YOSUA 8:3 - KITABI HABARI MOPIOHE

³ Yi tei Yosua lotidapato u lonao̒ mola ode Ai pee̒-pee̒enta wolo ngoa̒amila suludadulio. Tio malo lulaotao̒ tolopulu lolihu lota tamoo-hipatea tahipiohe daa̒, tulusi lolao olimongolio tou̒ hui,

YOSUA 8:3 ပူးပေါင်းရင်းမြစ်များ

PILOTIMUA̒TA 17:9

Ualei Musa odelei Yosua, “Tulaotalo dengolo lota u moluhu taulo Amalek. Loombu watia matimihula to balitutuo̒ hui̒dee modihu tunggudu upilei̒ delo mai lo Allahu Taa̒ala.”

MATIUSI 24:39

Tou̒ taluhee daa̒ boito helo lemba olimongolio ngoa̒amila, deu̒ito timongolio longalati wolo udonggo todutoduo. Odi-odieelo mola olo owowoluwoalio de wonu Walao̒ Manusia meidungga mai.

MATIUSI 24:50

Lapatao̒ tituanilio mamuli mohualingai todulahee wau jamu udiila helanto-lantobulo.

MATIUSI 25:6

Tomutao̒ lou̒hui, bolo dungo-dungohei suala wuwaatia̒ ‘Tibulentiti lai̒ dungga-dungga mai! Dulo botulaa mai tio!’

1 TESALONIKA 5:2

Sababu otaawa limongoli lohihilao lou̒ mopatato deu̒ Dulahu podudungga mai lo Eeya boito mamei dungga debo odelo tamootao̒wa meidungga tou̒ hui.

YOSUA 10:7

Lapatao̒ tei Yosua wau ngoilanggubu suludadulio, tuwotuwoto pasuukanilio tamopiohe daa̒, malo monggata lonto Gilgal mota lopaatea.

YOSUA 8:2

Ai wau olongialio musi pohutuwomu mao̒ tutuuwauwa debo odelo u pilohutumu to Yerikho wau toli olongialio omoo̒molu. Bo pee̒enta botie babaa-langilio wau bibiahio mowali hamaa limongoli mowali miliki limongoli. Potidapa-dapatolo u moluhu kota boito wolo tumahuo̒olo mola monto wulea.”

YOSUA 8:4

wau longohi mao̒ palenta utie olimongolio, “Potituuo̒lo to wimbiihito mola lokota boito, bo diila boti molamingo; wau poti dapatolo u moluhu.

2 PETRUS 3:10

Bo Dulahe podudungga mai lo Eeya mamei dungga debo odelo tamootao̒wa. To Dulahe boito, hulungo mamooli wolo tingohu bulonggodu, wau uu̒u-pangowalo tohulungo mamaahu mopobu, wau dunia wolo totoonulalo uwoluo todelomio mamooli.

MONGO HAKIMU 9:32

Sababu uito, wajibulio yio̒ wau tahidudua̒ olemu monao̒ motituuo̒ to halabolu tou̒ hui.