulia mai watia modelo mohualingo huta ngodaata u mowali odeloa lo ngopanggalo bagal. Sababu tumulalo mai botia watia mamo podewo bake bo ode Eeya wambao̒, wau diila ode ila wewo.

AYUBA 37:24

Uitolo sababuulio penu boli tita wambao̒ paatuti mohurumati to Eeya, wau taa u mongaku aaripu, diila pandungio lo Eeya.”

JABURU 107:22

Huliaalo mao̒ timongolio mosukuru mola lou̒ modelo dewo, wau mopo loladu huhutu lo Eeya wolo lalaa-huwaalo meengahu.

JABURU 116:14

Watia mamopoo̒polu danti lowatia to Eeya totalu lo ngoilanggubu umati lo Eeya.

JABURU 50:14

Podewowalo bake sukuru ode Allahu Taa̒ala, eelailo dantimu to Taa Laba-labaalo molanggato.

TAMOO-HUTUBAWA 5:4

Lebe mopiohu diila modaantia lou̒ modanti bo diila moe̒elao̒.

YESAYA 26:9

Jiwa lowatia mooloolo to Eeya tou̒ hui, hilaa lowatia hemohaalapu to Eeya tou̒ dimodupo. Wonu Eeya de momutoa̒i dunia, tuango dunia mamotota mao̒ wolo u otutu.

YEREMIA 5:22

Wau̒ulo Eeya; yilongola timongoli diila moohe to Olau̒? Paatutilio timongoli humuhela totalu-U̒! Wau̒ulo talohutu mai pentadu lowali siipati lodeheto u diila mowali laodelio u ohiheo-hiheolo mao̒. Deheto moliliibe hula-hulaubio wau buo̒olo mowali molilau, bo diila mowali lumaode siipati boito.

DANIALI 6:26

Lapatao̒ uito ti Olongia Dariusi maa lolao mola tuladee ode tau-tauwaala lonto totoonulaalo bangusa, suku bangusa wau bahasa to ngoilanggubu lo dunia, “Salamu sojahtera!

YUNU 1:10

Lapatao̒ sililitaalio mao̒ woloolo mola tio helo tolopani mopolahi batanga monto Eeya. Loo̒dungohe uito tahi pokalajawa to kaapali malebe yiloohe poli wau loloi̒ya mao̒ olio, “Buheli daa̒ huhutuumu boito!”

YUNU 1:14

Sababu uito timongolio longiibode mola ode Eeya, “Yaa Eeya, mongowatotia momolohone, diila mao̒ binasawa mai mongowatotia sababu mohama nyawa lotaa udiila lohutu totala penu boli wolo ode mongowatotia. Yaa Eeya, Eeya malohutu mai wolo u kilahandaki lo Eeya.”

MARKUSI 4:31

Wonu bolo Allahu Taa̒ala momalenta, owowoluwoalio debo odelo pohumaya botie: Bili losawi ngobotu hilama lo tahingota-ngotaawa lapatao̒ pilomulolio tohuta. Bili losawi yito bili u pulito kikiio̒ todunia.

WUNGGULI LOMONGO RASULU 5:11

Yi ngoa̒amila taa palacaya boito wau tau-tauwalo wewolio taloo̒ dungohe pasali uilowali boito, mailoohe.

MONGO HAKIMU 13:16

Bo malai̒kati lo Eeya boito lotahuda mao̒, “Eleponu wau̒ mohima pomao̒ teea, wau̒ diila tamo lamela wolo ude pohintamu mai boito. Bo, wonu yio̒ debo ohilaa olo mopohinta mai, pohintaalo mao̒ uito odelo bake yilalango, wau podewowalo ode Eeya.” Tei Manoah mongalati deu̒ tahemo bisala wolio boito yito malai̒kati lo Eeya. Oditolio tio loloi̒ya mao̒, “Wonu odito, ambunguolo potala ti Tuani mopoo̒taa mai tangguli Tuani. Alihu wonu wolo uiloi̒ya li Tuani boito de malo toduo mai, mongowatotia mowali mongohi mao̒ hulumati lo mongowatotia odeli Tuani.”