YAHYA 9:16 - KITABI HABARI MOPIOHE

¹⁶ Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.

YAHYA 9:16 ပူးပေါင်းရင်းမြစ်များ

MATIUSI 12:10

Mota teto woluo tamailate uluu̒lio ngotuwali. Dengolo lota tao̒hilaa mololohe totala li Isa, lohintu mao̒ o-Lio, “Wolo mowali mopoo̒luli tau todulahu Saabati?”

MATIUSI 12:2

Tou̒ tau-tauwalo Parisi loo̒onto mao̒ uito, malo loi̒ya timongolio odeli Isa, “Bilohi! tahidudua̒ ole-Mu malo lambanga butoo̒ lo agamanto lou̒ hipohutua u dinidini todulahu Saabati.”

LUKASI 13:14

Tau̒wa lobele potabiaala boito moloingo, deu̒ ti Isa lopoo̒luli tau todulahu Saabati, sababu uito tio loloi̒ya mao̒ totau-tauwalo, “Woluo wolonggui mola u mokalaja; pona̒olo mai to duduu-laheyaalo boito mei̒ poo̒luli, diila mao̒ todulahu Saabati!”

YAHYA 10:19

Sababu ti Isa lotahuda odito, yi tau-tauwalo Yahudi mahipo hahaamawa.

YAHYA 14:11

Pomalacayalo ola-U̒, deu̒ Wau̒ tuwau woli Paapa wau ti Paapa tuwau wola-U̒. Meaalo wonu diila, pomalacayalo sababu wolo u mapilo hutu-U̒ mai.

YAHYA 15:24

Humayaalio tohuungi mongolio Wau̒ diila lohutu susuu-aliyaala udiipo pee̒enta mao̒ pilohutu lotaa wewo, yi timongolio diila ilodusa. Bo botia timongolio malo oonto wolo u pilohutu-U̒, wau timongolio molonuu̒u-U̒ meaalo li Paapa-U̒.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 5:10

Sababu uito tahidihima kawasa lo Yahudi malo loi̒ya totaa boheli loluli mao̒ boito, “Dulahu botie dulahu Saabati. Yio̒ diila mowali momintaa̒ amongumu.”

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 6:52

Loo̒dungohe uito, tau-tauwalo Yahudi mahipo hahaamawa ngota-timongota. “Woloolo mola tau botie mowali mongohi tapu-Lio ode olanto u polamelo?” uali mongolio.

YAHYA 7:12

Dadaata tau mahipo loloohuma tomimbihu o-Lio. Woluo talo loi̒ya, “Tio taa mopiohu.” Waluo poli talo loi̒ya, “Diila! Tio hemo polapalo totaa dadaata.”

YAHYA 7:23

Wonu timongoli mohutu uito alihu diila mao̒ molambanga wuu̒du lei Musa pasali lou̒ sunati, yilongola timongoli moingo ola-U̒, sababu lopoo̒luli ngangaa-waa̒lo mao̒ batanga lotau todulahu Saabati?

YAHYA 7:43

Pulitio mao̒ tau-tauwalo mahipo hahaamawa tomimbihu li Isa.

YAHYA 9:24

Lapatao̒ timongolio luli lotiango taa u engontielio pitoo̒ boito, wau loloi̒ya mao̒ olio, “Potadiaalo mola deu̒ yio̒ mamoloi̒ya mai u otutu. Otaawa lami tau boito taa odusa.”

WUNGGULI LOMONGO RASULU 14:4

Bo ulipu lokota boito malo hulinggila ngota timongota; woluo talo tiwambao̒ wolo taulo Yahudi wau woluo talo tiwambao̒ wolo mongo rasulu boito.