YOEL 2:3 - KITABI HABARI MOPIOHE

³ Debo odelo tulu u lolumbila wau lomobu ilaantulu limongolio totoonulalo pilomulo. Tou̒ dipo-dipolulio mai, lipu boito debo odelo Eden, ilengi u pilomuloa wolo bubuu-ngawaalo Eeya, lapatio mao̒ debo odelo huta ohungayo u luasi wau mohengu daa̒. Diaaluo u penu boli hitua-tuawua u ilolabita, diaaluo taloo̒ lopato lonto luhu limongolio.

YOEL 2:3 ပူးပေါင်းရင်းမြစ်များ

ILOOWALI 13:10

Tei Lot malo milohe mota ode palitio wau iloontongalio mola deu̒ ngoilanggubu Lumbaya lo Yordan, demola kota Joar dadaata taluhio, debo odelo Taman lo Eeya meaalo debo odelo huta lo Masiri. (Odi-odieelo mola owowoluwoalio tou̒ Eeya diipo lopobinasa kota lo Sodom wau Gomora.)

ILOOWALI 2:8

Wumbutio mola Eeya Allahu Taa̒ala lohutu tamani to Eeden, to wimbihu tiimuru, wau pilopo tambati-Lio mao̒ teto manusia tamaa pilopowali-Lio boito.

JABURU 50:3

Allahu Taa̒alanto leidungga diila bo lotipoo̒oyo, Eeya miluloa lo tulu u dila-dilaato, wau pilalita lodutalo umoo̒tihela hapato.

JABURU 97:3

Tulu umalapo totalu-Lio, momobu musu topali-Tio.

PILOTIMUA̒TA 10:15

Ngoilanggubu tudu lohuta tilau̒be mai lobulita tilinggula oontonga loitomo lomola. Bulita boito heilongaa wolo wambai̒o udiila bilinasa leituwoto lodidi esi boito, leituwoto huhuu-ngowaalo tobungo lo ayu. To ngoilanggubu huta lo Masiri diaaluo u hitua-tuawua umoidu u ilolabita to bubuu-ngowaalo ayu meaalo pilomulo.

PILOTIMUA̒TA 10:5

Ngoilanggubu tudu lohuta maa otau̒be lobulita sama-samaata umalo odito daatalio boito. Ngoa̒amila labito pilomulo, tumbao̒ bubuu-ngowaalo ayu udiila bilinasa lodidi esi, mapoo̒ pulito lobulita boito.

YESAYA 14:17

Matioolo tahe langantulu kokoo-tawaalo wau lomolio̒ dunia lowali huta hungayo u luasi daa̒? Matio botieelo tadiila pee̒enta mao̒ lolopata meaambo lopoluli olimongolio lohualinga?’

YESAYA 15:6

Taluhu Dutulaa lo Nimrim wau huo̒yoto u hibutua to biihio malo hengu-hengulo mao̒, diduu̒ pipii-lomuwaalo u moidu.

YESAYA 33:4

Debo odelo apola lobulita lotau u moluhu wau molambata halata limongolio.

YESAYA 51:3

Yerusalemu Wau̒ mamoliyanga olemu, wau ngoa̒amila tahi biluloa̒wa to tutuu-woodumu. Huhuu-tawaalo datahu wau luasi daa̒ udelita u olemu powaliyo-U̒ ilengi u pilomulo lo bubuu-ngawaalo wau uwewolio mao̒, debo odelo Edeni, ilengiu̒ upilomuloa wolo bubuu-ngawaalo u molomiodu. Mota teto tau mamo tiwengahu wau motisanangi wau mosukuru mola wolo lalaa-huwaalo.

YESAYA 9:18

Eeya Taa Laba-labaalo kawasa muluka daa̒, wau hukuumani-Lio debo odelo tulu u wali-walihuhu wau bangusa boito yito ayu podiii̒o u yilaahu. Diaaluo penu boli ngotaa mao̒ motolia̒ngo wutatio.

YESAYA 9:19

To ngoilanggubu lipu boito tau momantango lou̒ pakusa wau molamela bolo totoonulalo mao̒ wambai̒o u mowali tamelolo, bo diila molaasa mobutuhu. Tumbao̒ timongolio molamelo mongo sahabati limongolio lohihilao!

YEREMIA 5:17

Timongolio mamo poo̒pulito tilapulo huta wau ua̒alo limongoli wau momate-mateelo mao̒ mongo walai̒ mongoli. Bibiahu sapi wau himba limongoli mao̒oloto limongolio, wau ii̒i-lengiyaalo angguru wau bubuu-ngowaalo ayu ara limongoli maa̒ntuluo limongolio. Kokoo-tawaalo obiintengi u hepongaku limongoli maa̒ntuluo limongolio.

YEHESKIEL 36:35

Yi ngoa̒amila tau mamowali molinggolabe, sababu u engontielio moliilo, loa̒antulu lowali tuodu, botia lowali kokoo-tawalo u motoheeta bintengilio wau modetoo̒ ulipulio.

AMOS 7:4

Wau̒ luli loo̒onto bibilohe tuwau lonto Eeya Taa Laba-labaalo molanggato. Watia loo̒onto to Eeya donggo hemopo dapato u mohukuumani mai umati-Lio wolo tulu. Tulu boito lodelita tunggula lopulito auhe daa̒ to walungo lohuta wau maloo̒pobu halabolu.

HABAKU 1:6

Bangusa lo Babel taneekati wau bongisi boito mapowaliyo-U̒ bangusa tao̒kawasa. Timongolio motibaalisi lumualai monto lipulio wau molontale ngoilanggubu dunia u mopo taa̒aluku babaa-ngusawalo wewo.

JAKARIA 7:14

Debo odelo dutalo, Wau̒ malo poloolopu olimongolio tilinggula timongolio bolo pakusa lotibiluloa̒ to lilii-puwaalo deli. Huta u moloiodu botie malowali loliilo daa̒ diila otualio wau diila mowali pobutua lo pilomulo.”