YOSUA 7:9 - KITABI HABARI MOPIOHE

⁹ Taulo Kanaa̒n wau ngoa̒amila taa wewo tolipu botie mamodungohu pasali losua̒li botie. Timongolio mamomala wau momate mateelo mao̒ olo mongowatotia ngoa̒amila! Lapatao̒ wolo u mapohutuo mai lo Eeya u momintengi ohulumati lo Eeya?”

YOSUA 7:9 ပူးပေါင်းရင်းမြစ်များ

JABURU 115:1

Diila amiaatia, yaa Eeya, diila amiaatia, bo Eeya wambao̒ tamusi pujiolo, sababu Eeya tatapu wau molotolo hilao wau debo momonu.

JABURU 48:10

To delomo Bele lo Eeya amiaatia poo̒poo̒yo hemo mikiilangi mola ponu lo Eeya, yaa Allahu Taa̒ala.

JABURU 79:9

Tulungiyalo mai mongowatotia, yaa Allahu Taa̒ala tamoo-poa̒ahua to mongowatotia, ambungualo mai duduu-sawaalo mongowatotia wau lopataalo mongowatotia domi ohurumati lo Eeya lohihilao.

JABURU 83:4

Timongolio helohutu ranjana wolo dadaata aakali u mobu̒lilo moluwali umati lo Eeya; wau loheeluma moluwali tau-tauwalo tahe diluo̒la lo Eeya.

JABURU 83:5

Uali mongolio, “Dulo antuluonto bangusa lo Isirai̒lu, alihu tangguli mongolio diilalo oe̒ela.”

PILOTIMUA̒TA 32:12

Wonu Eeya mopobinasa mao̒ olimongolio, yi taulo Masiri mamoloi̒ya deu̒ Eeya lodelo bangusa boito yilumualao̒ lonto Masiri, u momate olimongolio mate-mateelo mao̒ to hihui̒-hui̒dee wau mopobinasa olimongolio sama-samaata. Ambunguola diila mao̒ odito, yaa Eeyaau̒, ambunguolo lomela mao̒ niyati lo Eeya wau ambunguola diila mao̒ potopo talawa bangusa boito.

YEHESKIEL 20:9

Bo Wau̒ diila lohutu mao̒, alihu tanggulu-U̒ diila mao̒ hinaa lo babaa-ngusawalo to tambati ilowoluwoa limongolio. Sababu totalu lo babaa-ngusawalo boito, Wau̒ malo pomalalumu deu̒ bangusa lo Isirai̒lu madeloo-U̒ lumuala lonto Masiri.

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

MIKHA 7:10

Muloololio mai musu hemohina olanto wolo moloi̒ya, “Tou̒toonu Eeya, Allahu Taa̒alamu boito?” Bo botia timongolio mamoo̒onto wolo u pilohutu lo Eeya ode olanto, wau timongolio mamowali moolito. Ito mamo sakusi mumuu-suunto boito olaahe wau lumbe-lumbetaa̒lio debo odelo latao̒ todalalo.

YIA̒APO 14:13

Lapatao̒ tei Musa loloi̒ya ode Eeya, “Yaa, Eeya, de taulo Masiri modungoheo̒ sua̒li boito! Lebe-lebe pomao̒ wolo kawasaa lo Eeya , malodelo mai mongowatotia yilumualao̒ lonto lipu boito,

YAHYA 12:28

Paapa, pou̒daa̒alo mola tangguli Paapa!” Yi dungo-dungohei suala lonto hulungo lotahuda mai, “Wau̒ malo pou̒daa̒ o-Lio, wau Wau̒ mamuli mopou̒daa̒ o-Lio.”

TINGULI 9:28

Wonu umati-Mu pobinasaa-Mu mai olo, yi taulo Masiri mamoloi̒ya deu̒ Eeya diila mambo modelo bangusaa-Mu ode lipu u pilodanti-Mu ode limongolio, wau deu̒ EEYA modelo olimongolio ode huta luasi udelita u momate mateelo mao̒ olimongolio, sababu EEYA molonua̒ olimongolio.

YOSUA 7:10

Eeya lolametai olei Yosua, “Pobongulo mola! Diila ohunalio yio̒ mosujudu ode huta debo odelo uito!

YOSUA 7:8

Oo Eeyau̒! Musu maloluhu mai wau helomate tunggula tilumouli tau-tauwalo Isirai̒lu. Botia wolo u musi pohutuo lo watotia?

BOHULO SEMUEL 12:22

Eeya malotadia mai, deu̒ Tio diila tamololaa olimongoli sababu Tio malolantu mai u mopowali mao̒ olimongoli umati-Lio lohihilao.