YOSUA 1:3 - KITABI HABARI MOPIOHE

³ Wau̒ malo tahuda mai odelei Musa deu̒ timii̒du madala potidutaa̒ limongoli mailohi-U̒ mai olemu, Yosua, wau ode ngoilanggubu umati-U̒.

YOSUA 1:3 ပူးပေါင်းရင်းမြစ်များ

TINGULI 11:24

Timii̒du madala u potidutaa̒ limongoli mowali miliki limongoli. Madala limongoli bua̒bua̒ade monto huta luasi udelita to huliaalio demola hihui̒-hui̒dea lo Libanon totilayo, wau monto Dutulaa Eperat totiimulu demola Lau Tenga to otolopa.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

YOSUA 1:4

Madalamu mabua̒-bua̒de monto huta datahu u luasi daa̒ udelita to huliaalio demola hihui̒-hui̒dea lo Libanon totilayo wau monto Dutulaa Eperat u leidaa̒ boito to tiimuru tulusi meituwoto lipu bangusa lo Het demola Lau Tenga to otolopa.

YOSUA 14:9

Wau sababu uito, tei Musa lodantia deu̒ huta u yilontale lo watia tantuulo mawohilio olaatia wau mongo walao̒ lo watia mowali miliki lamiaatia u ohiheo-hiheolo mao̒.