YOSUA 2:3 - KITABI HABARI MOPIOHE

³ Yi ti olongia malolao tau odeli Rahab mota lopo tunggulao̒ palenta botie, “Polontula mao̒ taa u helotihui to belemu boito. Timongolio yito taa u tiluugasia motulete lou̒ u mai motulete ngoilanggubu madala lo Yerikho!”

YOSUA 2:3 ပူးပေါင်းရင်းမြစ်များ

ILOOWALI 38:24

Tanu tolo hula mola lapatio mao̒ tei Yehuda loo̒tapu habari deu̒ ti Tamar walao̒ moluhengio malohutu odelo tasuuntali wau maa ilombodaa̒. Lapatao̒ tei Yehuda lomalentaao̒, “Hamaawa mai tio wau tumbilalo tunggula mate!”

ILOOWALI 42:31

Amiaatia lolametao̒, ‘Amiaatia botie taa hipiiohe, diila tamoo-hehulawa, amiaatia taa juujulu.

OLUO LO SAMUEL 10:3

Tou̒ timongolio leidungga mola to Amon, mongo tau̒wa lolipu boito loloi̒ya odeli Olongia Hanun, “Diila mao̒ pikiilia li Baginda deu̒ tei Dauda helolao mai utolialio boito sababu tio ohilaa mohurumati oliyamo li Baginda! Tumbao̒ tio helaloa tau-tauwalo boito odia mai odelo tahe tilugasia u motulete lou̒ poo̒-poo̒oyo kota botie, alihu mowali hamaalio.”

OLUO LO SAMUEL 17:20

Tau-tauwalo tahe ilahula lei Absalom lonao̒ mai ode bele boito wau malohintu mao̒ ode taabua engonti, “Tou̒toonu tei Ahimaas wolei Yonatan?” “Timongolio boheli lobalanga mota dutulaa,” tametio mao̒. Timongolio hemololoohe tabohulotau duulota boito, bo diila ilodungga limongolio, lapatao̒ timongolio malo hualinga ode Yerusalemu.

BOHULO TAWARI 19:3

mongo tau̒wa lolipu boito loloi̒ya mao̒ odeli Olongia Hanun, “Diila mao̒ pikiilangia li Baginda deu̒ tei Dauda lolao mai utolialio boito sababu tio ohilaa mohurumati oliyamo li Baginda! Tio lolao mai tau-tauwala boito odia odelo tau̒ tau̒ tiluugasia motulete lou̒ poo̒-poo̒oyo lipunto, alihu mowali hamaalio!”

AYUBA 21:30

Uali mongolio, “To dulahee Allahu Taa̒ala mopodungga mai lo hukuumani, tahileeta mamoa̒ahu.”

IMAAMATI 24:14

“Delowa mota tau boito ode bulemengo kema. Motii̒du taa u maloo̒ dungohu olio helo laa̒anati, musi mopodutu uluu̒lio toitaato lunggongo tau boito u mongohi sakusi deu̒ tio ototala. Lapatao̒ ngoilanggubu umati musi momai̒ olio wolo botu tunggula mate.

YAHYA 19:4

Lapatao̒ uito tei Pilatus pee̒entapo yilumualai wau loloi̒ya ode taa dadaata, “Bilohilo! Wau̒ lodelo mai o-Lio ode bulemengio ode limongoli, alihu otaawa mao̒ limongoli Tio diila piloo̒ tapulau̒ totala penu boli tuwau mao̒.”

WUNGGULI LOMONGO RASULU 12:4

Tou̒ mailau̒pio mai, tei Petrus pilopo tuwotio ode tutupa. Wopato dusingi suludadu pilei̒ dahalio olei Petrus teto – motii̒du dusingi wopatota suludadu. Lapatao̒ rameyangi lo Paska lopalutao̒, deu̒ito tei Herodes mamomutoo̒ olei Petrus totalu lotaa dadaata.

WUNGGULI LOMONGO RASULU 12:6

Tohui tou̒ diipo tei Herodes mamopo taalua olei Petrus ode taa dadaata, tei Petrus lotuluhu tihutihuto wolo dulo titihuto towolota lo suludadu duulota tamoo-kawalia. Tohuhebu lotutupa, tahi pokawalia wewo olo donggo hipodahawa tutupa.

YOSUA 10:23

Gowa boito olo mota hiluo̒lio, lapatao̒ mongo olongia lo Yerusalemu, Hebron, Yarmut, Lakhis wau Eglon dilelo ode bulemengio,

YOSUA 2:2

Ti olongia kota lo Yerikho loo̒dungohe deu̒ tou̒ hui boito woluo taulo Isirai̒lu lonao̒ mai motulete lou̒ poo̒-poo̒oyo madala lo Yerikho.

YOSUA 2:4

“Memangi woluo talonao̒ mai ode bele lowatia,” tametao̒ li Rahab, “bo diila otaawa lowatia lonto utoonu timongolio. Timongolio maa yilumualao̒ engontie tou̒ mamo dio̒lomai tou̒ hulubangi lokota diipo hileu̒talio. Wau watia diila lohintu mao̒ wonu made utoonu timongolio, bo wonu timongolio hua̒a yilapitalo mota, tanu donggo oilapita.” (Lebe-lebe pomao̒ ti Rahab maloluuo̒ taa u motulete lou̒ poo̒-poo̒oyo taduulota boito towalungo huuntua lolaato topahu lobelelio.)

MONGO HAKIMU 4:20

Lapatao̒ tei Sisera loloi̒ya mao̒ odeli Yael, “Ponao̒lo mota timihulao̒ totalu huhebu lokema. Wonu tau monao̒ mai wau mohintu mao̒ olemu wolo woluo tau tewe, polelea mao̒ diaaluo.”