YOSUA 7:1 - KITABI HABARI MOPIOHE

¹ Eeya malo malentai to umati lo Isirai̒lu deu̒ lonto totoonulalo u hitua-tuawua tokota lo Yerikho u musi pobinasaalo, penu boli tuwau mao̒ diila mowali hamaalo. Bo palenta boito diila dilungohe limongolio. Talolai̒ ngota tai̒lunte Akhan helo lambangao̒ palenta boito, tilinggula Eeya malo muluka daa̒ to umati lo Isirai̒lu. (Tiyamo lei Akhan tai̒lunte Karmi wau tiyamolio lipaapa meaambo tiyamolio limaama tai̒lunte Jabdi lonto kaumu Jerah todelomo suku Yehuda.)

YOSUA 7:1 ပူးပေါင်းရင်းမြစ်များ

ILOOWALI 34:27

Lapatao̒ polo ngolota boito, mongo walae̒e Yako wewolio helo lambata kota boito odelo polontuli niyati moleeto limongolio kalana tawaliyali limongolio mapilo poa̒ibu batangalio.

OLUO LO SAMUEL 24:1

Eeya luli lomuluka mai to Isirai̒lu, lapatao̒ tei Dauda piliyoo-Lio wolo patuju mopodungga mai oweepita to bangusa boito. Tahuda mai lo Eeya olio, “Daputalia mao̒ ulipu to Isirai̒lu wau to Yehuda.”

OLUO MONGO OLONGIA 5:24

Tou̒ leidungga mola to huludu tambati biluloa̒ lei Elisa, tei Gehasi malohama doi wau pakeyangi boito lonto tahi pomayaalio lei Naa̒man, lapatao̒ loluua̒ao̒ todelomo belelio. Tahi pomayaalio lei Naa̒man boito mapilei̒ walingalio,

BOHULO TAWARI 21:7

Allahu Taa̒ala diila sanangi wolo boito wau Eeyalohukuumani mai taulo Isirai̒lu.

OLUO TAWARI 24:18

Oditolio ulipu diilalo hipo ibaadatia to Bele lo Eeya, Allahu Taa̒ala loluuhuru limongolio, bo hipolubowa balaahala wau bubuu-iyaalo Dewi Asyera. Dusa limongolio boito heloo̒ sababu to Eeya lomuluka mai ode Yehuda wau Yerusalemu.

ESRA 9:6

Wau̒ maloloi̒ya, “Yaa Allahu Taa̒ala lo watotia, watotia botie moolito u lumanggela mola ode talu lo Eeya. Dusa lo mongowatotia malo hidenge-dengea toitaato lunggongo lo mongowatotia demola hulungo.

AYUBA 35:8

Bo timongotamu tailuhialio wolo duduu-saamu. Eeya olo tao̒paae̒da wolo opopiohumu.

TAMOO-HUTUBAWA 9:18

Hikimati lebe ohuna wolo tingolo, bo peedi ngobontoo̒ moo̒ruusa susu ngou̒longo.

DANIALI 9:7

Oo Eeya, huhutu lo Eeya laito tuhaata wau aadili, bo mongowatotia laito hemo potoduo mai wolito tobatanga lo mongowatotia deu̒yito-yito ngoa̒amila tahi biluloa̒wa to Yudea wau to Yerusalemu wau ngoa̒amila taa ngobangusa lo mongowatotia tamaa pilopo loo̒opo lo Eeya ode lilii-puwaalo u molamingo wau u meembide masababu timongolio diila tatapu wau molotolo hilao to Eeya.

IMAAMATI 10:6

Lapatao̒ tei Musa loloi̒ya mao̒ odelei Haruna wau mongo walai̒o wewo, deu̒yito-yito tei Eleajar wolei Itamar, “Diila mao̒ polulia huwou̒mu moa̒puto, wau diila mao̒ kaidinga pakeyangimu u mopo biloheo̒ deu̒ timongoli hisuusawa wau limilimi. Wonu timongoli mohutu mao̒ odito, timongoli maamate, wau ngoilanggubu umati lo Isirai̒lu muluka mai lo Eeya. Bo ngoa̒amila taulo Isirai̒lu wewolio mowali motilimi duo̒lo ilopatea lo taduulota uilate sababu tulu lonto Eeya.

YUNU 1:7

Lapatao̒ tei Yunu wau nakoda boito lobotula mola ode yitaato, tahi pokalajawa to kaapali boito loloi̒ya ode timongota limongolio, “Dulo, pahutoonto alihu otaawanto tatoonu tao̒totala tilinggula ito ilodungga lobaala botie!” Timongolio malo mahutao̒, wau tanggulee Yunu u ilopahutalio.

YOSUA 22:16

Lapatao̒ to tanggulo ngoilanggubu umati lo Eeya, timongolio loloi̒ya mao̒ ode tau-tauwalo lonto suku Ruben, Gad wau suku Manasye boito, “Yilongola timongoli helohutu sua̒li u moleeto botie ode Allahu Taa̒ala lo Isirai̒lu? Wolo lomongu mao̒ mesba limongoli lohihilao, timongoli malo luwali to Eeya! Timongoli diilalo loduduo̒ totoonulalo palentaa-Lio!

YOSUA 22:18

Wau botia wolo timongoli ohilaa poli mobulemenga to Eeya? Wonu todulahee botie timongoli moluwali, loombu Tio mamo muluka mai to ngoilanggubu umati lo Isirai̒lu.

YOSUA 22:20

Eelailo mola, tei Akhan walae̒e Jerah tou̒ tio diila lohuto loduduo̒ palenta lo Eeya tomimbihu babaa-langiyalo u musi pobinasaalo, wau wolo akiibatilio? Ngoilanggubu umati lo Isirai̒lu hilukuumani! Tao̒dusa bo tei Akhan, bo tailate diila bo tio wambao̒!”