YAHYA 9:34 - KITABI HABARI MOPIOHE

³⁴ Tametao̒ limongolio, “Wolo? Yio̒ tapolu-polu lodusa anggadu pilotutulio mai, yio̒ mamo ngaajali olami?” Yi tumulalo mai tou̒ boito tio dilinilio tumuwoto ode bele potabiaalo.

YAHYA 9:34 ပူးပေါင်းရင်းမြစ်များ

ILOOWALI 19:9

Bo loi̒ya lotau-tauwalo Sodom boito odelei Lot, “Ponao̒olo! Yio̒ tau deli ohilaa mongatulu olami? Ntali ponao̒olo! Wonu diila, yio̒ matotao̒ lami lebe mobuhetao̒ wolo taduulota boito.” Lapatao̒ timongolio lohuntulaa olei Lot wau loluhu ohilaa mongantulu huhebu.

OLUO TAWARI 25:16

“Poo̒oyo mola,” ualio mao̒ lei Amajia, “Wonu diila, patee lami yio̒ mate-mateelo mao̒! Diila pee̒enta mao̒ ami lomudua̒a olemu lowali tamoo-nasehatia oli olongia!” Yi lotipoo̒oyo lomola tinabi boito, bo tou̒ dipo-dipolulio mai tio donggo loo̒bisala mao̒, “Botia ilotaawa mao̒ lowatia deu̒ Allahu Taa̒ala malolantu mai u mopobinasa oli Baginda sababu huhutu li Baginda boito, wau sababu ti Baginda diila lomandungi nasehati lowatia.”

AYUBA 14:4

Tingga mowali manusia tao̒ dusa mopodungga mai sua̒li u wimu-wimumuto ngoa̒amilalo?

AYUBA 25:4

Tingga woluo manusia mantali tomato lo Allahu Taa̒ala? Tingga mowali tio mantali to bibilohu Eeya?

JABURU 51:5

Sababu ilaaku lowatotia totoonulalo totala lowatotia, dusa lowatotia laito hee̒ela-eela mola lowatotia.

PILOTIMUA̒TA 2:14

Tametao̒ lotau boito, “Tatoonu tamalo mintaa̒ olemu lowali tau̒wa wau hakimu lami? Wolo yio̒ ohilaa momate olau̒ mate-mateelo mao̒ olo, debo odelo taulo Masiri tapilatemu yila-yilateelo mao̒ boito?” Lapatao̒ tei Musa mailoohe wau helo mikiilangi mola, “Topotala! Huhutuuu̒ boito maa ilotahua.”

POHUMAYA 22:10

Polontula mao̒ taa u motohilaa mohina, yi mohuheli lomola polohaamawa, polomuusua wau moheheentea̒.

POHUMAYA 26:12

Taa u mohulode daa̒ donggo lebe mopiohe wolo taa u hemo lantobu batangalio motota.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

YESAYA 65:5

Timongolio moloi̒ya ‘Ponao̒lo molamingo, diila mao̒ podedeta olami sababu ami mantali wau leihalahu lonto olimongoli!’ Wau̒ diila loo̒taahangi loo̒onto pii̒li limongolio! Omulukaa-U̒ olimongolio debo odelo tulu udiila pee̒enta mao̒ mate.

YESAYA 66:5

Dungohilo wolo upilo tahuda mai lo Eeya, wuu timongoli tamoohe wau modungohe to Eeya, “Sababu timongoli tatapu wau molotolo hilao to Olau̒, woluo towolota lo bangusaamu tamolonua̒ olimongoli, wau diila mohuto moa̒awota woli mongoli. Timongolio mohanti-hantia̒a olimongoli wolo moloi̒ya, ‘Huliaalo mao̒ Eeya mopobolihei odua̒a-Lio, alihu ami moo̒onto owengahumu.’ Bo timongolio lohihilaolo tamoo̒tapu woolito.

LUKASI 11:45

Tala ngota guru lo agama loloi̒ya mao̒ odeli Isa, “Paaa̒ Guru, wolo tataa-heyaalo boito, ti Paaa̒ malohina olami olo!”

LUKASI 14:11

Sababu timii̒du tamopolaio̒ lobatanga mapo dupapaalio, bo tamoti dupapa lobatanga mapolaio̒lio.”

LUKASI 18:17

Eelai mao̒! Taa diila motaalua wolo Allahu Taa̒ala debo odelo tau̒kikiia̒ ngota, diila mowali pongawaa̒ umati lo Allahu Taa̒ala.”

LUKASI 6:22

Potisangilo tutu timongoli wonu lonuo̒lio, potoulilio, hinaalio wau pitanaalio sababu Walao̒ Manusia!

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 8:41

Timongoli helohutu wolo upilohutu lipaapamu lohihilao.” Tametao̒ limongolio, “Amiaatia diila mongo walao̒ haramu. Ti Paapa lamiaatia bo ngota, deu̒ito-yito Allahu Taa̒ala lohihilao.”

YAHYA 9:2

Tahidudua̒ li Isa lohintu mao̒ odeli Isa, “Paaa̒ Guru, yilongola tau botie pilotutulio mai pitoo̒? Wolo kalana tio lohihilao odusa meaalo mongo dulaa̒lio tao̒dusa?”

YAHYA 9:22

Mongo dulaa̒ lotau boito loloi̒ya mao̒ odito sababu timongolio moohe tomongo tau̒wa lo Yahudi; sababu timongolio boito malo heeluma, deu̒ tamo tolongaku mao̒ li Isa debo odelo Olongia Tamoo-poa̒ahua, diilalo mowali tumuwoto ode bele potabiaalo.

YAHYA 9:35

Ti Isa loo̒dungohe deu̒ tau boito mailinggi limongolio lonto bele potabiaalo. Tio malo lolohe tau boito lapatao̒ lotahuda olio, “Wolo yio̒ palacaya to Walao̒ Manusia?”

YAHYA 9:40

Dengolo lota taulo Parisi tawoluo teto loo̒dungohe li Isa lotahuda odito, tulusi timongolio lohintu o-Lio, “Makusudu-Mu ami botie pitoo̒ olo?”

GALATIA 2:15

Memangi modudua̒ ilowali mai lamiaatia, amiaatia yito taulo Yahudi wau diila “taa diila Yahudi u odusa”.

EPESUS 2:3

Muloololio mai ito ngoa̒amila tutuuwauwa olo woli mongolio; ito tumutumulo lodudua̒ pii̒li lo manusiaanto wau helohutu wolo uloo̒ sanangi batanga wau pikiilanginto. Tou̒ boito ito yito tahe ilotuhata muluka lo Allahu Taa̒ala olo, tutuuwauwa debo odelo tau-tauwalo wewo.

1 PETRUS 5:5

Odito olo Wutato, tau-tauwalo tahumula. Potaa̒lukulo totau-tauwalo tahi hulanga. Mongo wutato ngoa̒amilalo musi motidupapa lobatanga wau momaa-maayawa wolo dupadupapa lohilao. Sababu todelomo Kitabi tulatulade odie mola, “Allahu Taa̒ala motehengi taa sombongi, bo momonu tadupa-dupapa lohilao.”

3 YAHYA 1:10

De wonu watia monao̒ mai, watia mamo monggali totoonulalo hitua-tuawaua umaa pilohutulio, deu̒ito-yito pasali lo susuu-aliyaalo u moleeto wau yimbulo u yiloiyalio pasali olamiaatia! Bo ngoa̒amilalo boito diipo motuuu̒de to olio. Tou̒ mongo sahabati timongota lo Nasara boito lonao̒ mai, tio diila lohuto lololimo olimongolio. Tumbao̒ tio helodini tahi huutowa mololimo mongo wutato boito, wau tio helo poa̒hu tau-tauwala boito yilumualo lonto jamaa̒!

3 YAHYA 1:9

Watia malo luladeo̒ tulade ulimbu-limbu ode jamaa̒, bo tei Diotrepes tao̒hilaa mowali tau̒wa todelomo jamaa̒, diila mohuto modudua̒ olaatia.

WAHI 13:17

Diaaluo penu boli ngotaa mao̒ mowali motali meaalo mopotali mao̒ u hitua-tuawua, wonu tio diila otuoto boito, deu̒ito-yito tanggulo binatangi boito lohihilao, meaalo nomoro u mopoi̒laalo mao̒ tanggula boito.