YAHYA 8:32 - KITABI HABARI MOPIOHE

³² yi mao̒onuhe limongoli Allahu Taa̒ala tao̒tutu, wau masababu uito timongoli malopatolo!”

YAHYA 8:32 ပူးပေါင်းရင်းမြစ်များ

JABURU 119:45

Yi watotia matumumula wolo molopato, sababu hemo tolopani modungoheo̒ pongaajali lo Eeya.

JABURU 25:5

Ajaliyalo mai wau delowalo watotia u tumumulo modudua̒ kahandaki lo Eeya, sababu Eeyaalo Allahu Taa̒ala talo poa̒ahu olo watotia, watotia laito hemo haarapu mola to Eeya.

POHUMAYA 1:23

Dungohilo wau̒, wonubolo wau̒ modinimu, yi to olemuulo mapo ilaalou̒ mai tuango hilaau̒ wau pongaajaliu̒ mai pongototaau̒.

POHUMAYA 1:29

Timongoli debo odelo taa udiila pee̒enta mao̒ ohilaa moo̒tapu pongotota, wau moomu modungohe to Eeya.

POHUMAYA 4:18

Dalalo lotaa moleeto modio̒lomo debo odelo tontoyoo̒mio lou̒ hui. Timongolio meiteduo̒ wau modehu lou̒ diila otaawa limongolio. Bolii̒o mao̒, dalalo u polibaya lotaa mopiohe boito debo odelo pobutua mai lodulahu; hihiiheo mao̒ lebe hemobaango tunggula pulitio mamobaangodaa̒.

YESAYA 2:3

Timongolio ngoa̒amila mamoloi̒ya, “Dulo ito motao̒dee mola ode Huludu Eeya ode bele Allahu Taa̒ala lo Isirai̒lu. Eeya mamongaajal to olanto wolo umusi pohutuonto. Ito mamodudua̒ dalalo Eeya sababu pongaajali lo Eeya dungga-dungga mai monto Yerusalemu, Eeya lotahuda lonto Sion.”

YESAYA 30:21

Wonu timongoli mohei monto dalalo, to wulea limongoli maa odungohe sualaa-Lio u motahuda, “Uti-utieelo dalalio: dudui̒lo dalala botie.”

YESAYA 35:8

Mola teto mawoluo dalala daa̒, “Dalalo dulu-dulunga ode u moa̒ahu” tanggulio. Taa odusa diila tamolibaya mola teto, taa mohulodu diila tamopo lapaalo totaa u molibaya mao̒.

YESAYA 54:13

Ngoa̒amila ulipumu mowali muri-U̒, timongolio maa maa̒amuru wau moa̒ahu.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

YEREMIA 6:16

Eeya lotahuda mai to umati-Lio, “Tihuloolo to titiili-tangowalo dalalo, wau poo̒tuotalo tio̒otutua! Yintua mao̒ dadaa-lalaalo u muloololio mai daa̒, wau toonu u mopiohe daa̒ to wolotalio. Dudui̒lo dalalo boito, alihu timongoli tumumula duo̒duo̒oto.” Bo timongolio loloi̒ya, “Diila, amiaatia diila mohuto modudua̒ dalalo boito!”

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

IMAAMATI 25:41

Tou̒ boito tio wau mongo walai̒o mowali mololaa mao̒ belemu wau muli mohualinga mota ode ngaalaa̒lio wau ode huta linene moyaalio.

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 11:29

Dudui̒ mao̒ palentaa-U̒ wau pobalaajali mai to ola-U̒. Sababu Wau̒ botie ohilaa mopiohu wau dupadupapa lohilao, yi timongoli mamolaasa nyamani wau moheelo wawao̒.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 16:13

Bo wonu Rohu boito meidungga mai, deu̒ito-yito Tio tamopo ilaalo mai obobanali pasali lo Allahu Taa̒ala, timongoli madeloo-Lio u moo̒onuheo̒ ngoa̒amilalo obobanali. Tio diila tamotahuda monto batanga-Lio lohihilao bo motahuda mai wolo u mai̒lo dungohe-Lio, wau Tio mamo poo̒taa mai olemu wolo u mamowali todulahu momooli.

YAHYA 17:17

Powaliyalo mai timongolio tolomodu miliki li Paapa moli obobanali; tahuda li Paapa boitolo obobanali.

YAHYA 6:45

Todelomo Buku lomongo nabi tulatulade odie, ‘Ngoa̒amila tau maa̒alario lo Allahu Taa̒ala.’ Oditolio ngoa̒amila taa modungohe li Paapa-U̒ wau mobalajali monto o-Lio, monao̒ mai ode ola-U̒.

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

YAHYA 8:36

Sababu uitolo, wonu Walao̒ mopo lopotai olimongoli, timongoli otu-otutuulio mao̒ molopato.

ROMA 6:22

Bo botia timongoli mailopa-Tio lonto dusa, wau lowali wato lo Allahu Taa̒ala. Opae̒eda yito deu̒ Wutato tumutumulo tolomodu duo̒lo Allahu Taa̒ala wau sua̒li boito moo̒toduo mai tutumulo tutu wau ohiheo-hiheolo mao̒.

ROMA 8:15

Sababu Rohu, uilohi mai lo Allahu Taa̒ala ode limongoli, diila mohutu olimongoli mowali wato tilinggula timongoli tumumulo wolo wohe-wohe. Bolii̒o mao̒ Rohullah boito mopowali olimongoli mongo walao̒ Allahu Taa̒ala, wau wolo kawasa lo Rohullah boito ito mongunte Allahu Taa̒ala boito, “Paapa, oo ti Paapau̒!”

ROMA 8:2

Sababu butoo̒ lo Rohullah ulohutu mai olanto tilumumula lotituwau woli Isa Almasi tamalo lopatai olaatia lonto hukuumani uloo̒ sababu dusa wau opopate.

1 KORINTUS 7:22

Sababu ngotaalio lowato tamalo malacaya to Eeya, deu̒ito-yito taulo Eeya talo lopato. Wau tamo lopata ngota tamalo malacaya to Eeya, deu̒ito-yito wato li Almasi.

GALATIA 5:1

Ito botia lolopato, sababu ti Almasi malo polopato mai olanto! Sababu uito polo bintengiyalo ololopato limongoli, diila mao̒ potohilaa muli pohutuolio wato.

GALATIA 5:13

Wutato matilia-Ngio u lowali talo lopato. Bo diila mao̒ pomakea ololopato limongoli boito u mololaalaaita mohutu wolo wambai̒o u otohilaa pohutuo limongoli. Bolii̒o mao̒, timongoli musi mototoolia̒nga wau momamaayawa.

2 TIMOTIUS 3:7

Mongobua boito mololaalaaita mei̒ aajali, bo diila pee̒enta mao̒ motota lo pongaajali u otutu monto Allahu Taa̒ala.

YAKOBUS 1:25

Butoo̒ lo Allahu Taa̒ala wimu-wimumuto tutu wau o olootolo u mopo lopato manusia. Wau taa u motulete wau mopoo̒ tuoto tio̒otutua wau moponao̒ bubuu-too̒waalo boito, wau diila bo modungohe wambao̒ lapatao̒ momalongo, yi tau boito mabalakatia lo Allahu Taa̒ala to timii̒du sua̒li upilo hutulio.

YAKOBUS 2:12

Pobisalalo wau pohutuwalo odelo taa umaa aadiliyo-Lio modudua̒ butoo̒ Allahu Taa̒ala umopo lopato manusia.

1 PETRUS 2:16

Mamusi timongoli tumumulo odelo taa bebasi, bo diila mao̒ pomakea obebasimu boito u modepuhe ololeeto, bo tumbao̒ potitumulolo odelo wato lo Allahu Taa̒ala.

2 YAHYA 1:1

Odeli Ibu tatilulaoto Allahu Taa̒ala, wau ode mongo walai̒ Ibu. Tulade botie lonto olaatia, tau̒wa lojamaa̒ tatio̒otutua motolia̒ngo olimongoli. Diila bo watia wambao̒, bo ngoa̒amila taa u motota lo Allahu Taa̒ala tao̒tutu, motolia̒ngo olimongoli olo.