YOSUA 3:3 - KITABI HABARI MOPIOHE

³ wau helongohi mao̒ palenta botie ode umati lo Isirai̒lu, “Wonu bolo timongoli moo̒onto mongo iimamu potapotaa Bulua Daantia lo Eeya Allahu Taa̒ala limongoli, mamusi timongoli momonggato mololaa mao̒ tambati pilo tikemawa botie. Dudui̒ilo Bulua boito,

YOSUA 3:3 ပူးပေါင်းရင်းမြစ်များ

OLUO LO SAMUEL 6:13

Tou̒ taa u hipotaala Bulua Daantia malo diambangao̒ wolomo diambango, tei Dauda lopoa̒hu olimongolio lohuheli. Lapatao̒ tio lopodewo bake ode Eeya, deu̒yito-yito sapi ulai̒ wau walao̒ sapi u pilopo lingohu.

OLUO LO SAMUEL 6:3

Bulua Daantia boito hilamalio lonto bele lei Abinadab toitaato huludu wau pilotae̒lio toitaato goroba u bohu. Lapatao̒ tei Uja wolei Ahio, mongo walae̒e Abinadab helo lunehe goroba boito; tei Uja lonao̒ totiliilio,

BOHULO MONGO OLONGIA 8:3

Tou̒ ngoa̒amila tau̒wa boito lotia̒mbu mai, yi mongo iimamu malo mintaa̒a Bulua Daantia boito,

YEREMIA 33:18

laito mawoluo mola mongo iimamu monto suku Lewi tamomaya ola-U̒ wau mopodewo bake lo binatangi, pale wau dewo u yilalango.”

YIA̒APO 10:33

Lapatao̒ bangusa lo Isirai̒lu lololaa mao̒ Sinai, hui̒dee upiloti biluloa̒ lo Eeya, timongolio lononao̒ tolo hui mola hiheolio. Bulua Daantia lo Eeya laito delodelo meimulo woli mongolio u mololoheo̒ tambati potikemawa limongolio.

YIA̒APO 4:15

Eeya lotahuda odelei Musa wolei Haruna, “Tou̒ timongoli momonggari mao̒ kema, tei Haruna wau mongo walai̒o musi tumuwotao̒ ode delomo Kema-U̒ wau molau̒beo̒ ngoa̒amila balangi wau powimumuto uwoluo mota teto. Bolo lapatao̒ uito, tau-tauwalo Kehat mowali monao̒ mai momota mao̒. Bo timongolio diila mowali momilohe, mohimbideo̒ meaalo modedeta babaa-langiyalo boito, sababu mapilohetu ode ola-U̒. Wonu timongolio debo mohutu mao̒, timongolio maamate. Oditolio, alihu tau-tauwalo Kehat diila mao̒ oluluta monto suku Lewi, tei Haruna wau mongo walai̒o musi mongohi mao̒ tuugasi ngota-ngota towolota limongolio wolo umusi deloo limongolio. Ui-uitolo tuugasi taulo Kehat tou̒ Kema-U̒ polimbatolo. Tei Eleajar, walae̒e Haruna, tatihu-tihula to ngoilanggubu lo Kema-U̒, winulo tohe, totabu, bake lopale u pohinta tatapu, winulo upacala wau ngoa̒amila uwoluo todelomo Kema-U̒.”

MATIUSI 16:24

Lapatao̒ ti Isa lotahuda ode tahidudua̒ o-Lio, “Taa u mohuto modudua̒ ola-U̒, musi momalonga polohuna daa̒ batangalio lohihilao wau momota salipulio, wau tulusi modudua̒ ola-U̒.

MATIUSI 8:19

Lapatao̒ ngotaalio guru lo agama lonao̒ mai ode o-Lio wau loloi̒ya, “Paaa̒ Guru, watia ohilaa modudua̒ li Paaa̒ boli ode utoonu!”

TINGULI 31:25

Tou̒ mailapato, tio loloi̒ya mao̒ ode mongo iimamu lo Lewi tatiluugasi u mongulusi Bulua Daantia,

TINGULI 31:9

Lapatao̒ tei Musa loluladeo̒ butoo̒ lo Eeya Allahu Taa̒ala wau yilohilio ode mongo iimamu lo Lewi tatiluugasia u mongulusi Bulua Daantia, wau ode mongo tau̒wa lo Isirai̒lu.

YOSUA 3:4

bo diila mao̒ poonao̒ totili daa̒ lo Bulua boito; dudui̒ilo monto wulea aantadio ngokilo. Lou̒ odito timongoli mamotota mao̒ dalalo u musi nao̒o limongoli, sababu timongoli diipo pee̒enta mao̒ lonao̒ mai ode lipu botie.”

YOSUA 3:6

Lapatao̒ tei Yosua lomalentao̒ tomongo iimamu alihu momintao̒ Bulua Daantia boito tulusi momonggato motimulo wolo umati lo Isirai̒lu. Timongolio olo helo ponao̒ palenta lei Yosua boito.

YOSUA 3:8

Botia palentailo tomongo iimamu tamomota Bulua Daantia boito alihu tou̒ timongolio meidungga mola todutulaa, timongolio musi tumuwotao̒ ode delomo taluhu dutulaa boito wau timihulao̒ totili lobiihio.”

YOSUA 4:10

Mongo iimau debo hitihula tohuungo Yordan tunggula tau-tauwala boito yilapato helo ponao̒ ngoa̒amila upilo malentai lo Eeya ode limongolio lotimbulude to olei Yosua. Wolo lolamemeto umati lo Isirai̒lu lobalango Dutulaa Yordan.

YOSUA 6:6

Yi tei Yosua lotiangai tomongo iimamu, wau loloi̒ya mao̒, “Bintaa̒alo Bulua Daantia boito; pitulota towolota limongoli musi monao̒ totalulio sambela hideloa torompeti.”

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.

BOHULO SEMUEL 6:15

Lapatao̒ tau-tauwalo Lewi malo polaahe mola Bulua Daantia lo Eeya wau kasi u hetuanga upango hulawa boito, tulusi lopodutu mao̒ toitaato botu leidaa̒ boito. Lapatao̒ uito ulipu lo Bet-Semes helo podewo bake yilalango wau babaa-keyaalo wewolio ode Eeya.