YOSUA 2:4 - KITABI HABARI MOPIOHE

^4-6 “Memangi woluo talonao̒ mai ode bele lowatia,” tametao̒ li Rahab, “bo diila otaawa lowatia lonto utoonu timongolio. Timongolio maa yilumualao̒ engontie tou̒ mamo dio̒lomai tou̒ hulubangi lokota diipo hileu̒talio. Wau watia diila lohintu mao̒ wonu made utoonu timongolio, bo wonu timongolio hua̒a yilapitalo mota, tanu donggo oilapita.” (Lebe-lebe pomao̒ ti Rahab maloluuo̒ taa u motulete lou̒ poo̒-poo̒oyo taduulota boito towalungo huuntua lolaato topahu lobelelio.)

YOSUA 2:4 ပူးပေါင်းရင်းမြစ်များ

OLUO MONGO OLONGIA 6:19

Tei Elisa lonao̒ mai ode limongolio wau loloi̒ya mao̒, “Timongoli yilapalo. Utie diila kota u helolohu limongoli. Dulo modudua̒i olaatia, de madepito mota laatia timongoli ode tahe lolohu limongoli.” Lapatao̒ tei Elisa lodepita mola olimongolio ode Samaria.

PILOTIMUA̒TA 1:19

Tametao̒ limongolio, “Taabua lo Ibrani diila debo odelo taabua lo Masiri. Timongolio gambangi daa̒ mopotutu mai. Tou̒ hulango diipo meidungga, walai̒o mapilo tutulio.”

YAKOBUS 2:25

Bilohi mao̒ olo ti Rahab, taabua suuntali boito. Tio tilolimo lou̒ mopiohe lo Allahu Taa̒ala sababu huhutuulio, deu̒ito-yito tou̒ tio lololimo todelomo belelio ngoolo lota tamoo-hehulawa bangusa lo Isirai̒lu wau lotulungi olimongolio lei̒ teteo̒ loli dalalo wewo.

YOSUA 2:3

Yi ti olongia malolao tau odeli Rahab mota lopo tunggulao̒ palenta botie, “Polontula mao̒ taa u helotihui to belemu boito. Timongolio yito taa u tiluugasia motulete lou̒ u mai motulete ngoilanggubu madala lo Yerikho!”

YOSUA 6:17

Ngoilanggubu kota wolo ngoa̒amila tuangio musi pobinasaalo sama-samaata odelo dewo ode Eeya. Bo ti Rahab taabua suuntali boito wolo kaumu ngaalaa̒lio wamabo̒ tamowali poluli mao̒ tumu-tumulo, sababu tio malo tulungi taa u tilugasia motulete lou̒ poo̒-poo̒oyo lonto olanto.

YOSUA 6:25

Bo ti Rahab taabua suuntali boito wolo ngoa̒amila kaumu ngaalaa̒lio yilulia mao̒ lei Yosua tumu-tumulo, sababu tio malo tulungi taduulota tatilugasia motulete lou̒ poo̒-poo̒oyo tailao lei Yosua ode Yerikho. (Tunggula todulahee botie wali mola li Rahab donggo woluo to Isirai̒lu.)