YAHYA 8:25 - KITABI HABARI MOPIOHE

²⁵ “Otutuulio mao̒ tatoonu Yio̒?” yilintu mao̒ limongolio. Ti Isa lolametao̒, “Donggo pongoola muli mobisala woli mongoli!

YAHYA 8:25 ပူးပေါင်းရင်းမြစ်များ

LUKASI 22:67

“Poo̒taawa mai olami,” uali mongolio o-Lio, “wolo Yio̒ botie Olongia Tamoo-poa̒ahua?” Ti Isa lolametao̒, “Wonu polele-U̒ mai olimongoli, timongoli debo diila tapalacaya.

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 1:22

“Wonu odito, poleleaalo mai olami tatoonu yio̒ botie,” uali mongolio, “alihu ami moo̒ tametao̒ totau-tauwalo talo poa̒hu mai olami. Wolo u heloi̒yamu tomimbihu batangamu lohihilao?”

YAHYA 10:24

tou̒ tau-tauwalo Yahudi lonao̒ mai lotia̒mbu topalito li Isa. Timongolio malo loi̒ya, “Tunggula omolua Yio̒ ohilaa mopoluli olami diila otatapua lohilao? Poleleaalo mai wolo juujulu, wonu Yio̒ otu-otutuulo mao̒ Olongia Tamoo-poa̒ahua.”

YAHYA 19:9

Yi tio luli tilumuwoto ode delomo bele biluloa̒ saaha li olongia wau lapatao̒ ti Isa pilotuotio mai, tei Pilatus lohintu mao̒ o-Lio, “Lonto utoonu mai asalii-Mu?” Boti Isa diila lolameto.

YAHYA 8:12

Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

YAHYA 8:24

Uito sababuulio Wau̒ motahuda mai olemu, deu̒ timongoli maamate todelomo duduu-saamu. Wau memangi timongoli maamate todelomo duduu-saamu, wonu diila palacaya deu̒, ‘Wau̒lo Tio tai̒lunte WAU̒ WOLUO’.”

YAHYA 8:26

Donggo dadaata sua̒li tomimbihu olimongoli u ohilaa potahuda-U̒ mai wau pomutoa̒lo. Bo Tio talolao mai ola-U̒ mowali palacayalo. Wau Wau̒ mopoo̒taa ode dunia wolo u ilodungohe-U̒ lonto o-Lio.”