YOSUA 7:8 - KITABI HABARI MOPIOHE

⁸ Oo Eeyau̒! Musu maloluhu mai wau helomate tunggula tilumouli tau-tauwalo Isirai̒lu. Botia wolo u musi pohutuo lo watotia?

YOSUA 7:8 ပူးပေါင်းရင်းမြစ်များ

ESRA 9:10

Bo botia, yaa Eeya Allahu Taa̒ala, lapatao̒ totoonulalo uilowali mai boito wolo u mowali loi̒ya lo mongowatotia? Mongowatotia maluli lomalongao̒ totoonulalo palenta lo Eeya,

JABURU 44:10

Bo botia Eeya lololaa olamiaatia wau helo poluli mai olo mongowatotia ilolaahelio. Eeya diilalo lomaju pee̒-pee̒enta wolo baliisani lamiaatia.

JABURU 89:43

Eeya helongohi u loo̒haama to mumuusuulio, wau helohutu ngoa̒amila musulio lotiwengahu.

HABAKU 2:1

Watia motohilaa mobotula mola ode monala podahaa lowatia, wau mohima wolo u mapotahuda mai lo Eeya olaatia, wau woloolo mola totame-Tio mai to poloilaalo suusa lowatia.

YOSUA 7:7

Tei Yosua loloi̒ya ode Eeya, “Oo Allahu Taa̒ala Eeyaau̒! Pongoola lo Eeya modelo olo mongowatotia demai ngotuali lo Yordan botie? Wolo mawuduo lo Eeya mongowatotia ode tau-tauwalo Amori? Alihu mongowatotia mate? Lebe mopioheo̒ mongowatotia motibiluloa̒ mola teto wambai̒o, to ngotuali lo Yordan!

YOSUA 7:9

Taulo Kanaa̒n wau ngoa̒amila taa wewo tolipu botie mamodungohu pasali losua̒li botie. Timongolio mamomala wau momate mateelo mao̒ olo mongowatotia ngoa̒amila! Lapatao̒ wolo u mapohutuo mai lo Eeya u momintengi ohulumati lo Eeya?”

BOHULO SEMUEL 4:3

Tou̒ labito suludadu taa ilolaahelio luli lohualingai ode pilo tikemawa, mongo tau̒wa lo Isirai̒lu loloi̒ya mao̒, “Tingga mailongola Eeya helo poluli mao̒ olaanto ilolaahe taulo Pilistin todulahee botie? Dulo ito mola mohama Bulua Daantia lo Eeya lonto Silo, wau deloonto mai odia, alihu Eeya mamo tulungi mao̒ olanto wau mopoa̒ahu olanto monto musu.”