YAHYA 8:19 - KITABI HABARI MOPIOHE

¹⁹ “Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

YAHYA 8:19 ပူးပေါင်းရင်းမြစ်များ

YEREMIA 24:7

Wau̒ mamongohi ode limongolio hilaa u mongalati deu̒ wau̒ulo Eeya. Yi timongolio mamowali umati-U̒, wau Wau̒ mowali Allahu Taa̒ala limongolio, sababu timongolio mamuli mohualingai ode Olau̒ wolo lealeaatu lohilao.

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

YAHYA 1:10

Tahuda woluo todunia, dunia pilowali mai lotimbulude o-Lio, bo dunia diila moo̒onuhe o-Lio.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 15:21

Ngoa̒amilalo boito mapohutuo limongolio ode limongoli, sababu timongoli muri-U̒, sababu timongolio diila moo̒onuhe o-Lio talolao mai ola-U̒.

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 7:28

Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

1 KORINTUS 15:34

Pongalatilo botia, wau diilalo pohutu dusa. Patutilio timongoli musi moolito, deu̒ towolota limongoli woluo tadiipo motota lo Allahu Taa̒ala.

GALATIA 4:9

Bo botia timongoli motota lo Allahu Taa̒ala, meaalo lebe tuhata mao̒, Allahu Taa̒ala motota olimongoli. Naa, yilongola timongoli mohuto muli mohualinga ode roroo-huwaala lodunia botie, u molulupuhu wau mosikini? Yilongola timongoli mohuto muli pohutulio wato lo roroo-huwaalo boito?

EPESUS 1:17

Watia lomolohone mola alihu Allahu Taa̒ala Eeyanto Isa Almasi, ti Paapa tamolaio̒, mongohi Rohu-Lio olimongoli. Rohu boito mamopowali olimongoli molinepo, wau mamopo ilaalo mai Allahu Taa̒ala olimongoli tilinggula timongoli mototaa-Lio.

KOLOSE 1:10

Lou̒ odito timongoli mowali tumumulo modudua̒ otohilaa lo Allahu Taa̒ala, wau laito moposanangi hilaa-Lio, tilinggula todelomo totoonulalo u hitua-tuawua timongoli moo̒wohi tilapulo to susuu-aliyaalo u mopiohe. Wau pongotota limongoli pasali lo Allahu Taa̒ala olo maa oduhenga mola olo.

KOLOSE 1:15

Ti Almasi yito bayahu u moi̒laalo monto batanga lo Allahu Taa̒ala udiila oontonga; Ti Almasi yito Walao̒ tamohuhula daa̒, lebe polohuna daa̒ lotoonula u pilowali mai.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

1 YAHYA 2:23

Taa diila motolo akuo to Walao̒, boliilio mao̒ diila mololimo li Paapa olo. Wau taa motolo akuo to Walao̒ boliilio mao̒ mololimo li Paapa olo.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

2 YAHYA 1:9

Taa u diila motidihu to pongaajali li Almasi, bo tumbao̒ molambanga tou̒ wolo u pilo ngaajali li Almasi, tau boito diila o Allahu Taa̒ala. Taa u debo todelomo pongaajali li Almasi, bolilio mao̒ motolo miliki mopio Allahu Taa̒ala ti Paapa bolito Walao̒.