YOSUA 1:2 - KITABI HABARI MOPIOHE

² Tahuda lo Eeya, “Wato-U̒ tei Musa mailate. Yi botia opiohelio yio̒ wau ngoilanggubu umati lo Isirai̒lu motidapa-dapato u mobalango Dutulaa Yordan, wau tumuwota mota ode lipu uwohi-U̒ mao̒ olimongolio.

YOSUA 1:2 ပူးပေါင်းရင်းမြစ်များ

ILOOWALI 17:8

Wau̒ mamongohi olemu wau ode waliimu mai, huta botie, u botia bilu-biluloa̒ olemu odelo tau deli. Ngoa̒amila huta lo Kanaa̒n mamowali haku lo walao̒ wau wombumu ohiheo-hiheolo mao̒ wau Wau̒ mamowali Allahu Taa̒ala limongolio.”

NEHEMIA 9:23

Pilopowali lo Eeya wali mai limongolio ngodaata lo popoo-liyamaalo to dulente. Yilohi mai lo Eeya huta u piloti biluloa̒ limongolio, huta u mapilodanti mai lo Eeya odeli nenemoyaalio.

AYUBA 1:8

Tulusi Eeya helohintu mao̒, “Wolo mapiloo̒ tuotumu wato-U̒ tei Ayuba? To ngoilanggubu dunia diaaluo taa u odito tatapu wau molotolo hilao boli mopiohe hale debo odelo tio. Tio hemolubo ola-U̒ wau diila pee̒enta mao̒ helohutu u moleeto.”

YESAYA 42:1

Tahuda mai lo Eeya, “Utieelo wato-U̒ tabiloowo-U̒, taa tilulaotu-U̒ wau taloo̒ sanangi hilaa-U̒. Wau̒ malongohi kawasaa-U̒ to olio u modelo ua̒adili ode timii̒du bangusa.

YIA̒APO 12:7

Bo diila odito wolo wato-U̒ tei Musa. Tio-tiolo taa utatapu wau molotolo hilao towolota lo umati-U̒.

TINGULI 3:28

Wohia mao̒ potuhata tei Yosua. Poo̒lotola mao̒ hiaalio, sababu tiolo tamaa modelo bangusa boito ode ngotuali umotihuloa̒a tolipu u iloontongamu boito.’

TINGULI 31:7

Lapatao̒ tei Musa malo tiangai olei Yosua wau totalu lo ngoilanggubu bangusa lo Isirai̒lu tio loloi̒ya mao̒ olio, “Mamusi yio̒ molotolo hilao wau buheli, Yosua! Yio̒lo tamamodelo bangusa botie u motibiluloa̒ tolipu u pilodanti mai lo Eeya odeli nenemoya limongolio.

TINGULI 34:5

Lapatao̒ mailatelo mola tei Musa wato lo Eeya tohuta lo Moab, debo odelo u tilahuda lo Eeya tou̒ dipo-dipolulio mai.

YOSUA 1:1

Lapatao̒ tei Musa yilate, wato lo Eeya boito, Eeya helo tahuda mai ode wakili lei Musa, deu̒yito-yito tei Yosua walae̒e Nun.

YOSUA 1:11

alihu momalito ode ngoilanggubu polokemawa umati lo Isirai̒lu wau mongohi mao̒ palenta botie, “Podapato mao̒ tomeu̒, sababu donggo tolo hui mola poli timongoli musi mobalanga Dutulaa Yordan u motihuloa̒ tolipu uwohi mai lo Eeya Allahu Taa̒ala limongoli ode limongoli.”