YAHYA 8:24 - KITABI HABARI MOPIOHE

²⁴ Uito sababuulio Wau̒ motahuda mai olemu, deu̒ timongoli maamate todelomo duduu-saamu. Wau memangi timongoli maamate todelomo duduu-saamu, wonu diila palacaya deu̒, ‘Wau̒lo Tio tai̒lunte WAU̒ WOLUO’.”

YAHYA 8:24 ပူးပေါင်းရင်းမြစ်များ

PILOTIMUA̒TA 3:14

Tahuda lo Allahu Taa̒ala, “Wau̒ yito WAU̒ WOLUO. Uti-utieelo umusi polelemu mao̒ tobangusa lo Isirai̒lu, Tio tai̒lunte WAU̒ WOLUO, tamalolao mai olaatia ode limongoli.

POHUMAYA 8:36

Tatoonu tadiila moo̒tapu olau̒, mopoluhi batanga lohihilao; taa u molonua̒ olau̒, motolia̒ngo mautu.”

MATIUSI 24:5

Sababu ngohuntua tau mamonao̒ mai lou̒ momake tanggulu-U̒ wau moloi̒ya, ‘Wau̒lo Olongia Tamoo-poa̒ahua!’ Timongolio mamongakali totaa dadaata.

MARKUSI 13:6

Ngohuntua tamamonao̒ mai lou̒ momake tanggulu-U̒ wau moloi̒ya, ‘Wau̒lo Tio!’ tulusi mohimbulo totaa dadaata.

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

LUKASI 21:8

Ti Isa lotahuda mao̒, “Poo̒dahailo, diila bolo timongoli o aakalialio. Dadaata taa mamonao̒ mai lou̒ momake tanggulu-U̒, wau moloi̒ya, ‘Wau̒lo Tio!’ wau ‘Mawakutuulio.’ Bo timongoli diila mao̒ podudua̒ olimongolio.

YAHYA 13:19

Sua̒li boito potunggulo-U̒ mai botia olemu, tou̒ diipo motoduo mai, alihu wonu sua̒li boito de motoduo mai, timongoli mapalacaya mao̒ deu̒ Wau̒lo Tio tai̒lunte, WA-U̒ WOLUO.

YAHYA 3:18

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

YAHYA 3:36

Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

YAHYA 4:26

“Wau̒lo Tio,” tahuda li Isa, “Wau̒ tabotia donggo hemo bisala wolemu.”

YAHYA 8:21

Ti Isa luli lotahuda mao̒ ode limongolio, “Wau̒ mamonao̒ wau timongoli mamo lolohe ola-U̒, bo timongoli maamate todelomo dusamu. Ode tambati ponao̒wa-U̒, diila mowali onao̒wa limongoli.”

YAHYA 8:25

“Otutuulio mao̒ tatoonu Yio̒?” yilintu mao̒ limongolio. Ti Isa lolametao̒, “Donggo pongoola muli mobisala woli mongoli!

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.