YAHYA 9:5 - KITABI HABARI MOPIOHE

⁵ Ngotilonggadu Wau̒ todunia botie, Wau̒lo tinelo dunia.”

YAHYA 9:5 ပူးပေါင်းရင်းမြစ်များ

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 4:16

Bangusa tatumu-tumula todelomo u modio̒lomo maloo̒onto tinelo ulaba-labaalo motinelo! Duo̒lo tapoo̒-poo̒oyo todelomo lipu lomautu malobutu mai tinelo u mobaango!”

MATIUSI 5:14

Timongoli yito baango dunia. Kota toitaato huludu diila mowali tuuo̒lo.

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

YAHYA 12:46

Wau̒ dungga-dungga mai ode dunia botie odelo tilango, alihu ngoa̒amila taa palacaya ola-U̒ diila tamoti biluloa̒ todelomo u modio̒lomo.

YAHYA 8:12

Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

WUNGGULI LOMONGO RASULU 13:47

Sababu utieelo palenta mai lo Eeya olami; Eeya lotahuda, ‘Wau̒ malolantu mai olimongoli lowali tinela tuwau ode tau-tauwalo bangusa wewo tadiila bangusa lo Yahudi, alihu timongoli mopotoduo mai osalaamati ode ngoilanggubu dunia.’ ”

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

WUNGGULI LOMONGO RASULU 26:23

deu̒ito-yito Olongia Tamoo-poa̒ahua tadilanti mai lo Allahu Taa̒ala boito musi modutolo, wau mowali taa bohulio umuli mobongu mai tou̒ mailate; alihu woleeto Tio mowali mopohabari mai tilango – deu̒ito-yito u mopoa̒ahu – mopio ode tau-tauwalo Yahudi boli ode tau-tauwalo tadiila Yahudi.”

EPESUS 5:14

Sababu ngoa̒amila u mowali oontonga wolo mopatato, deu̒ito-yito mobaango. Uitolo sababuulio loi̒loi̒ya “Pobongulo, wuu yio̒ tatuutuluhu, wau pobongulo monto opopate! Ti Almasi mamotinelai toitaatumu.”

WAHI 21:23

Kota boito diila palalu otinela mato lodulahu meaalo hulalo, sababu odudaa̒ lo Allahu Taa̒ala molinela olio, wau Walao̒ Himba boito yito tohelio.