YAHYA 8:53 - KITABI HABARI MOPIOHE

⁵³ Wonu tei Abraham lohihilao mailate, wau mongo nabi ngoa̒amilalo olo mailate, Yio̒ botie tatoonu? Diila pongalo aakali Yio̒ talebe udaa̒ woli paapa lami tei Abraham!”

YAHYA 8:53 ပူးပေါင်းရင်းမြစ်များ

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

MATIUSI 12:6

Poo̒tuota mao̒ wolo u tilahuda-U̒ botie: teea woluo talebe udaa̒ mao̒ wolo Bele lo Eeya.

MATIUSI 3:9

Diila mao̒ polantobu u timongoli moo̒lahi monto hukuumani wolo moloi̒ya deu̒ tei Abraham yito tinenemoya limongoli. Poo̒toloma mao̒, monto boboo-tuwaalo botie olo Allahu Taa̒ala mambo mohutu mai wali odelei Abraham!

YAHYA 10:33

Tau-tauwalo Yahudi boito lolametao̒, “Diila bo kalana ngoa̒amila kalaja-Mu u mopiohu boito ami ohilaa momai̒ wolo botu ole-Mu, bo sababu Yio̒ hemo muayo Allahu Taa̒ala. Yio̒ ngotaalio lomanusia, wau ohilaa mopowali batanga-Mu Allahu Taa̒ala.”

YAHYA 12:34

Taa dadaata boito loloi̒ya mao̒ o-Lio. “Modudua̒ Buku lo Butoo̒ lami, Olongia Tamoo-poa̒ahua matumumulo ohiheo-hiheolo mao̒. Woloolo mola Yio̒ mowali moloi̒ya deu̒ Walao̒ Manusia musi polaio̒lo toitaato dunia? Tatoonu Walao̒ Manusia boito?”

YAHYA 19:7

Tau-tauwalo Yahudi boito lolametao̒, “Modudua̒ butoo̒ lamiaatia Tio musi hukuu-maniyolo mate-mateelo mao̒ sababu Tio longaku batanga-Lio Walao̒ Allahu Taa̒ala.”

YAHYA 4:12

Tei Yako, tipaapa loluuhuru lamiaatia, longohi mai ali botie. Tio lohihilao malohama taluhu yililumio lonteea; odito olo mongo walai̒o wau binatangi bibiaahio. Wolo tolantobu li Tuani deu̒ ti Tuani talebe udaa̒ wolei Yako?”

YAHYA 5:18

Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

ROMA 9:5

Timongolio yito wali mai linenemoyanto. Ti Almasi odelo pohuli lomanusia asalii-Lio mai lonto bangusa limongolio. Tio lebe lailaio̒ wolo ngoa̒amilalo. Ilopujiaalo mola Allahu Taa̒ala u ohiheo-hiheolo mao̒! Amin.