YOSUA 17:5 - KITABI HABARI MOPIOHE

^5-6 Oditolio, diila bo wali mai mongo lolai̒ lei Manasye tamoo̒tapu tayadu huta, bo olo wolo waliilio mongobua. Uito sababuulio yilongola bo suku Manasye tailohia mopuulo tayadu, ngopohia huta Gilead wau Basan to ambahu tiimuru lo Dutulaa Yordan. Huta Gilead wohi mao̒ ode wali mai lei Manasye wewolio.

YOSUA 17:5 ပူးပေါင်းရင်းမြစ်များ

YOSUA 17:14

Wali mai lei Yusu loloi̒ya mao̒ odelei Yosua, “Yilongola amiaatia bo yilohia ngotayadu huta wamabai̒o, lebe-lebe pomao̒ amiaatia dadaata daa̒, sababu Eeya malo balakati mai olamiaatia?”

YOSUA 13:11

Wau olo tuwo-tuwoto madala Gilead, madala totili lo Gesur wau Maakha, wau ngoilanggubu Hui̒dee Hermon, wau ngoilanggubu madala Basan demola Salkha.

YOSUA 17:4

Timongolio lonao̒ odeli Iimamu Eleajar, odelei Yosua walae̒e Nun wau ode mongo tau̒wa, wau loloi̒ya, “Eeya malo tahuda mai odelei Musa deu̒ amiaatia olo musi pee̒-pee̒enta moo̒tapu mao̒ huta debo odelo mongo wutato lamiaatia mongo lolai̒.” Sababu uito, lotuuu̒de wolo palenta lo Eeya, mongo walao̒ tabua lei Jelapehad boito wohiyalo huta pee̒-pee̒enta wolo mongo wutati mongolio talolai̒.