YAHYA 8:39 - KITABI HABARI MOPIOHE

³⁹ Timongolio lolametao̒, “Ti Paapa lamiaatia deu̒ito-yito tei Abraham.” “Humayaalio timongoli tio̒otutua walae̒e Abraham,” tahuda Isa, “tantuulo mao̒ timongoli mohutu wolo u pilohutu lei Abraham.

YAHYA 8:39 ပူးပေါင်းရင်းမြစ်များ

MATIUSI 3:9

Diila mao̒ polantobu u timongoli moo̒lahi monto hukuumani wolo moloi̒ya deu̒ tei Abraham yito tinenemoya limongoli. Poo̒toloma mao̒, monto boboo-tuwaalo botie olo Allahu Taa̒ala mambo mohutu mai wali odelei Abraham!

MATIUSI 5:45

Alihu timongoli mowali mongo walao̒ Allahu Taa̒ala limongoli tato sologa. Sababu Allahu Taa̒ala mopobutu mai mato lodula-Hio ode taa u mopiohe wau ode taa u moleeto olo. Allahu Taa̒ala mopo tuhutai didi ode taa hipohutua u otutu wau ode taa hipohutua umoleeta olo.

YAHYA 8:33

“Amiaatia botie wali mai lei Abraham,” uali mongolio. “Diipo pee̒etna mao̒ amiaatia lowali wato penu boli lo tatoonu! Wolo makusudu-Mu wolo tahuda, ‘Timongoli malopatolo’?”

YAHYA 8:37

Memangi otaawa-U̒ timongoli botie wali mai lei Abraham. Bo timongoli motohilaa momate ola-U̒ mate-mateelo mao̒, sababu timongoli diila mohuto mololimo pongaajali-U̒.

YAHYA 8:43

Wolo sababuulio timongoli diila mongalati wolo upilo tahuda-U̒? Sababu timongoli diila moo̒ tahangi modungohe pongaajali-U̒.

YAHYA 8:56

Ti Paapamu Abraham sanangi daa̒ deu̒ tio mamoo̒onto dulahu-U̒. Tio maloo̒onto wau tio sanangi!”

ROMA 4:12

Tei Abraham olo tiyamo delo pohuli lorohani ode tau-tauwalo talo dudua̒ wuu̒du lotuuna. Tio tiyamo delo pohuli lorohani limongolio diila bo sababu timongolio helo dudua̒ wuu̒du lotuuna, bo sababu timongolio olo hitumula wolo palacaya ode Allahu Taa̒ala, tutuuwauwa debo odelo tei Abraham tou̒ tio diipo lodudua̒ wuu̒du lotuuna.

ROMA 4:16

Oditolio danti lo Allahu Taa̒ala boito dadaasali palacayalio lotau ode Allahu Taa̒ala. Uito mowali tuwaulio pongaku ode ngoa̒amila wali mola lei Abraham deu̒ danti boito yilohi-Lio mai ode limongolio odelo tuwaulio lo wowohi u beebasi monto Allahu Taa̒ala; diila bo toli mongolio tahemo dungohe tobutoo̒ agama lo Yahudi wambao̒, bo toli mongolio olo taa palacaya to Allahu Taa̒ala tutuuwauwa debo odelo tei Abraham palacaya to o-Lio. Sababu tei Abraham yito tiyamanto ngoa̒amila delo pohuli lorohani.

ROMA 9:7

Diila ngoa̒amila wali lei Abraham yito mongo walao̒ Allahu Taa̒ala. Sababu Allahu Taa̒ala lotahuda odelei Abraham, “Bo wali lei Isihaka wambai̒o tamaa unteelo walimu.”

GALATIA 3:29

Wonu timongoli miliki li Almasi, yi timongoli yito wali lei Abraham. Wau timongoli mamololimo wolo upilo danti mai lo Allahu Taa̒ala.

GALATIA 3:7

Oditolio mamusi timongoli mongalati deu̒ taa u otu-otutuulo mao̒ wali lei Abraham yito taa u palacaya, to Allahu Taa̒ala.