YAHYA 8:20 - KITABI HABARI MOPIOHE

²⁰ Ngoa̒amilalo botie pilotahuda li Isa tou̒ Tio donggo hemo ngaajali to Bele lo Eeya totili bubuu-luwaalo lodoi podewo. Bo diaaluo penu boli ngotaa mao̒ talo heu̒pa o-Lio, sababu diipo leidungga wakutuulio.

YAHYA 8:20 ပူးပေါင်းရင်းမြစ်များ

BOHULO TAWARI 9:26

Bo opaato lo tau̒wa tamoodahawa boito debo otuugasi tulusi. Timongolio tatihu-tihula to huhuu-waliyaalo leidaa̒ to Bele lo Eeya wau babaa-langiyalo u tahutahu teto.

MATIUSI 26:55

Lapatao̒ ti Isa lotahuda mao̒ ode taa dadaata boito, “Wolo Wau̒ botie tamoleeto, tunggula timongoli lonao̒ mai hidelowa wamilo wau ayu pongokoo̒ mai moheu̒pa ola-U̒? Ngohui-ngohui Wau̒ hemo ngaajali to Bele lo Allahu Taa̒ala, wau timongoli diila loheu̒pa ola-U̒.

MATIUSI 27:6

Mongo iimamu tau̒wa malo himoa̒a doi boito wau loloi̒ya, “Doi botie doi loduhu. Modudua̒ butoo̒ lo agama, doi botie diila mowali potuwotolo ode delomo tambati podewowalo to Bele lo Eeya.”

MARKUSI 12:41

Tou̒ hulohuloa̒a bubuu-lemenga wolo bulua lodewo to Bele lo Eeya, ti Isa hemo poo̒tuoto tau-tauwalo tahi poluanga doi limongolio ode delomo bulua boito. Dadaata tahi kaayawa helo luangao̒ doi dadaata;

MARKUSI 12:43

Yi ti Isa malo tiangai tahidudua̒ o-Lio tulusi lotahuda olimongolio, “Poo̒tuota mao̒ utie: Janda tamosikini boito loluango ode delomo bulua boito lebe dadaata lou̒ tiluangio lo ngoa̒amila tau-tauwalo wewolio.

LUKASI 20:19

Guguu-ruwaalo agama wau mongo iimamu tau̒wa motota deu̒ pohumaya boito pilomatuju li Isa ode limongolio. Sababu uito timongolio ohilaa moheu̒pa o-Lio to saaa̒tilo boito, bo timongolio moohe totaa dadaata.

LUKASI 21:1

To Bele lo Eeya, ti Isa loo̒onto tau-tauwalo tahi kaayawa helo luwango doi ode delomo bulua lodewo.

YAHYA 10:39

Timongolio luli lotolopani moheu̒pa li Isa, bo Tio loo̒lahi lonto olimongolio.

YAHYA 2:4

Ti Isa lolametao̒, “Maama, diila mao̒ ahuli Watia. Diipo leidungga wakutuulio Watia mopoi̒laalo batanga.”

YAHYA 7:14

Tohuungo lo lameyangi, ti Isa tilumuwoto ode delomo Bele lo Eeya, tulusi lolumulao̒ longaajali.

YAHYA 7:30

Tou̒ boito timongolio ohilaa moheu̒pa li Isa, bo diaaluo tabuheli modihu o-Lio, sababu diipo leidungga wakutuulio.

YAHYA 7:44

Woluo tao̒hilaa moheu̒pa o-Lio, bo diaaluo penu boli ngotaa mao̒ tamodihu o-Lio.

YAHYA 7:8

Ponao̒lo timongoli lohihilao ode lameyangi boito. Wau̒ diila monao̒ sababu diipo wakutuulio ola-U̒.”

YAHYA 8:2

Loloombulio mola dimodupo Tio lonao̒ mota poli ode Bele lo Eeya, wau dadaata tahe lonao̒ mai ode o-Lio. Ti Isa malo tihuloa̒a mola, tulusi lolumulo longaajali mao̒ olimongolio.

YAHYA 8:59

Lapatao̒ tau-tauwalo Yahudi boito lohama botu u pomai̒lio o-Lio; boti Isa loluuo̒ batanga-Lio, tulusi lonao̒ lololaa mao̒ Bele lo Eeya.