YAHYA 8:7 - KITABI HABARI MOPIOHE

⁷ Tou̒ timongolio tulusi hemo huntula o-Lio, yi Tio malo mintaa̒i lunggo-Ngio wau lotahuda mao̒ olimongolio, “Taa udiila odusa towolota limongoli, huliaalo mao̒ tio tamomai̒ lobotu ode taabua boito.”

YAHYA 8:7 ပူးပေါင်းရင်းမြစ်များ

POHUMAYA 12:18

Loi̒ya udiila ota-otaa mao̒ moo̒pali hilao debo odelo bituo̒ wamilo; tataa-heyaalo u molinepo debo odelo wunemo u mopoo̒luli.

YEREMIA 23:29

Tahudaa-U̒ debo odelo tulu, wau debo odelo duuduo̒ u mongantulu botu!

YAHYA 7:46

Tahi pokawalia boito lolametao̒, “Waa, diipo pee̒enta mao̒ woluo tahelo bisala debo odelo Tio!”

YAHYA 8:10

Lapatao̒ ti Isa malo mintaa̒ mola lunggo-Ngio wau lotahuda mao̒ ode taabua boito, “Tou̒toonu timongolio ngoa̒amila? Diaaluo talo hukuumani olemu?”

YAHYA 8:8

Lapatao̒ uito ti Isa luli lotidungu mola wau luli lolulade tohuta.

KOLOSE 4:6

Mamusi susuu-aliyaalo uiloi̒ya limongoli laito moo̒sanangi wau moo̒heinga. Mamusi otaawa mao̒ limongoli woloolo mola patutilio molameta totoonulalo yiyintu lotau.

WAHI 1:16

Uluu̒-Lio olowala dihudihu pitu poliyama, wau monto ngango-Lio yilumualai wamilo tuwau molalito u omato duluo. Baya-Lio motinelo debo odelo mato lodulahu tou̒ mohulonu tutu.

WAHI 19:15

Lonto ngango-Lio yilumualai wamilo tuwau u molalito wau wolo wamilo boito Tio mamo olaaheo̒ babaa-ngusawalo, wau Tio mamo malenta olimongolio wolo tunggudu wate. Tio mamo mitode angguru to pakaakasi hepo mitodelo angguru muluka lo Allahu Taa̒ala Taa Laba-labaalo kawasa.

WAHI 2:16

Sababu uito, polilihulo monto duduu-sawaalo limongoli! Wonu diila, bolo ngopee̒ mola Wau̒ mamei dungga mai ode limongoli wau mai moluhu tau-tauwala boito wolo wamilo uwoluo to tunggilu-U̒.