YAHYA 9:31 - KITABI HABARI MOPIOHE

³¹ Otaawanto deu̒ Allahu Taa̒ala diila modungohe taa odusa, bo taa u mohulumati Allahu Taa̒ala, wau tamohutu kahandaki-Lio.

YAHYA 9:31 ပူးပေါင်းရင်းမြစ်များ

ILOOWALI 19:29

Odi-odieelo mola, tou̒ Allahu Taa̒ala lopobinasa kokoo-tawaalo boito to lumbaya tou̒toonu tei Lot bilu-biluloa̒. Lapatao̒ Allahu Taa̒ala loe̒ela mola olei Abraham wau lotulungi mao̒ olei Lot lopolahi batanga.

ILOOWALI 20:7

Bo botia, powualingalo mao̒ tio ode dilelio. Dilelio yito ngotaalio lonabi, wau tio mamodua̒ mola olemu alihu yio̒ diila mate. Bo wonu yio̒ diila mopowalingao̒ olio, eelai mao̒, yio̒ wau ngoa̒amila ulipumu maamate!”

AYUBA 35:12

Tau-tauwalo tahe dileehe boito mongiibode, bo Allahu Taa̒ala motipoo̒oyo sababu timongolio moleeto wau polupolu lo batingga.

AYUBA 35:13

Diila ohuna timongolio monguatio̒ tio̒opatea; Taa Laba-labaalo kawasa diila momilohei meaalo modungohe olimongolio.

AYUBA 42:8

Naa, hamaalo mai botia pitu sapi ulai̒ wau pitu himba ulai̒, wau ponao̒lo odelei Ayuba. Lapatao̒ podewoa mao̒ ngoa̒amilalo boito odelo bake yilalango ode batangamu. Tei Ayuba mamodua̒ mola ode limongoli wau dua̒lio matolimoo-U̒. Timongoli diila tapoo̒olito-U̒, eleponu timongoli paatuti mololimo hukuumani. Timongoli diila helo loi̒ya u otutuulio mao̒ pasali lo batanga-U̒, hiambola tei Ayuba helo loi̒ya mao̒.”

JABURU 106:23

Yi Allahu Taa̒ala oniyati mopobinasa umati-Lio, bo yilabuta lei Musa, taa tilulao-Tio. Tei Musa talowali lotiwolota toli mongolio, tilinggula omuluka lo Allahu Taa̒ala yiloole.

JABURU 143:10

Poo̒laata mai watotia moponao̒ kahandaki lo Eeya, sababu Eeyaalo Allahu Taa̒ala lowatotia. Eeya mopiohe hilao, wau mamodelo olo watotia todalalo upaya-payadu.

JABURU 145:19

Eeya moposanangi hilaa lotaa u hisaalea; Eeya modungohe iibodi mongolio wau mopoa̒ahu olimongolio.

JABURU 18:41

Pilohutu lo Eeya musu lowatotia tilumeteo̒ lonto watotia; tau-tauwalo tahi polonua̒wa olo watotia pilobinasa lowatotia.

JABURU 40:8

Lapatao̒ watotia loloi̒ya, “Uti-utieelo watotia, todelomo lilibu buku leituladei duo̒lo watotia.

JABURU 99:6

Tei Musa wolei Haruna tuwotuwoto mongo iimamu lo Eeya, tei Semuel tala ngota lo tahelodua̒ mola to Eeya. Timongolio hipongiibode meengahu to Eeya, wau Eeya helo lametai.

POHUMAYA 15:29

Eeya modungohu wonubolo taa u mopiohu modua̒, bo Eeya diila momandungi taa u momaahu parenta.

POHUMAYA 21:13

Tatoonu tadiila mohuto modungohe poloi̒laalo suusa lotaa u kukuulangi diila tapoo̒ tuotaalo wonu tio lohihilao mohile tuulungi.

POHUMAYA 28:9

Wonu yio̒ diila modungohe butoo̒ lo Allahu Taa̒ala, Allahu Taa̒ala olo mamolaasa diilalo ohilaa to dua̒amu.

YESAYA 1:15

Wonubolo timongoli momintaa̒ uluu̒ limongoli u modua̒, Wau̒ diila mohuto mopoo̒tuotai. Diila pandungi ngoolo mola daata lodua̒amu, Wau̒ diila mohuto modungoheo̒, sababu wolo uluu̒ limongoli boito timongoli madilaata helomate yila-yilateelo mao̒.

YESAYA 58:9

Wonu bolo timongoli modua̒, Wau̒ mamo dungoheo̒. Wonu bolo timongoli mongiibode ola-U̒, Wau̒ mamolametai. Diilalo mao̒ podeehe timongotamu, pohuheliyalo polomuusua wau pitana.

YEREMIA 11:11

Sababu uito, Wau̒, Eeya mopoe̒elai deu̒ Wau̒ mamopo dungga mai baala tilahuo̒ ode limongolio wau timongolio diila moo̒ halaaheo̒. Wonu timongolio mongiibodu mei̒ tuulungi ola-U̒, Wau̒ diila mohuto modungohu.

YEREMIA 14:12

Eleponu timongolio mopuasa, Wau̒ diila mohuto mopoo̒ tuotai iibodu limongolio mei̒ tuulungi; wau eleponu timongolio mopodewo ode Olau̒ bake yilalango wau bake lopale, Wau̒ diila sanangi toli mongolio. Bolii̒o mao̒, Wau̒ mamo poo̒pulitai olimongolio wolo popaatea, polobiti, wau wembelo lo ngongoto.”

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

YEHESKIEL 8:18

Timongolio mamolaasa mao̒ mulukaa-U̒ u moo̒tihela hapato! Wau̒ diila tamomaa̒apu wau mongambungu mai olimongolio. Eleponu timongolio monguatio̒ modua̒ ode Olau̒ wolo moo̒ohuu̒-huu̒ulo mao̒, Wau̒ diila mohuto modungohe!”

MIKHA 3:4

Mamei dungga wakutuulio timongoli monguatio̒ mei̒ tulungi ode Eeya, bo Eeya diila mohuto molametai. Eeya diila tamo dungohe duduua̒amu, sababu timongoli malohutu u moleeto.

JAKARIA 7:13

Wau̒ diila lolametai dua̒ limongolio, sababu timongolio diila lodungohe tou̒ Wau̒ lotahuda.

YAHYA 11:22

Boli odito otaawa lowatotia deu̒ masaatia botieelo Allahu Taa̒ala mamongohi mai penu boli wolo upohile mola lo Eeya o-Lio.”

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 4:34

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

YAHYA 9:30

Tau boito lolametao̒, “Moo̒linggolabe daa̒ deu̒ diila otaawa limongoli lonto utoonu asalii-Lio, hiambola Tio malohutu olaatia lowali loo̒onto.

YAHYA 9:32

Tumulalo mai bohulo dunia diipo pee̒eta mao̒ ilodungohe woluo talohutu tau pilotutulio mai pitoo̒ malowali loo̒onto.

TINGULI 1:45

Lapatao̒ timongoli luli lohualinga wau longiibode ode Eeya lei̒ tulungi, bo Eeya diila lohuto lodungohe meaalo lopoo̒ tuotao̒ olimongoli.”

IBRANI 10:7

Lapatao̒ Watia loloi̒ya, ‘Boti-botieelo Watia, oo Allahu Taa̒ala! Watia monao̒ mai mohutu kahandaki lo Allahu Taa̒ala, debo odelo u leitulade pasali batanga Laatia todelomo Kitabi.’ ”