YAHYA 8:54 - KITABI HABARI MOPIOHE

⁵⁴ Ti Isa lolametao̒, “Humayaalio Wau̒ mololohe ohulumati ode batanga-U̒ lohihilao, ohulumati boito diaaluo hunalio. Tamo hulumati ola-U̒ yito ti Paapa-U̒ tahe anggapuo limongoli Allahu Taa̒ala limongoli,

YAHYA 8:54 ပူးပေါင်းရင်းမြစ်များ

POHUMAYA 25:27

Diila mopiohu mongilu hula lotiia̒ lebe-lebe lomao̒, odito olo diila mopiohu moloi̒ya dadaata poloi̒laalo momuji.

YESAYA 66:5

Dungohilo wolo upilo tahuda mai lo Eeya, wuu timongoli tamoohe wau modungohe to Eeya, “Sababu timongoli tatapu wau molotolo hilao to Olau̒, woluo towolota lo bangusaamu tamolonua̒ olimongoli, wau diila mohuto moa̒awota woli mongoli. Timongolio mohanti-hantia̒a olimongoli wolo moloi̒ya, ‘Huliaalo mao̒ Eeya mopobolihei odua̒a-Lio, alihu ami moo̒onto owengahumu.’ Bo timongolio lohihilaolo tamoo̒tapu woolito.

HOSEA 1:9

Eeya lotahuda mai odelaatia, “Tangguli mao̒ walau̒mu boito ‘Diila Umati-U̒’, sababu taulo Isirai̒lu diila umati-U̒, wau Wau̒ diila Allahu Taa̒ala limongolio.”

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 5:41

Wau̒ diila mololohe poloi̒laalo momuji monto manusia.

YAHYA 7:18

Taa u mongohi ajalanilio lohihilao mololohe ohulumati ode batangalio lohihilao. Bo taa u mololohe ohulumati ode o-Lio tailaolio mai, tau boito juujulu, diaaluo wimbulo to olio.

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

YAHYA 8:41

Timongoli helohutu wolo upilohutu lipaapamu lohihilao.” Tametao̒ limongolio, “Amiaatia diila mongo walao̒ haramu. Ti Paapa lamiaatia bo ngota, deu̒ito-yito Allahu Taa̒ala lohihilao.”

YAHYA 8:50

Wau̒ diila hemo lolohe hulumati ode batanga-U̒ lohihilao. Woluo ngota tahemo tolopani mai ohulumati ode ola-U̒, wau Tiolo tamo mutoa̒i.

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

2 KORINTUS 10:18

Sababu taa u ilopujia yito taa u piluji lo Eeya, diila taa u momuji batangalio lohihilao.

1 PETRUS 1:12

Tomongo nabi boito Allahu Taa̒ala lopoo̒taa deu̒ wolo u pilohutu limongolio diila bo upolohuna daa̒ olimongolio, bo ode olemu; deu̒ito-yito susuu-aliyaalo u masaatia botie u ilodungohe limongoli wolo mopatato monto tamoo-delowa Habari Mopiohe pasali li Isa Almasi. Timongolio lopo tunggulai susuu-aliyaalo boito olemu wolo kawasa lo Rohullah uilohi-Lio mai lonto sologa. Tumbao̒ penu boli mamaa-lai̒katiyalo ohilaa olo motota habari u pilohabari limongolio boito.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

2 PETRUS 1:17

Amiaatia woluo teto mola tou̒ Tio hilulumati wau pilopo udaa̒ lo Allahu Taa̒ala ti Paapa. Tou̒ boito dungo-dungohei suala lonto Taa Laba-labaalo molamahu, u lotahuda ode o-Lio, “Botieelo Wala-U̒ tapilonu-U̒. Tio mopo sanangi hilaa-U̒!”