YAHYA 8:44 - KITABI HABARI MOPIOHE

⁴⁴ Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

YAHYA 8:44 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

BOHULO MONGO OLONGIA 22:22

‘Woloolo mola dudelolio?’ tahuda mao̒ lo Eeya. Rohu boito lolametao̒, ‘Wau̒ mamonao̒ mota wau mohutu mao̒ ngoa̒amila nabi lei Ahab mohimbulo.’ Eeya lotahuda mao̒, ‘Ooo̒, pohutuwalo uito, yio̒ mamoo̒ paluutao̒ olio.’ ”

BOHULO TAWARI 21:1

Ibilisi ohilaa mopoo̒ topotala taulo Isirai̒lu; sababu uito tio helomiyo olei Dauda alihu mopowoluo daputali lo ulipu.

AYUBA 1:11

Bo humayaalio ngoa̒amila okokayalio boito hamaa lo Eeya tantu tio maalato molaa̒anati to Eeya!”

MATIUSI 12:34

Timongoli tau moleeto, diila pongalo aakali timongoli moo̒ loi̒ya susuu-aliyaalo u mopiohe, wonu timongoli moleeto? Wolo uiloi̒ya lotunggilo ui-uitolo u molepatai monto hilao!

MATIUSI 13:15

Sababu pikiilangi lotau-tauwalo botie malowali lopuntuhu, bulonga limongolio malowali bungolo wau mato limongolio maloheu̒to. Utie motoduo mai alihu mato limongolio diila mao̒ moo̒onto, bulonga limongolio diila mao̒ modungohe, pikiilangi limongolio diila mao̒ mongalati wau diila mao̒ mohualingai ode ola-U̒, lapatao̒ Wau̒ mopoo̒luli mao̒ olimongolio.’ ”

MATIUSI 13:38

Halabolu boito yito dunia botie. Bili u mopiohu boito yito tau-tauwalo tamalowali umati lo Allahu Taa̒ala. Papaa-dengowalo boito yito tau-tauwalo tahelo tiwambao̒ to Ibilisi.

YAHYA 6:70

Ti Isa lolametao̒, “Wolo diila maa Wau̒ talo lulaotao̒ olimongoli tamo pulaa duulota botie? Bo ngota towolota limongoli yito lati!”

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

YAHYA 8:38

Wolo u iloontonga-U̒ toli Paapa-U̒, uitolo olo upilo tahuda-U̒ mai. Hiambola timongoli mohutu wolo u pilo ngaajali lipaapamu olemu.”

YAHYA 8:41

Timongoli helohutu wolo upilohutu lipaapamu lohihilao.” Tametao̒ limongolio, “Amiaatia diila mongo walao̒ haramu. Ti Paapa lamiaatia bo ngota, deu̒ito-yito Allahu Taa̒ala lohihilao.”

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

WUNGGULI LOMONGO RASULU 13:10

lapatao̒ loloi̒ya mao̒, “Wuu tamoo-himbuloa tutu, walao̒ jahanama! Yio̒ musu lo totoonulalo umopiohe. Yilongola yio̒ diila mohuheli mongantulu patuju lo Allahu Taa̒ala u mopoa̒ahu manusia?

WUNGGULI LOMONGO RASULU 24:9

Tau-tauwalo Yahudi mota teto olo lodudua̒ lopotulude olei Paulus wau helo poo̒tutuwolo mao̒ ngoa̒amila uiloi̒ya lei Tertulus.

WUNGGULI LOMONGO RASULU 5:3

Yi tei Petrus loloi̒ya mao̒ olio, “Ananias, yilongola pilolulimu Ibilisi longawasa hilaamu, tunggula yio̒ malo himbulo to Rohullah, wolo poo̒-poo̒oyo helo laahangi ode batangamu lohihilao ngobutai̒o halaga lohuta boito?

2 KORINTUS 11:3

Bo watia molawalo pikiilangi limongoli maa owaingalio udiilalo tatapu wau molotolo hilao toli Almasi, debo odelo ti Hawa omoo̒omolu olo ilowainga lo aakali moleeto lo tulidu.

1 PETRUS 5:8

Mamusi timongoli mopoo̒daha wau motidapato! Sababu Ibilisi yito balimu. Tio debo odelo singa nao̒ mota nao̒ mai sambela hemo heuwaango mololohe mangusaalio.

2 PETRUS 2:4

Mamaa-lai̒katiyalo tao̒dusa olo diila poluli lo Allahu Taa̒ala molopato monto hukumani, bo debo pomahu-Lio ode delomo naraka. Timongolio potuwoto-Lio ode delomo pangato u modio̒lomo u tahangia-Lio mola teto dilumutu Dulahe Pomutoa̒lo.

1 YAHYA 1:8

Wonu ito moloi̒ya deu̒ ito diila odusa ito mohimbulo batanganto lohihilao; wau Allahu Taa̒ala diaaluo todelomo hilaanto.

1 YAHYA 2:21

Oditolio watia loluladei utie olimongoli diila kalana timongoli diila motota lo pongaajali u otutu; bo tumbao̒ sababu timongoli malotota mao̒, wau otaawa limongoli olo deu̒ diaaluo yimbulo todelomo pongaajali u otutu boito.

1 YAHYA 2:4

Taa umoloi̒ya deu̒, “Watia motota lo Allahu Taa̒ala,” bo diila modungohe to papaa-lentaa-Lio, tau boito mohimbuloa, wau Allahu Taa̒ala diaaluo todelomo hilaalio.

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.

1 YAHYA 3:15

Taa u molonuo̒ wutatio yito tamoomatea mate-mateelo mao̒, wau otaawa limongoli deu̒ ngotaalio lo tamoomatea mate-mateelo mao̒ diila otutumulo u otutuulio tutu wau ohiheo-hiheolo mao̒.

YUDAS 1:6

Eelai mola olo mamaa-lai̒katiyalo tailimbata eenggade lo okokawasa limongolio, tilinggula lonao̒ lololaa mao̒ tambati pilo tibiluloa̒ limongolio. Allahu Taa̒ala lomungu mamaa-lai̒katiyalo boito wolo lante ubakaa, todelomo tambati u modio̒lomo to walungo huta. Mola teto timongolio tataahangi tulusi dilumutu hukuumani podehuwolo odeitaati mongolio de to Dulahe upolu-polutuo̒ boito.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.

WAHI 13:14

Wau ngoa̒amila tau tahi tumula todunia ilaakaliilio wolo momoo̒o-linggolabeyalo ulowali pilohutulio totalu lo binatangi u bohulio boito. Wau timongolio ngoa̒amilalo ilahulalio lopo tihulao̒ bui̒ tuwau lonto binatangi umaa pilaliilio lowamilo, bo debo tumutumulo.

WAHI 2:10

Diila mao̒ oohe to dudutolo udiilalo mohiheo musi olaasawa limongoli. Eelai mao̒, Ibilisi mamopo tuwoto ngotayadi mongoli ode delomo tutupa u mohimontala olimongoli. Timongoli mamodutolo mopulu hui mola hiheolio. Mamusi timongoli tatapu wau molotolo hilao to ola-U̒ tunggula mate, yi Wau̒ mamongohi mai olemu tutumulo u tutuulio tutu wau ohiheo-hiheolo mao̒ odelo palaseni lo ohohaama.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”

WAHI 22:15

Bo tau-tauwalo tahi pohutua susuu-aliyaalo u hina, tahi pomakea ii̒i-limiyaalo gaibu, wau tau-tauwalo tahi pohutua huhuu-hutuwaalo u huloto, tamoomatea mate-mateelo mao̒, tahi polubowa balaahala, wau tau-tauwalo tahi pohimbuloa, mopio wolo loi̒ya meaalo wolo huhutu, ngoa̒amila tau boito tambatilio to bulemengo kota boito.

WAHI 9:11

Bubuu-litaalo boito o olongia u hemo malenta olimongolio, wau olongia boito yito malai̒kati tamoo-ngimatoa pangato lomautu. Tanggulio todelomo bahasa lo Ibrani yito Abadon; wau todelomo bahasa lo Yunani Apolion (uboliilio mao̒ “Tamoo-poluusawa”).