YAHYA 9:29 - KITABI HABARI MOPIOHE

²⁹ Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

YAHYA 9:29 ပူးပေါင်းရင်းမြစ်များ

BOHULO MONGO OLONGIA 22:27

Ahuli mao̒ timongolio mopotuwota olio ode delomo tutupa, wau mongohi mao̒ olio ua̒alo wau minumani ngoi̒di wambao̒ tunggula wau̒ muli mohualingai wolo moa̒ahu.”

OLUO MONGO OLONGIA 9:11

Tei Yehu luli lohualinga ode mongo tamaniilio, lapatao̒ timongolio helohintu olio, “O habari wolo? Taa biyonga boito ohilaa mongoola wolemu?” “Aa, mailotaawa limongoli,” tametao̒ lei Yehu.

JABURU 103:7

Eeya lopoi̒laalo ranjana lo Eeya odelei Musa wau totoonulalo huhuu-tuwaalo Eeya ode bangusa lo Isirai̒lu.

JABURU 105:26

Lapatao̒ Eeya lolao olei Musa wato-Lio wolei Haruna tatilulao-Tio.

JABURU 106:16

Tohuta datahu wau luasi udelita boito timongolio lohiihia to olei Musa wau to olei Haruna wato-Lio tamantali.

JABURU 22:6

Timongolio helo ngiibode mola to Eeya wau yilopatai; timongolio helo haarapu mola wau diila piloo̒ kikiio̒ tohilao.

MALEAKHI 4:4

Eelailo mola ngoa̒amila pongaajali lowato-U̒ tei Musa, eelai mao̒ bubuu-too̒waalo wau papaa-lentawalo uilohi-U̒ olio to Hui̒dee Sinai u dilungohe lo ngoilanggubu umati lo Isirai̒lu.

YIA̒APO 16:28

Lapatao̒ tei Musa loloi̒ya mao̒, “Woleea botie timongoli mamotota mao̒ deu̒ Eeya malolao mai olaatia u lohutu ngoa̒amilalo botie wau uito diila hilaa lowatia lohihilao.

MATIUSI 12:24

Tou̒ tau-tauwalo Parisi loo̒dungohe uito, timongolio lolametao̒, “Tau botie bo mowali mohinggi rohu moleeto, sababu Beeljebul, tau̒wa lo roroo-huwaalo moleeto boito malongohi kawasa boito o-Lio.”

MATIUSI 26:61

Uali mongolio, “Tau botie loloi̒ya, ‘Wau̒ mowali mopo lohubu Bele lo Allahu Taa̒ala, wau todelomo u tolohui mola mowali muli bongulo-U̒ mao̒.’ ”

LUKASI 23:2

Teto timongolio malo potulude o-Lio, “Timongolio loloi̒ya, Malotapu lami tau botie hemopo lapalo ulipu. Tio hemo popatu totau alihu diila momayali beya toli Kaisali, sababu heloi̒yaa-Lio deu̒ Tio yito Almasi, ngotaalio li olongia.”

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 7:27

Bo wonu Olongia Tamoo-poa̒ahua boito meidungga mai diaaluo penu boli ngotaa mao̒ tamotota monto utoonu asalii-Lio! Lebe-lebe pomao̒ otaawanto lonto utoonu asalii-Lio lotau botie.”

YAHYA 7:28

Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

YAHYA 8:14

Ti Isa lolametao̒, “Eleponu Wau̒ mongohi mai sakusi pasali lo batanga-U̒ lohihilao, sakusi-U̒ boito otutu; sababu otaawa-U̒ lonto utoonu mai dudunggaa-U̒ wau ode utoonu nonao̒o-U̒. Diila otaawa limongoli lonto utoonu mai dudunggaa-U̒, wau ode utoonu nonao̒o-U̒.

YAHYA 9:16

Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.

YAHYA 9:24

Lapatao̒ timongolio luli lotiango taa u engontielio pitoo̒ boito, wau loloi̒ya mao̒ olio, “Potadiaalo mola deu̒ yio̒ mamoloi̒ya mai u otutu. Otaawa lami tau boito taa odusa.”

YAHYA 9:30

Tau boito lolametao̒, “Moo̒linggolabe daa̒ deu̒ diila otaawa limongoli lonto utoonu asalii-Lio, hiambola Tio malohutu olaatia lowali loo̒onto.

WUNGGULI LOMONGO RASULU 22:22

Tau-tauwalo debo tulusi hidungohe olei Paulus hemo bisala, bo to lapali pulitio boito timongolio malo nguatia̒ wolo daa̒-daa̒alo mao̒, “Pateaalo mate-mateelo mao̒ taa debo odelo uito. Diila paatuti tio tumumulo!”

WUNGGULI LOMONGO RASULU 26:22

Bo tunggula tosaaa̒ti botie watia dilaaha lo Allahu Taa̒ala, tilinggula watia loo̒tihulo teea moo̒owoli mai u silakusia lowatia ode taa ngoa̒amila – tau̒daa̒ meaalo tau̒kikiio̒. Wolo uiloi̒ya mai lowatia botie diila ngopohia lou̒ wolo upilo nubuwati mai lomongo nabi wau lei Musa;

WUNGGULI LOMONGO RASULU 7:35

Tei Musa botieelo tei Musa tadiila ilaku lobangusa Isirai̒lu wau tadiila tilolimo wolo loi̒ya botie, ‘Tatoonu talo muduo̒ olemu lowali tau̒wa wau butoo̒ lami?’ Bo tumbao̒ tio-tiolo taa u yilao lo Allahu Taa̒ala u lowali tau̒wa wau tamoo-poa̒ahua, wolo bubantu lo malai̒kati talonao̒ mai ode olio todiu̒to u hinta-hintalabu boito.

TINGULI 34:10

To Isirai̒lu diduuluo nabi debo odelo tei Musa helo bisala lotaalua baya wolo Eeya.

IBRANI 1:1

Tojamani muloololio mai poo̒-poo̒daata Allahu Taa̒ala helo tahuda mai odeli nene mayanto lotimbulude tomongo nabi wolo lomake dudelo u hidala-dalaala.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.