YAHYA 8:52 - KITABI HABARI MOPIOHE

⁵² Lapatao̒ tau-tauwalo Yahudi boito loloi̒ya mao̒ odeli Isa, “Botia mai̒lotaawa lami deu̒ yio̒ botie otu-otutuulo mao̒ ilotuanga lolati! Tei Abraham lohihilao mailate, odito olo ngoa̒amila nabi. Bo Yio̒ malo tahuda, ‘Taa u modudua̒ tahuda-Mu, ohiheo-hiheolo mao̒ diila tamaate.’

YAHYA 8:52 ပူးပေါင်းရင်းမြစ်များ

MATIUSI 11:18

Tei Yahya leidungga mai – tio helo puasa wau diila longilu angguru; wau tau-tauwalo hipo loi̒yawa, ‘Tio mai̒lo tuanga lolati!’

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 14:23

Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

YAHYA 15:20

Eelei mao̒ wolo umapilo tahuda-U̒ mai olimongoli, ‘Wato diila lebe udaa̒ woli tuanilio.’ Wonu timongolio malo ngalinaya ola-U̒, timongolio olo mamo ngalinaya olimongoli. Wonu timongolio moduduo̒ pongaajali-U̒, timongolio olo mamoduduo̒ pongaajalimu.

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 7:20

Taa dadaata boito lolametao̒, “Yio̒ biyongo! Tatoonu tao̒hilaa momate ole-Mu mate-mateelo mao̒?”

YAHYA 8:22

Yi tahidihima kawasa lo Yahudi malo loi̒ya, “Tanu Tio motohilaa motitipate, sababu tio malo tahuda, ‘Ode tambati ponao̒wa-U̒, diila mowali onao̒wa limongoli.’ ”

YAHYA 8:48

Tau-tauwalo Yahudi boito lolametao̒ li Isa, “Wolo diila otutu loi̒ya lami botie deu̒ Yio̒ taulo Samaria tai̒lo tuanga lolati?”

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

YAHYA 9:24

Lapatao̒ timongolio luli lotiango taa u engontielio pitoo̒ boito, wau loloi̒ya mao̒ olio, “Potadiaalo mola deu̒ yio̒ mamoloi̒ya mai u otutu. Otaawa lami tau boito taa odusa.”

IBRANI 11:13

Ngoa̒amila tau boito debo o iimani tunggula yilate. Timongolio diila lololimo susuu-aliyaalo upilo danti lo Allahu Taa̒ala, bo helo milohe wau lohima lonto u molamingo. Wau woleeto timongolio mopo biloheo̒ deu̒ timongolio bo tau deli wambai̒o wau taa u hipo peehuma tutumulo todunia botie.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.