YOSUA 21:9 - KITABI HABARI MOPIOHE

^9-19 Monto kaumu Kehat todelomo suku Lewi, mongo iimamu wali mai lei Harunalo tabohu-bohulio mololimo kokoo-taalio; timongolio yilohia kota mopulaa totolu wolo huhuu-tawaalo hutalio datahu wau luasi. Monto suku Yehuda wau Simeon, timongolio lololimo tio kota, deu̒yito-yito: Libna, Yatir, Estemoa, Holon, Debir, Ain, Yuta, Bet-Emes wau Arba, u ilunte lodudua̒ tanggulo liyamo lei Enak. Kota boito, u masaatia ilunte Hebron, deu̒yito-yito kota tuwau potiduo̒lalo to hihui̒-hui̒dea lo Yehuda. Hahaa-laboluwalo wau kakaa-mbunguwalo kota botie mailohi odelei Kale walae̒e Yepune u lowali huta milikiilio. Monto suku Benyamin timongolio lololimo wopato kota, deu̒yito-yito: Gibeon, Geba, Anatot wau Almon.

YOSUA 21:9 ပူးပေါင်းရင်းမြစ်များ

BOHULO TAWARI 6:65

Kakaa-mbunguwalo to madala losuku Yehuda, Simeon wau Benyamin tamai̒lunte boito, loo̒tapu tayade olo loli popahuto.

YOSUA 21:8

Odi-odieelo mola taulo Isirai̒lu helo laya-layadeo̒ kokoo-tawaalo boito wolo huhuu-tawaalo lohutalio datahu wau luasi loli undiani totau-tauwalo Lewi, debo odelo upiloa̒hu lo Eeya lotimbulude olei Musa.

OLUO TAWARI 31:15

To kokoo-tawaalo wewo tambati piloti biluloa̒a lomongo iimamu, tei Kore hebilantua lotau-tauwalo Lewi wewolio deu̒yito-yito: tei Eden, Minyamin, Yesua, Semaya, Amarya, wau Sekhanya. Babaa-haniyaalo ua̒alo boito hetilayadu tutuuwauwa to wolota timongota suku lo Lewi mopio tapanggola meaambo tahumula helo dudua̒a tuugasi limongolio.

YOSUA 21:4

Tabohu-bohulio helo lolimo kokoo-taalio yito ngangaa-laa̒awaalo kaumu Kehat todelomo suku Lewi. Ngangaa-laa̒awaalo wali mai li Iimamu Haruna yilohia kota mopulaa totolu lonto madala losuku Yehuda, suku Simeon wau Benyamin.

BOHULO TAWARI 6:39

Tei Asap yito tau̒wa lo polemboa̒ tamolahua u oluolio. Pilito lo silasilalio lonto tibawa ode yitaato demola olei Lewi yito: Asap, Berekhya, Simea,