YAHYA 9:22 - KITABI HABARI MOPIOHE

²² Mongo dulaa̒ lotau boito loloi̒ya mao̒ odito sababu timongolio moohe tomongo tau̒wa lo Yahudi; sababu timongolio boito malo heeluma, deu̒ tamo tolongaku mao̒ li Isa debo odelo Olongia Tamoo-poa̒ahua, diilalo mowali tumuwoto ode bele potabiaalo.

YAHYA 9:22 ပူးပေါင်းရင်းမြစ်များ

POHUMAYA 29:25

Moohe to huhaama lotau, moo̒ akiibati usuusa. Poyakinilo to Eeya, yi yio̒ maa̒amani.

YESAYA 51:12

Eeya lotahuda mai, “Wau̒ulo tamoliyango olimongoli. Yilongola yio̒ moohe to manusia tapanaa, to manusia tatilapi debo odelo huo̒yoto?

YESAYA 51:7

Dungohilo mai Wau̒, wuu bangusaa-U̒, otaawa limongoli wolo u otutu; pongaajali-U̒ meitahu todelomo hilaamu. Diila mao̒ oohe wonu timongoli henteo̒ lomanusia, diila mao̒ polawalo wonu timongoli hinaa limongolio.

YESAYA 57:11

Eeya lotahuda mai, “Tatoonu dedeewaalo boito? U hemoo̒ woohe olimongoli, tilinggula timongoli mohimbulo wau diila moe̒ela ola-U̒? Wolo timongoli diilalo molubo ola-U̒ sababu Wau̒ lohiheo daa̒ lotipo̒yo?

LUKASI 6:22

Potisangilo tutu timongoli wonu lonuo̒lio, potoulilio, hinaalio wau pitanaalio sababu Walao̒ Manusia!

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 16:2

Timongoli malualolio monto bebee-leyaala potabiaalo. Wau mamei dungga wakutuulio deu̒ taa momate olimongoli mate-mateelo mao̒ mamo lantobu tio hemotiwato to Allahu Taa̒ala.

YAHYA 19:38

Lapatao̒ uito tei Yusu lonto Arimatea lohile mao̒ luasi olei Pilatus u mota lohama milate li Isa. (Tei Yusu yito muri li Isa, bo wolo tutuuo̒, sababu tio moohe to tahidihima kawasa lo Yahudi.) Tei Pilatus longohi mao̒ luasi olio, oditolio tio mota lohama milate li Isa.

YAHYA 20:19

Todulahu ahadi boitolo, tou̒ maahui, tahidudua̒ li Isa lotia̒mbu mao̒ tobele ngowale wolo huhuu-hebuwaalo hiu̒ntia, sababu timongolio moohe to tahidihima kawasa lo Yahudi. Debolo ti Isa lonao̒ mai wau tilimihulao̒ tohuungi mongolio wau lotahuda, “Salamu moa̒ahu olemu.”

YAHYA 7:13

Bo diaaluo penu boli ngotaa mao̒ tabuheli mobisala juujulu tomimbihu o-Lio sababu timongolio moohe to tahidihima kawasa lo Yahudi.

YAHYA 9:18

Bo mongo tau̒wa lo Yahudi boito diila lohuto palacaya deu̒ tau boito memangi pitoo̒ tou̒ dipolulio mai wau botia malowali loo̒onto. Sababu uito timongolio malo tianga mongo dulaa̒lio,

YAHYA 9:21

Bo woloolo mola tio malowali loo̒onto botia, diila otaawa lamiaatia. Wau tatoonu talohutu olio malowali loo̒onto, uito olo diila otaawa lamiaatia. Yintuwalo olio, tio maleidaa̒; tio mowali molameto lohihilao.”

YAHYA 9:34

Tametao̒ limongolio, “Wolo? Yio̒ tapolu-polu lodusa anggadu pilotutulio mai, yio̒ mamo ngaajali olami?” Yi tumulalo mai tou̒ boito tio dilinilio tumuwoto ode bele potabiaalo.

YAHYA 9:35

Ti Isa loo̒dungohe deu̒ tau boito mailinggi limongolio lonto bele potabiaalo. Tio malo lolohe tau boito lapatao̒ lotahuda olio, “Wolo yio̒ palacaya to Walao̒ Manusia?”

WUNGGULI LOMONGO RASULU 4:18

Yi timongolio malo tiangai rasulu duulota boito luli tilumuwotai, wau lopoo̒taa mao̒ deu̒ timongolio sama-samaata diilalo mowali molanggula meaanto mongaajali wolo tangguli Isa.

WUNGGULI LOMONGO RASULU 5:13

Wau taulo bulemengio diaaluo mao̒ tabuheli mai lotia̒mbu wolo taa palacaya boito. Bo ngoa̒amila taa palacaya boito hehulumatio daa̒ lo ulipu.

WUNGGULI LOMONGO RASULU 5:40

Yi mongo rasulu boito pilei̒ tiangio mai, tulusi biluboa̒lio, lapatao̒ dilinilio muli mongaajali pasali li Isa. Lapatao̒ uito, deu̒ito timongolio yilopatio.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”