YUNU 1:14 - KITABI HABARI MOPIOHE

¹⁴ Sababu uito timongolio longiibode mola ode Eeya, “Yaa Eeya, mongowatotia momolohone, diila mao̒ binasawa mai mongowatotia sababu mohama nyawa lotaa udiila lohutu totala penu boli wolo ode mongowatotia. Yaa Eeya, Eeya malohutu mai wolo u kilahandaki lo Eeya.”

YUNU 1:14 ပူးပေါင်းရင်းမြစ်များ

ILOOWALI 9:6

Manusia pilopowali mai debo odelo Wau̒; sababu uito, titaalo tita tamomate manusia mate-mateelo mao̒, tio olo mapatee lomanusia mate-mateelo mao̒.

JABURU 107:28

To delomo usuusa timongolio longiibode to Eeya, wau Eeya helo lopatai olimongolio lonto ileepita.

JABURU 115:3

Allahu Taa̒alanto woluo tosologa, Eeya hemohutu mai wolo kahandakia lo Eeya.

JABURU 135:6

Eeya lohutu mai wolo u kilahandaki-Lio, tohulungo wau todunia, todeheto wau to auhe daa̒ umodelomo.

YESAYA 26:16

Eeya malo hukuumani olamiaatia; todelomo ileepita amiaatia lololaa mao̒ to Eeya, wau helodua̒ mola to Eeya, yaa Eeya.

YUNU 1:13

Bo tahi pokalajawa to kaapali donggo hemo tolopani wolo tio̒opatea hemo luo̒odeo̒ kaapali boito ode tudulio. Bo dutalo olo bo lebe hemolilau mai, tilinggula bule limongolio diila ilohuna sama-samaata.

YUNU 1:16

Tahi pokalajawa to kaapali boito mailoohe daa̒ to Eeya, wau lapatao̒ malo tirabua mao̒, timongolio helo podewo bake wau lodaantia sua̒li u hidala-dalala ode Eeya.

YUNU 3:8

Manusia wau binatangi musi momake kaingi yute. Odelo tuoto lou̒ pololee̒e yi ngoa̒amila tau musi modua̒ mola wolo otu-otutuulo mao̒ ode Allahu Taa̒ala. Timongolio musi mopoo̒ pioheo̒ pii̒liilio u moleeto wau huhutuulio u polupolu lodusa.

MATIUSI 11:26

Ui-uitolo umoo̒ sanangi hilaa li Paapa.”

WUNGGULI LOMONGO RASULU 28:4

Tou̒ tuango lipu lopulo boito loo̒onto tulide boito ntaya-ntayanga to uluu̒ lei Paulus, malo loi̒ya timongolio ngota-timongota, “Tau botie tantulo mao̒ tamoomatea mate-mateelo mao̒, sababu penu boli tio maloa̒ahu mai lonto musiba todeheto, Dewi Ua̒adili diila mopoluli olio tumumulo.”

EPESUS 1:11

Allahu Taa̒ala helo kalaja mai totoonulalo u hitua-tuawua lodudua̒ otohilaa-Lio, wau putuusani-Lio lohihilao. Tumulalo mai bohulio Tio malo lulaota olanto sababu Tio motohilaa alihu ito mowali umati-Lio sababu motituwau woli Almasi.

EPESUS 1:9

Lodudua̒ otohilaa-Lio lohihilao, Allahu Taa̒ala lopoo̒taa mai olanto hitua-tuawua u milakusudu hetuuo̒ lolanjana-Lio; Tio malolantu deu̒ lanjana-Lio boito mapoo̒ lapato-Lio motimbulude li Almasi.

TINGULI 21:8

Yaa Eeya, ambungua mai Isirai̒lu umati lo Eeya tailopato lo Eeya lonto Masiri. Ambungua mai mongo watotia wau diila mao̒ anggapua mongo watotia tatihu-tihula to polomatea mate-mateelo mao̒ taa udiila ototala.’