YOSUA 22:4 - KITABI HABARI MOPIOHE

⁴ Yi lotuuu̒de wolo danti-Lio, Eeya Allahu Taa̒ala limongoli malongohi mai u aamani ode mongo wutati mongoli, taulo Isirai̒lu wewolio. Oditolio, botia pohualingolo mota ode madala limongoli lohihilao to ambahu tiimuru lo Dutulaa Yordan boito u omoo̒omolu yilohi lei Musa ode limongoli.

YOSUA 22:4 ပူးပေါင်းရင်းမြစ်များ

BOHULO TAWARI 22:18

Ualio mao̒, “Eeya Allahu Taa̒ala limongoli malo tulungi mai olimongoli, wau longohi mai dame wau oduo̒oto to ngoilanggubu lipu. Eeya malo poluasi mai olau̒ lopoo̒laaheo̒ ngoa̒amila bangusa tamuloololio mai hibiluloa̒wa tolipu botie. Botia timongolio taa̒aluku olemu wau ode Eeya.

PILOTIMUA̒TA 33:14

Tahuda mai lo Eeya, “Timongoli maduo̒lo-U̒ alihu mowali motolohaku huta u pilodanti-U̒ mai.”

YIA̒APO 32:18

Amiaatia diila tamo hualingo ode bele lamiaatia tou̒ ngoa̒amila taulo Isirai̒lu ohuta u mowali miliki pusakaalio.

TINGULI 12:9

sababu timongoli diipo tilumuwota mola ode lipu uilohi mai lo Eeya Allahu Taa̒ala limongoli ode limongoli, tambati limongoli mowali motitatapu wolo aamani.

TINGULI 29:8

Huta limongolio hilamanto wau tilayadunto ode suku Ruben, Gad wau ngotayadu ode suku Manasye.

TINGULI 3:20

Bantui mao̒ tau-tauwalo ngobangusamu tunggula huloa̒a mao̒ limongolio huta u mawohi mai lo Eeya Allahu Taa̒alamu ode limongolio to ambahu otolopa lo Dutulaa Yordan, wau tunggula Eeya mopoluasi mao̒ olimongoli tumumula wolo tantaramu mola teto, debo odelo u pilohutu-Lio mai olimongoli tewe. Bolo lapatao̒ uito timongoli mohualinga mota ode huta miliki limongoli u mailohi mai lowatia ode limongoli.

IBRANI 4:8

Wonu humayaalio tei Yosua malongohi ode tau-tauwala boito pohuhelia upilo danti mai lo Allahu Taa̒ala, yi Allahu Taa̒ala madiilalo motahuda pasali lou̒ tuwaulio lodulahe uwewo.

YOSUA 1:15

Timongoli musi motulungi olimongolio tunggula timongolio motibiluloa̒ tohuta ambahu otolopa lo Dutulaa Yordan botie uilohi mai lo Allahu Taa̒ala limongoli ode limongolio. Lapatio mao̒ Eeya mongohi mai u aamani ode ngoilanggubu bangusa lo Isirai̒lu, deu̒yito timongoli mowali muli mohualinga mota ode huta limongoli lohihilao to ambahu tiimuru lo Yordan botie, uilohi lei Musa wato lo Eeya boito ode limongoli.”

YOSUA 12:6

Uitolo olongia duulota tailolaahe lei Musa pee̒-pee̒enta wolo bangusa lo Isirai̒lu. Huta lomongo olongia boito yiludu lei Musa, wato lo Eeya boito, ode suku Ruben, Gad, wau ngotayadu suku Manasye, u lowali huta miliki limongolio.

YOSUA 13:15

Ngotayadu lontu huta upilodanti mai lo Eeya ode umati lo Isirai̒lu boito mailohi lei Musa ode ngangaa-laa̒awaalo todelomo suku Ruben, u lowali huta miliki limongolio.

YOSUA 13:8

Suku Ruben wau Gad boli ngotayadu suku Manasye malo lolimo tayadu huta lonto olei Musa, wato lo Eeya boito; deu̒yito-yito huta to ambahu tiimuru lo Dutulaa Yordan.

YOSUA 22:3

Ngotilonggadu botie diila pee̒enta mao̒ timongoli helo poluli mongo wutatumu taulo Isirai̒lu wewolio helo hipate tutuuwau. Timongoli malo dungohe papaa-lentawalo Eeya Allahu Taa̒ala limongoli lou̒ tio̒otutua.