YAHYA 9:4 - KITABI HABARI MOPIOHE

⁴ Ngotilonggadu donggo dulahu, ito musi mokalaja mao̒ kalajaa-Lio lo talolao mai ola-U̒. Hui mamei dungga, wau penu boli ngotaa mao̒ diila tamowali mokalaja.

YAHYA 9:4 ပူးပေါင်းရင်းမြစ်များ

TAMOO-HUTUBAWA 9:10

Kalajailo totoonulalo tuugasimu wolo tio̒otutua. Sababu de madiduuluo mai pikiilangi wau kalaja. Diduuluo ilimi meaambo hikimati todunia lotaa mate. Wau oditoolo mola umapo nao̒owamu.

MATIUSI 20:7

Tau-tauwala boito malo lametao̒, ‘Diaaluo tamongohi mai kalaja to olamiaatia.’ ‘Wonu odito,’ ualo taa ohuu̒wo lo ilengi boito, ‘ponao̒lo timongoli mola mokalaja to ilengi lo angguruu̒.’

MARKUSI 3:3

Ti Isa lotahuda mao̒ ode taa uluu̒lio yilate ngotuwali boito, “Dulo tihulai teea, totalu.”

YAHYA 10:32

Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

YAHYA 10:37

Wonu Wau̒ diila mohutu kalaja u pilomalentai lo Allahu Taa̒ala, diila mao̒ pomalacaya ola-U̒.

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 17:4

Watia malo pou̒daa̒ mola li Paapa toitaato dunia botie wolo lopoo̒ lapato kalaja u pilopoa̒hu mai li Paapa olaa-Tia.

YAHYA 4:34

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 5:19

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

WUNGGULI LOMONGO RASULU 4:20

Sababu amiaatia diila mowali mohuheli mobisala tomimbihu wolo u mai̒loontonga wau ilodungohe lamiaatia lohihilao.”

GALATIA 6:10

Oditolio, ngotilonggadu ito ohiyangio, mamusi ito mohutu u mopiohe ode ngoa̒amila tau, laba-labaalo mopiohu ode mongo wutatonto tangoi̒imani.

EPESUS 5:16

Pohunawa mao̒ lou̒ tio̒otutua timii̒du hiango uwoluo toli mongoli, sababu maasa botie yito maasa u moleeto.

KOLOSE 4:5

Todelomo wumbuta limongoli wolo tau-tauwalo tadiila palacaya, mamusi timongoli tumumula molinepo wau momake timii̒du hiyangio lou̒ mopio-piohulo mao̒.