YAHYA 8:41 - KITABI HABARI MOPIOHE

⁴¹ Timongoli helohutu wolo upilohutu lipaapamu lohihilao.” Tametao̒ limongolio, “Amiaatia diila mongo walao̒ haramu. Ti Paapa lamiaatia bo ngota, deu̒ito-yito Allahu Taa̒ala lohihilao.”

YAHYA 8:41 ပူးပေါင်းရင်းမြစ်များ

PILOTIMUA̒TA 4:22

Lapatao̒ polelea mao̒ odeli olongia boito deu̒ Wau̒, Eeya, lolahuli mai odie: ‘Isirai̒lu yito walau̒u-U̒ tamohuhula daa̒,

YESAYA 63:16

Wolo diila Eeya ti Paapa lamiaatia? Tei Abraham wolei Yako diila motota olamiaatia. Bo Eeya yaa Eeya, deu̒yito-yito ti Paapa lamiaatia, Tamoo-poa̒ahua olamiaatia tumulalo muloololio mai daa̒.

YESAYA 64:8

Bo Eeya, yaa Eeya, deu̒yito-yito ti Paapa lamiaatia, amiaatia huta modudangia, wau Eeya talo powali mai olamiaatia; amiaatia ngoa̒amila yito huhutu uluu̒ lo Eeya.

YEREMIA 3:19

Eeya lotahuda mai, “Isirai̒lu, Wau̒ motohilaa mololimo olemu odelo walau̒u-U̒, wau mongohi mai olemu lipu u moo̒sanangi, lipu u mopiohe daa̒ to ngoilanggubu dunia. Wau̒ motohilaa alihu yio̒ molanggula ola-U̒ paapa, wau diilalo molahi monto ola-U̒.

YEREMIA 31:20

Isirai̒lu, yio̒ walao̒ tai̒loponu-U̒, walao̒ ilohilaa-U̒, wau polaantapu-U̒. Timii̒du Wau̒ monganjamu Wau̒ laito moe̒elai olemu lou̒ mooloolo. Yio̒ mapohutuwo-U̒ mai wolo lealeaatu odehu hilao.

HOSEA 1:2

Tou̒ Eeya u bohulo tahuda mai ode bangusa lo Isirai̒lu lotimbulude to olaatia, Eeya lotahuda mai, “Hosea, nikaiilo ngotaalio tamotohilaa motisuntali, wau mongo walau̒mu olo mamowali debo odelo tio. Umati-U̒, tutuuwauwa debo odelo ti dilemu boito; timongolio diila tatapu wau molotolo hilao to Olau̒ wau lololaa ola-U̒.”

MALEAKHI 1:6

Eeya Taa Laba-labaalo kawasa lotahuda ode mongo iimamu, “Walao̒ ngota mohulumati oliyamolio wau wato ngota mohulumati oli tuanilio. Wau̒ botie ti Paapamu; yilongola timongoli diila mohulumati ola-U̒? Wau̒ botie tituanimu; yilongola timongoli diila moohe ola-U̒? Timongoli mohina ola-U̒, bo timongoli mohintu, ‘Wolo dudelo woloolo mola mongowatotia mohina to Eeya?’

MALEAKHI 2:11

Umati lo Yehuda malo lambanga daantia lo Allahu Taa̒ala woli mongolio wau helohutu susuu-aliyaalo u moo̒tihela hapato to Yerusalemu wau to ngoilanggubu lipu. Timongolio malo pokootolo Bele lo Eeya u otolia̒ngio wau lonika wolo mongobua tahi polubowa dedeewaalo bangusa wewo.

YAHYA 8:38

Wolo u iloontonga-U̒ toli Paapa-U̒, uitolo olo upilo tahuda-U̒ mai. Hiambola timongoli mohutu wolo u pilo ngaajali lipaapamu olemu.”

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

TINGULI 14:1

“Timongoli yito umati lo Eeya Allahu Taa̒ala limongoli. Oditolio tou̒ timongoli motilimi duo̒lo taamate, diila mao̒ palia batanga limongoli meaalo monguluhe to ambahu tau̒ lo lunggongumu debo odelo hepohutuo lo babaa-ngusawalo wewo.

TINGULI 32:6

Wolo mao̒dito timongoli momaalasi opopiohu Eeya, wuu tau-tauwalo hihuulode wau diila o aakali? Diila maa Tio ti Paapamu, talopowali olemu, tahe lopowali olimongoli bangusa tuwau?

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.