YOSUA 24:2 - KITABI HABARI MOPIOHE

² Lapatao̒ tei Yosua loloi̒ya mao̒ ode limongolio ngoa̒amila, “Dungohi mao̒ wolo u pilotahuda mai lo Eeya Allahu Taa̒ala lo Isirai̒lu ode limongoli, ‘Muloololio mai daa̒ tinenemoya limongoli lotibiluloa̒ to ngotuali lo Dutulaa Eperat, wau helolubo dewa. Tala ngota limongolio yito tei Tera, tiyamo lei Abraham wolei Nahor.

YOSUA 24:2 ပူးပေါင်းရင်းမြစ်များ

ILOOWALI 11:22

Tou̒ tei Serug o umulu tolo pulu lotaunu, tio loo̒tapu mai walao̒ talolai̒, tanggulio Nahor.

ILOOWALI 11:24

Tou̒ tei Nahor o umulu dulo pulaa tio lotaunu, tio loo̒tapu mai walao̒ talolai̒, tanggulio Terah.

ILOOWALI 11:26

Lapatao̒ tei Terah o umulu pitu lopulu lotaunu, tio loo̒tapu mai walao̒ mongo lolai̒ toulota, deu̒yito-yito tei Abram, Nahor wolei Haran.

ILOOWALI 11:27

Uti-utieelo wali mai lei Terah: Tei Terah tiyamo lei Abram, Nahor wolei Haran. Tei Haran o walao̒ talolai̒, tanggulio Lot.

ILOOWALI 31:19

Tou̒ boito tei Laban woluo tohuta udatahu wau luasi donggo hemo huntinga lambuto himbalio, wau tou̒ boitolo ti Rahel lotao̒ bui̒ poduo̒laa ngaalaa̒ uwoli-yamolio.

ILOOWALI 31:30

Otaawau̒ deu̒ yio̒ lomonggato boito, kalana ohilaa daa̒ mohualinga. Bo yilongola yio̒ malotao̒ bui̒ poduo̒lo ngalaa̒au̒?”

ILOOWALI 31:32

Tomibihu bui̒ boito, wonu ti Oomu moo̒dungga ngotaalio tewe tamaa lotao̒, yi tio mahukuu-maniyolo mate. Palakisailo mao̒, wolo woluo babaa-langiyalo haku li Oomu tewe. Wonu woluo, toduwolo hamawalo mao̒. Wau tau-tauwunto mowali mosakusi mao̒ uito.” Diila ilotaawa lei Yako deu̒ ti Rahel talotao̒ bui̒ boito.

ILOOWALI 31:53

Allahu Taa̒ala tahe pujaa lei Abraham wau hepujaa li paapau̒ Nahor mamowali hakimu to wolotanto.” Lapatao̒ tei Yako malotadia domi Allahu Taa̒ala tahe tuboo lei Isihaka, tiyamolio, u moe̒elao̒ dantilio.

ILOOWALI 35:4

Lapatao̒ timongolio lohudu mao̒ odelei Yako ngoa̒amila dewa deli uwoluo to olimongolio wau olo ante-ante limongolio. Ngoa̒amila upango boito yilobungo lei Yako towalungo bungo lo ayu leidaa̒ totili lokota Sikhem.

YESAYA 51:2

Eelailo mola tinenemoyaamu Abraham wau ti Sara talo potutu mai olimongoli; tou̒ Wau̒ lotianga olei Abraham, tio diila owalao̒; lapatao̒ bilarakatia-U̒ tio wau yilohiya-U̒ mai wali u dadaata.

YEHESKIEL 16:3

Eeya Taa Laba-labaalo molanggato lopoa̒hu olaatia lopo tunggulai tahuli botie ode Yerusalemu, “Wuu Yerusalemu, yio̒ lowali mai tohuta lo Kanaa̒n. Tiyamamu taulo Amori wau tiilamu taulo Het.

LUKASI 3:34

walae̒e Yako, walae̒e Isihaka, walae̒e Abraham, walae̒e Terah, walae̒e Nahor,

TINGULI 26:5

Lapatao̒ totalu lo Eeya Allahu Taa̒ala limongoli, timongoli musi moloi̒ya mao̒ tataa-heyaalo botie: ‘Yaa Eeya, nenemoya lo watotia ngotaalio lo Aram talonao̒ ode utoonulalo mao̒. Tio lodelo mola ngaalaa̒lio ode Masiri u lotibiluloa̒ mola teto odelo talo poa̒ahu batanga ode tambati u aamani. Tou̒ lonao̒ mola odito jumulaa limongolio bo ngoi̒di daa̒, bo timongolio lowali bangusa daa̒ wau hilootola.

YOSUA 24:15

Humayaalio timongoli diila mohuto motiwato to Eeya, pohamaalo putuusani to dulahulo botie deu̒ to olo tatoonu timongoli ohilaa motiwato to ila-ila wewo u hetilubo linene moyaamu muloololio mai to Mesopotamia meaalo to ila-ila taulo Amori u lipulio tatambati olimongoli botia. Bo amiaatia – watia wau ngaalaa̒ lowatia – mamotiwato bo to Eeya wamabao̒.”