YAHYA 9:30 - KITABI HABARI MOPIOHE

³⁰ Tau boito lolametao̒, “Moo̒linggolabe daa̒ deu̒ diila otaawa limongoli lonto utoonu asalii-Lio, hiambola Tio malohutu olaatia lowali loo̒onto.

YAHYA 9:30 ပူးပေါင်းရင်းမြစ်များ

JABURU 119:18

Huo̒ilo mai mato lowatia alihu watia moo̒onto pongaajali u moo̒linggolabe todelomo butoo̒ lo Eeya.

YESAYA 29:14

Sababu uito timongolio mapo ooheyaa-U̒ wolo totao̒ u wuwuulia. Taa u molinepo mamowali mohulodu, wau ngoa̒amila ootota limongolio diila tao̒huna.”

YESAYA 29:18

Tou̒ boito taa bungolo mamoo̒ dungohe tataa-heyaalo monto buku u pilobaca, wau taa pitoo̒ u engontielio tumutumulo to delomo modio̒lomo mamowali moo̒onto.

YESAYA 35:5

Tou̒ boito taa pitoo̒ mamowali moo̒onto, wau taa bungolo mamowali modungohu.

MATIUSI 11:5

Taa pitoo̒ maloo̒onto, taa didu mowali monao̒ malowali lonao̒, tao̒ngongoto lo alipo u moo̒tihela hapato maloluli; taa bungolo maloo̒ dungohu, taa yilate maa tilumumulai, wau Habari Mopiohe monto Allahu Taa̒ala pilo habariilio ode tau-tauwalo tahi mosikinia.

MATIUSI 21:42

Yi ti Isa lotahuda mao̒ olimongolio, “Diipo pee̒nta mao̒ timongoli lopobaca u tulatulade todelomo Kitabi? ‘Botu udiila ilopomakea lotaa u opongotota mokalaja hudungu malowali botu ulaba-labaalo mopiohu. Uti-utieelo huhutu lo Eeya; donggo boli piohio!’ ”

MARKUSI 6:6

Tio lolinggolabe deu̒ timongolio diila palacaya. Lapatao̒ ti Isa lonao̒ mola ode kakaa-mbunguwalo topalitio boito wau helo ngaajali.

LUKASI 7:22

Oditolio ti Isa lolametao̒, “Pohualingolo mola odelei Yahya wau poo̒taa mao̒ wolo u iloontonga wau ilodungohe limongoli: taa pitoo̒ loo̒onto, taadidu mowali monao̒ malowali lonao̒, taa ongongoto lo alipo u moo̒tihela hapato maloluli, taa bungolo maloo̒ dungohu, taa yilate luli tilumumulai, wau Habari Mopiohu lonto Allahu Taa̒ala pilopo habari totaa himosikinia.

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 3:10

Ti Isa lolametao̒, “Yio̒ Guru lo agama to Isirai̒lu; diila pongalo aakali diila otaawamu?

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

YAHYA 9:31

Otaawanto deu̒ Allahu Taa̒ala diila modungohe taa odusa, bo taa u mohulumati Allahu Taa̒ala, wau tamohutu kahandaki-Lio.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.