YOSUA 7:2 - KITABI HABARI MOPIOHE

² Tou̒ boito tei Yosua longutolia dengolo lota lonto Yerikho ode Ai, deu̒yito-yito kota tuwau to ambahu tiimuru lo Betel, membideo̒ lo Bet-Awen. Tau-tauwala boito tulugasia u monao̒ motulete madala boito. Lapatao̒ timongolio helo ponao̒ tuugasi boito,

YOSUA 7:2 ပူးပေါင်းရင်းမြစ်များ

ILOOWALI 12:8

Lapatao̒ uito tio lopotolonga mola lo nonao̒lio ode huliaalio, ode madala o huludu to ambahu tiimuru kota Betel, wau lotitikema to wolota lo Betel wau kota Ai: Betel to ambahu otolopa wau Ai to ambahu tiimuru. Mola teto olo tio lopotihula mesba wau helolubo to Eeya.

ILOOWALI 28:19

Tambati boito ilunteelio Betel (Muloololio mai tanggulio Lus).

BOHULO MONGO OLONGIA 12:29

Lapatao̒ tei Yerobeam lopo tambati mao̒ tuwau lonto sapi hulawa boito to Betel wau uwewolio to Dan.

NEHEMIA 11:31

Dengolo lota talonto suku Benyamin helo tibiluloa̒ to Geba, Mikhmas, Ai, Betel wau kakaa-mbunguwalo totiliilio,

POHUMAYA 20:18

Lanjana otilapulo wolo momikiilangi mopio-piohulo mao̒ u molantu; sababu uito, diila mao̒ pohipate lou̒ diila mohutu mao̒ lanjana u moontapo.

POHUMAYA 24:6

Sababu tou̒ diipo motuuhua musi olanjana u moontapo meimulo, wau helebe dadaata mao̒ tamoo-naseehatia, lebe heu̒daa̒ mola dalalo u moo̒haama.

YESAYA 10:28

Suludadu lo Asyur malohama kota Ayat. Timongolio malo libaya to Migroni! Polotemeu̒ limongolio tilolaalio to Mikhmas!

YEREMIA 49:3

Wuu taulo Hesybon, hiyongoolo mola sababu kota Ai malo aantulu! Wuu mongobua kota Raba, pohilimutolo mola! Pomakeyalo kaingi kado tuotio suukali lohilao. Teteo̒olo odito mota odia mai wolo lealeaatu olilingu. Milkom dewamu mabintao̒lio ode polayahu wolo mongo iimamu wau tahidihuma pantungo pamalentalio!

HOSEA 4:15

Wuu timongoli taulo Isirai̒lu, timongoli diila tatapu wau molotolo hilao to ola-U̒! Bo halapuwo-U̒ Yehuda diila mohutu totala u tutuuwauwa! Diila mao̒ poi̒baadati to Gilgal meaalo to Betel. Diila mao̒ potadia mola teto domi tanggulo Eeya tatumu-tumulo.

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

EPESUS 5:15

Sababu uito, poo̒tuota mao̒ tio̒otutua dudelo tutumuli mongoli. Diila mao̒ potitumulo debo odelo tau-tauwalo tahi hulode, poti tumuloolo debo odelo tau-tauwalo molinepo.

YOSUA 12:9

Mongo olongia tahe ilolaahe boito, ngoa̒amilalo ngodaata tolo pulaa tuwau lota; deu̒yito-yito mongo olongia lonto kokoo-tawaalo odelo odie mola botie: Yerikho, Ai (totili lo Betel), Yerusalemu, Hebron, Yarmut, Lakhis, Eglon, Gejer, Debir, Geder, Horma, Arad, Libna, Adulam, Makeda, Betel, Tapuah, Heper, Apek, Lasaron, Madon, Hajor, Simron-Meron, Akhsap, Taanakh, Megido, Kedes, Yokneam (to Karmel), Dor (tobiihu pentadu), Goyim (to Galilea) wau Tirja.

YOSUA 18:12

To ambahu tilayo, sisii-patanawalo limongolio tumula mao̒ to Dutulaa Yordan, tulusi mobotula ode binggi ambahu tilayo lo Yerikho, lapatao̒ ode otolopa molibaya madala hihui̒-hui̒dea demola ngoilamingo madala huta luasi udelita lo Bet-Awen.

YOSUA 2:1

Lapatao̒ lonto polokemawa to Sitim, tei Yosua longutolia taa u motulete lou̒ poo̒-poo̒oyo taduulota ode Kanaa̒n. Taduulota boito pilei̒ tuletealio lipu lo Kanaa̒n wolo tua̒ao̒-tua̒ao̒ lebe-lebe daa̒ kota lo Yerikho. Yi malonao̒lo timongolio ode kota boito, wau lotihui to bele lotaabua ngota tasuuntali, tai̒lunte Rahab.

YOSUA 7:3

timongolio luli lohualingai wau lopo duloheo̒ odelei Yosua. Timongolio loloi̒ya mao̒, “Diila palalu ito ngoa̒amilalo mota moluhu Ai. Laolaalo mota tanu dulo meaalo tololihu lota. Diila mao̒ polao ngoa̒amila suludadu odito mola u mopaatea, sababu kota boito bo kikiio̒.”

BOHULO SEMUEL 13:5

Tou̒ boito taulo Pilistin malo tia̒ambu olo u moluhu taulo Isirai̒lu; timongolio okaleta lo popaatea tolo pulu lolihu. Taa owadala wolomo lihu lota, wau mongo pajule ngodaata lo hungayo tobiihu deheto. Timongolio lotikema to Mikhmas to ambahu tiimuru lo Bet-Awen.

BOHULO SEMUEL 14:23

Timongolio helo paatea to ngohilayaa̒ lo dalalo demola yilumaode to Bet-Awen. Eeya helo poa̒ahu olimongolio todulahee boito.

BOHULO SEMUEL 30:27

Kokoo-tawaalo boito yito: Betel wau Rama to wimbihu huliaalio lo Yehuda, Yatir, Aroe̒r, Sipmot, Estamoa, Rakhal, wau olo kokoo-tawaalo taulo Yerahmeel, kokoo-tawaalo taulo Keni, Horma, Bor-Asan, Atakh wau Hebron. Ngoa̒amila kota u tou̒toonu tei Dauda wau tahidudua̒ olio, mapee̒enta helonao̒ ode utoonulalo mao̒, pilo laolalio paraseni boito.