YAHYA 8:2 - KITABI HABARI MOPIOHE

² Loloombulio mola dimodupo Tio lonao̒ mota poli ode Bele lo Eeya, wau dadaata tahe lonao̒ mai ode o-Lio. Ti Isa malo tihuloa̒a mola, tulusi lolumulo longaajali mao̒ olimongolio.

YAHYA 8:2 ပူးပေါင်းရင်းမြစ်များ

TAMOO-HUTUBAWA 9:10

Kalajailo totoonulalo tuugasimu wolo tio̒otutua. Sababu de madiduuluo mai pikiilangi wau kalaja. Diduuluo ilimi meaambo hikimati todunia lotaa mate. Wau oditoolo mola umapo nao̒owamu.

YEREMIA 25:3

“Ngotilonggadu dulo pulaa tolo taunu mola, tumulalo mai taunu opulaa tolulio pamalenta lei Yosia walao̒ talolai̒ lei Amon to Yehuda, demai to dulahee botia Eeya malo tahuda mai odelaatia wau diila pee̒enta mao̒ yilipatuu̒ lopo tunggulai ode olemu wolo u mapilo tahuda mai lo Eeya. Bo timongoli diila pandungi.

YEREMIA 32:33

Timongolio malo lolaa ola-U̒ wau eleponu Wau̒ hemo ngaajali mai tulusi olimongolio, timongolio diila mohuto modungohu wau mohuto mongalati daa̒.

YEREMIA 44:4

Wau̒ diila obunto-buntolio helolao mai ode limongoli mongo wato-U̒ mongo nabi, tahe lodini olimongolio lohutu ololeeto u yilonuu̒u-U̒ boito.

MATIUSI 26:55

Lapatao̒ ti Isa lotahuda mao̒ ode taa dadaata boito, “Wolo Wau̒ botie tamoleeto, tunggula timongoli lonao̒ mai hidelowa wamilo wau ayu pongokoo̒ mai moheu̒pa ola-U̒? Ngohui-ngohui Wau̒ hemo ngaajali to Bele lo Allahu Taa̒ala, wau timongoli diila loheu̒pa ola-U̒.

LUKASI 21:37

Ti Isa helo ngaajali to Bele lo Eeya wakutu dulahu wau huilio mao̒ Tio lonao̒ ode huludu lo Jaitun wau lotitolaa teto.

LUKASI 21:38

Timii̒du dumodupo ngoa̒amila tau hiponao̒wa mai ode Bele lo Eeya hemo dungohe pongaajali li Isa.

LUKASI 4:20

Ti Isa luli lolilibeo̒ buku boito, wau luli lopo walingao̒ ode tahi otuugasia, lapatao̒ lotihuloo̒. Ngoa̒amila taa todelomo bele potabiaala boito lomilohe o-Lio.

LUKASI 5:3

Ti Isa lobotulao̒ ode tala tuwau lobulotu, deu̒ito-yito bulotu lei Simon, lapatao̒ lopoa̒hu olei Simon lohuntudeo̒ bulotulio boito lolamingo ngopee̒ lonto pentadu. Ti Isa malo tihuloo̒ todelomo bulotu boito wau helo ngaajali taa dadaata.

YAHYA 4:34

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 8:20

Ngoa̒amilalo botie pilotahuda li Isa tou̒ Tio donggo hemo ngaajali to Bele lo Eeya totili bubuu-luwaalo lodoi podewo. Bo diaaluo penu boli ngotaa mao̒ talo heu̒pa o-Lio, sababu diipo leidungga wakutuulio.

YAHYA 8:3

Tou̒ boito, guguu-ruwaalo agama wau tau-tauwalo Parisi lodelo mai ode o-Lio taabua ngota tai̒lo dungga hemojina. Timongolio lopoa̒hu taabua boito tilimihulo tohuungio,

WUNGGULI LOMONGO RASULU 5:21

Yi mongo rasulu boito olo malo dungohe tahuli lo malai̒kati boito. Didimodupo daa̒ timongolio lonao̒ mota ode Bele lo Eeya wau malo ngaajali teto. Tou̒ boito, ti iimamu daa̒ wau tahidudua̒ olio lonao̒ mai, tulusi lohutu mao̒ sidangi lo mahakama wolo mongo tau̒wa lo Yahudi, lapatao̒ timongolio lopoa̒hu tau mola lohama mongo rasulu boito lonto tutupa mai lotaalua woli mongolio.