YAKOBUS 1:3 - KITABI HABARI MOPIOHE

³ Sababu otaawa limongoli, deu̒ wonu timongoli debo palacaya to Eeya tou̒ moo̒toduo yimontala, akibatilio yito: timongoli mowali taaba.

YAKOBUS 1:3 ပူးပေါင်းရင်းမြစ်များ

LUKASI 21:19

Wonu timongoli moo̒tahangi wau sabali, yi timongoli moa̒ahu.”

ROMA 15:4

Ngoa̒amila u tulatulade todelomo Kitabi yito mongaajali olanto. Sababu pongaajali u tolimoonto monto Kitabi mopowali olanto sabali wau molotolo tilinggula ito mowali motiwunela to Allahu Taa̒ala.

ROMA 2:7

Allahu Taa̒ala mongohi mai tutumulo tutu wau ohiheo-hiheolo mao̒ ode limongolio taa tatapu wau molotolo hilao hemohutu mopiohe u moo̒tapu mao̒ ulailaio̒, u hulu-hulumati wau u abadi.

ROMA 8:25

Bo wonu ito mohalapu hitua-tuawua udiipo iloontonganto, yi ito mohima mai o-Lio wolo sabali.

ROMA 8:28

Otaawanto deu̒ Allahu Taa̒ala mongatulu mai totoonulalo sua̒li, tilinggula mongohi tilapulo umopiohe ode tau-tauwalo tamo tolia̒ngo o-Lio wau tatilia-Ngio motuuu̒de wolo lanjana-Lio.

2 KORINTUS 4:17

Wau osuusa udiila de mangolo botie, u ilolaasawa lamiaatia u donggo pohu-pohutu, mamongohi mai tilapulo olamiaatia tuwaulio osanangi tutu upolu-polutuo̒ wau bakaa. Osanangi tutu boito lebe udaa̒ mao̒ wonu pobandingio mola wolo osuusa boito lohihilao.

KOLOSE 1:11

Pohileaala dua̒ wolo kawasa lo Allahu Taa̒ala u udaa̒, timongoli polootolo-Lio mai tilinggula timongoli mambo modutolo totoonulalo u hitua-tuawua wolo sabali wau sanangi lohilao

2 TESALONIKA 1:4

Uitolo sababuulio yilongola amiaatia hemobisala pasali limongoli timii̒du amiaatia mobiilohe wolo jajaa-maa̒alo Allahu Taa̒ala. Wolo weengahe amiaatia helo hungguli mao̒ woloolo mola timongoli debo tio̒otutua palacaya li Almasi todelomo polo ngalinaya wau polodutolo u ilolaasawa limongoli.

2 TESALONIKA 3:5

Pohileaala dua̒ Eeya modelo olimongoli u lebe mongalati mao̒ deu̒ Allahu Taa̒ala momonu olimongoli wau deu̒ ti Almasi mopoo̒ lotolai olimongoli.

IBRANI 10:36

Timongoli palalu mosabali, alihu timongoli mowali mohutu kahandaki lo Allahu Taa̒ala wau lou̒ odito mololimo wolo upilo dantia-Lio mai.

IBRANI 12:1

Naa, tomimbihu olanto lohihilao, to palitunto woluo dadaata daa̒ sakusi! Sababu uito, duloolo ito molapi ngoa̒amila umoo̒ buheeto olanto wau dusa utulusi dembi-dembinga to olanto. Wau duloolo ito wolo moo̒olohu maju moluhu polo taadenga u woluo totalunto.

IBRANI 6:12

Amiaatia diila mohuto timongoli mowali lantingalo. Bo otohilaa lamiaatia alihu timongoli tumumulo debo odelo tau-tauwalo tahi pololimoa wolo upilo danti mai lo Allahu Taa̒ala, sababu palacaya o-Lio wau sababu hipo himawa lou̒ sabali.

1 PETRUS 1:7

Patujulio yito u mopo bukuti mao̒ wolo timongoli tio̒otutua palacaya to Eeya meaalo diila. Hulawa u mowali moluusa olo, tesiyola wolo tulu. Naa, iimani limongoli yito lebe mao̒ ohalaga wolo hulawa, oditolio musi tesiyola olo alihu mowali motoheeto. Wau lou̒ odito timongoli mapujio wau hulumatiolo boli polaio̒olo todulahe podudungga mai li Isa Almasi.

2 PETRUS 1:6

wau ngopohia lo pongotota, timongoli olo musi mowali mongawasa batanga, wau ngopohia mowali mongawasa batanga mamusi timongoli olo mopolingohu batanga u taaba motaalua lo totoonulalo u hitua-tuawua. Ngopohia sabali motaalua lo totoonulalo u hitua-tuawua, timongoli olo musi tumumulo modudua̒ u otohilaa lo Allahu Taa̒ala.