YAHYA 9:24 - KITABI HABARI MOPIOHE

²⁴ Lapatao̒ timongolio luli lotiango taa u engontielio pitoo̒ boito, wau loloi̒ya mao̒ olio, “Potadiaalo mola deu̒ yio̒ mamoloi̒ya mai u otutu. Otaawa lami tau boito taa odusa.”

YAHYA 9:24 ပူးပေါင်းရင်းမြစ်များ

ESRA 10:11

Sababu uito, tolongakualo mola dusa limongoli to Eeya, Allahu Taa̒ala tahe tuboo linenemoyaanto, wau pohutua mao̒ wolo umoo̒ sanangi hilaa lo Eeya. Pohalaheo̒ monto tau deli tahi biluloa̒wa to lipunto wau polahia mao̒ mongo dilebua limongoli monto bangusa deli boito.”

YESAYA 66:5

Dungohilo wolo upilo tahuda mai lo Eeya, wuu timongoli tamoohe wau modungohe to Eeya, “Sababu timongoli tatapu wau molotolo hilao to Olau̒, woluo towolota lo bangusaamu tamolonua̒ olimongoli, wau diila mohuto moa̒awota woli mongoli. Timongolio mohanti-hantia̒a olimongoli wolo moloi̒ya, ‘Huliaalo mao̒ Eeya mopobolihei odua̒a-Lio, alihu ami moo̒onto owengahumu.’ Bo timongolio lohihilaolo tamoo̒tapu woolito.

MARKUSI 15:27

Pee̒-pee̒enta woli Isa hesilaalipu limongolio olo pohehu duulota; ngotaalio to ambahu olowala wau ngotaalio poli to ambahu oloihi-Lio. [

LUKASI 15:2

Tau-tauwalo Parisi wau guguu-ruwaalo agama mahibiihe. Timongolio loloi̒ya, “Wii, tau botie lololimo tau-tauwalo tadiila mopiohu wau tumbao̒ lolamela woli mongolio!”

LUKASI 19:7

Ngoa̒amila taloo̒onto sua̒li boito mahibiihe. Timongolio hipoloi̒yawa, “Wii! Tio lonao̒ ode bele lotaa diila mopiohu!”

LUKASI 7:39

Tou̒ taulo Parisi talo loduwo li Isa loo̒onto mao̒ sua̒li boito, tio loi̒loi̒ya todelomo hilaalio, “Humayaalo tau botie nabi, tantu otaawa-Lio tatoonu taabua boito tamalo dedeta o-Lio, wau deu̒ taabua boito tumutumula todelomo dusa!”

YAHYA 14:30

Wau̒ diilalo mobisala mai lebe dadaata mao̒ toli mongoli, sababu mawakutuulio tahidihima kawasa lodunia botie mamonao̒ mai. Bo tio diila okawasa to batanga-U̒.

YAHYA 16:2

Timongoli malualolio monto bebee-leyaala potabiaalo. Wau mamei dungga wakutuulio deu̒ taa momate olimongoli mate-mateelo mao̒ mamo lantobu tio hemotiwato to Allahu Taa̒ala.

YAHYA 18:30

Timongolio lolametao̒, “Humayaalio Tio diila ototala, amiaatia diila talodelo mai o-Lio odeli Paaa̒ Gubolonulu.”

YAHYA 19:6

Tou̒ mongo iimamu tauwa wau tahi pokawalia boito loo̒onto li Isa, timongolio malo nguwatio̒ mola, “Salipuwalo Tio! Salipuwalo Tio!” Tei Pilatus loloi̒ya mao̒ ode limongolio, “Hamaawa mota Tio, wau salipuwalo limongoli lohihilao, Tio diila piloo̒ tapulau̒ totala penu boli tuwau mao̒.”

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 8:46

Tatoonu towolota limongoli mowali mongohi bukuti deu̒ Wau̒ odusa? Wonu Wau̒ motahuda mai u otutu, yilongola timongoli diila palacaya ola-U̒?

YAHYA 8:49

Ti Isa lolametao̒, “Wau̒ diila ilotuanga lolati. Wau̒ hemo hulumati li Paapa-U̒, bo timongoli lohina ola-U̒.

YAHYA 9:16

Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.

YAHYA 9:25

“Wolo tio odusa meaalo diila,” tametao̒ lotau boito, “diila otaawa lowatia. Bo tuwau sua̒li u otaawa lowatia; muloololio mai watia pitoo̒, botia watia maloo̒onto.”

ROMA 8:3

Wolo udiila mowali pohutuo butoo̒ lo agama, sababu ito manusia molulupuhu, uito mapilohutu mai lo Allahu Taa̒ala. Allahu Taa̒ala maloo̒-laaheo̒ kawasa lodusa todelomo pii̒li lomanusia lou̒ lolao mai Wala-I̒o lohihilao, tadungga-dungga mai todelomo owowoluwoa u tutuuwauwa wolo manusia tao̒dusa, mai loluluta dusa.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

YOSUA 7:19

Tei Yosua loloi̒ya mao̒ odelei Akhan, “Walau̒uu̒, akuilo wau poleleyalo mai lou̒ juujuru tewe totalu lo Eeya, Allahu Taa̒ala lo Isirai̒lu, wolo u mapilohutumu. Poleleyalo mai olau̒, diila mao̒ tuua̒.”

WAHI 11:13

Yi tou̒ boito motoduwolo mola liluhu udaa̒ tutu. Ngotayade mopulu lokota boito moa̒antulu, wau pitu lolihu lota mate sababu liluhu boito. Tau-tauwalo wewolio mowali moohe daa̒, tulusi timongolio momuji mola odudaa̒ lo Allahu Taa̒ala tosologa.