YOSUA 11:2 - KITABI HABARI MOPIOHE

² ode mongo olongia to hihui̒-hui̒dea ambahu tilayo, to Lumbaya Yordan ambahu huliaalio lo Galilea, tomadala lobungo hihui̒-hui̒dea, wau tomadala biihio lopentadu membideo̒ lo Dor.

YOSUA 11:2 ပူးပေါင်းရင်းမြစ်များ

BOHULO MONGO OLONGIA 15:20

Tei Benhadad akolo wolo hihiile boito lapatao̒ helo poa̒hu mongo polowilalio wolo pasuukani limongolio u loluhu kokoo-tawaalo Isirai̒lu. Timongolio lopoo̒laaheo̒ Iyon, Dan, Abel-Bet-Maakha wau Kinerot membideo̒ bulalo Galilea wau ngoilanggubu madala Naputali.

YIA̒APO 34:11

Monteeto motuhuta mola ode Ribla to ambahu tiimuru lo Ain, lapatao̒ tulusi ode huhuu-luduwaalo to pentadu tiimuru lo Bulalo Galilea,

LUKASI 1:39

Lolamemeto lapatio mao̒ uito, ti Maria lonao̒ mola ode kota tuwau to Yudea tomadala hihui̒-hui̒de.

LUKASI 5:1

Tou̒ wakutu tuwau, ti Isa tilimihulao̒ to pentadu lobulalo Genesaret. Dadaata tahipo huhuuntula motohilaa modungohe habari monto Allahu Taa̒ala.

YOSUA 10:40

Ngoilanggubu lipu boito tilaa̒aluku lei Yosua. Tio lopoo̒laaheo̒ mongo olongia tolipu hihui̒-hui̒dea, to bibii-nggiyaalo huludu to ambahu tiimuru, bubuu-ngowaalo hui̒dee to ambahu otolopa, to huhuu-tawaalo datahu wau luasi to ambahu huliaalio. Diaaluo penu boli ngotaa mao̒ tailulia hitumula; ngoa̒amilalo pilatelio yila-yilateelo mao̒. Uito tutuuu̒de wolo palenta lonto Eeya Allahu Taa̒ala lo Isirai̒lu.

YOSUA 10:6

Tau-tauwalo Gibeon helolao mota habari botie odelei Yosua to pilotikemawa to Gilgal, “Diila mao̒ polulia amiaatia tutuwau, Tuani! Hua̒a ponao̒lo mai momantu olamiaatia, sababu ngoa̒amila suludadu lonto li olongia lo Amori tolipu hihui̒-hui̒dea malo paanggala moluwali olamiaatia!”

YOSUA 11:16

Tei Yosua malohama ngoilanggubu lipu boito – madala hihui̒-hui̒dea, madala tobungo lohui̒du, mopio u totilayo meaambo u tohuliaalio; wau olo ngoilanggubu madala lo Gosyen wau madala huta luasi daa̒ mohengu to ambahu huliaalio lo Gosyen, boli Lumbaya Yordan.

YOSUA 11:21

To masa botie olo tei Yosua lonao̒ lopobinasa bangusa lo Enak, deu̒yito-yito bangusa rakisasa tahi biluloa̒wa tomadala hihui̒-hui̒dea – to Hebron, Debir, Anab, wau to ngoilanggubu madala hihui̒-hui̒dea lo Yehuda wau Isirai̒lu. Timongolio ngoa̒amilalo hepilate lei Yosua yila-yilateelo mao̒, wau kokoo-tawaalo limongolio pilobinasa.

YOSUA 12:3

wau olo hamahama madala lo Lumbaya Yordan to ambahu tiimuru, lonto Bulalo Galilea ode mantahu huliaalio demola Bet-Yesimot (to ambahu tiimuru Lau Mati), tulusi ode bungo lo Hui̒dee Pisga.

YOSUA 13:27

To Lumbaya Yordan, madala suku Gad boito hamahama Bet-Haram, Bet-Nimra, Sukot, wau Japon, deu̒yito-yito labito madala tokawasa li Olongia Sihon to Hesybon. Sipatana to wimbihu otolopa losuku Gad boito yito Dutulaa Yordan demola ngoilaminga lo Bulalo Galilea to ambahu tilayo.

YOSUA 17:11

Todelomo madala Isakhar wau Asyer boito woluo huhuu-tawaalo miliki losuku Manasye, deu̒yito-yito: Bet-Sean wau Yibleam wolo kakaa-mbunguwalo topalitio. Wau olo: Dor (kota u dudutuulio tobiihu deheto), En-Dor, Taanakh, Megido wolo kakaa-mbunguwalo topalitio.

MONGO HAKIMU 1:27

Suku Manasye diila helo polahi ulipu lokota Bet-Sean, Taanakh, Dor, Yibleam wau Megido wolo kakaa-mbunguwalo totiliilio. Oditolio taulo Kanaa̒n debo hibiluloa̒wa mota teto.