YAKOBUS 1:2 - KITABI HABARI MOPIOHE

² Mongo wutato! Wonu timongoli moo̒toduo yimontala u hidala-dalaala, mamusi timongoli molaasa opae̒eda.

YAKOBUS 1:2 ပူးပေါင်းရင်းမြစ်များ

WUNGGULI LOMONGO RASULU 5:41

Mongo rasulu boito lololaa mao̒ Mahakama Agama wolo wengahu sababu Allahu Taa̒ala malo nganggapu olimongolio paatuti u moo̒tapu mao̒ hihiina sababu ti Isa.

ROMA 5:3

Wau lebe mao̒ leeto, ito olo meengahe todelomo polodutolo, sababu otaawanto deu̒ polodutolo boito mohutu tau mowali moo̒olohu,

PILIPI 1:29

Sababu Allahu Taa̒ala malongohi mai ponu olimongoli diila bo u palacaya li Almasi wambao̒, bo u modutolo olo odeli Almasi.

PILIPI 2:17

Tanu watia mapateelio mate-mateelo mao̒ wau duhu laatia mowali debo odelo bake pilopao̒ toitaato lou̒ wolo u pilodewo limongoli ode Allahu Taa̒ala odelo tuoto deu̒ timongoli palacaya to o-Lio. Wonu memangi uito musi odito, watia mosukuru mola tosua̒li boito wau modudua̒ motiwengahe woli mongoli.

PILIPI 2:18

Odito olo patutilio timongoli olo molaasa sanangi wau modudua̒ motiwengahe wolaatia.

KOLOSE 1:24

Botia watia sanangi modutolo ode polohuna daa̒ limongoli. Sababu wolo dudutolo lowawao̒ laatia, watia mopo wimumuto wolo udonggo musi dutola li Almasi ode jamaa̒-Lio, deu̒ito-yito batanga-Lio.

IBRANI 10:34

wau timongoli lodudua̒ loo̒laasa osuukali hilao lotaa tilutupalio. Wau tou̒ ngoa̒amila u mililiki limongoli yilambatio, timongoli lololimo uito wolo hilaa sanangi sababu otaawa limongoli deu̒ donggo woluo hitua-tuawua ulebe mopiohe, umoo̒ tahangi ohiheo-hiheolo mao̒.

YAKOBUS 1:12

Potisanangilo tutu taa sabali tou̒ tio odungga loimontala. Sababu lapatao̒ tio moo̒ tahangi toimontala boito, tio mamolimo wuupalio, deu̒ito-yito tutumulo u mapilo danti mai lo Allahu Taa̒ala totau-tauwalo tamo tolia̒ngo Allahu Taa̒ala.

YAKOBUS 1:16

Diila bolo owimbulowa timongoli, Mongo wutatuu̒ taa otolia̒ngo!

YAKOBUS 1:19

Poo̒tuota mao̒ utie lou̒ tio̒otutua, Mongo wutato taa otolia̒ngo! Timii̒du tau musi molinggahu u modungohu, bo moboyu u mobisala wau moboyu u moingo.

YAKOBUS 5:11

Timongolio ilunte sanangi tutu sababu timongolio taaba. Timongoli maloo̒ dungohe pasali osabali lei Ayuba, wau otaawa limongoli woloolo mola Eeya tou̒ pulitio lobalakati olio. Sababu lodehu daa̒ hilaa lo Eeya wau mopiohe hale.

2 PETRUS 2:9

Oditolio otaawa lo Eeya woloolo mola mopoa̒ahu tau-tauwalo tahipo dudua̒awa u otohilaa-Lio wonu timongolio motaalua wolo totoonulalo nahati. Wau otaawa lo Eeya woloolo mola molahu tau-tauwalo tahileeta u sikisaalo to Dulahe Pomutoa̒lo,

WAHI 2:10

Diila mao̒ oohe to dudutolo udiilalo mohiheo musi olaasawa limongoli. Eelai mao̒, Ibilisi mamopo tuwoto ngotayadi mongoli ode delomo tutupa u mohimontala olimongoli. Timongoli mamodutolo mopulu hui mola hiheolio. Mamusi timongoli tatapu wau molotolo hilao to ola-U̒ tunggula mate, yi Wau̒ mamongohi mai olemu tutumulo u tutuulio tutu wau ohiheo-hiheolo mao̒ odelo palaseni lo ohohaama.