YAHYA 8:17 - KITABI HABARI MOPIOHE

¹⁷ Todelomo butoe̒e Musa tulatuladu odie; ososakusi u otutu yito ososakusi monto taduulota.

YAHYA 8:17 ပူးပေါင်းရင်းမြစ်များ

BOHULO MONGO OLONGIA 21:10

Ahuli mao̒ tamoleeto duulota motihuloa̒ tataalua wolio wau mopo tuludeo̒ olio deu̒ tio malo laa̒anati to Allahu Taa̒ala wau olongia. Lapatao̒ delowalo tio ode bulemengo kota, pai̒ya mao̒ tio wolo botu tunggula mate!”

YIA̒APO 35:30

Todelomo palakala polomatea mate-mateelo mao̒, taa u pilopo tuludu odelo tamoomatea mate-mateelo mao̒, bo mowali poi̒laalo ototala wau hukuu-maniyolo mate wonu huhutu boito mowali pobukutiyola lo taduulota sakusi meaalo lebe mao̒. Sakusi ngota diila motuuu̒de u mopo bukuti mao̒ deu̒ potuludu boito otutu.

MATIUSI 18:16

Bo wonu diila, podelo mota ngota meaanto duulota poli. Sababu todelomo Kitabi tulatuladu, ‘Pulito ngoi̒dilio duulota meaalo toulota sakusi tapalaluwolo u mopoi̒laalo ngotaalio tapilo tulude boito ototala.’

YAHYA 10:34

Lapatao̒ ti Isa lolametao̒, “Diila matodelomo Buku lo Butou̒mu leitulade: Allahu Taa̒ala lotahuda mai, ‘Timongoli yito ila’?

YAHYA 15:25

Bo mawajibulio odito, alihu motoduo mai wolo u tulatuladu todelomo Buku Butoo̒ limongolio, deu̒ito-yito: ‘Timongolio molonuu̒u-U̒ diila o alaasani.’

2 KORINTUS 13:1

Utie yito u otolulio watia monao̒ mai mobiilohe woli mongoli. Todelomo Kitabi tulatulade, “Timii̒du palakala musi osakusi duulota meaalo toulota, bolo palakala boito saaha.”

GALATIA 3:24

Lou̒ odito, butoo̒ lo agama mowali odelo pongimato olanto dilumutu ti Almasi meidungga u mohutu olanto muli mopiiohe wolo Allahu Taa̒ala sababu ito palacaya li Almasi.

GALATIA 4:21

Mongo wutato tamo tohilaa tumumulo to walungo okokawasa bubuu-too̒waalo agama, ntali dungohi mai watia! Mapoo̒taa mai lowatia olimongoli wolo ututuulio-tutu u tulatulade todelomo Kitabi Butoe̒e Musa.

TINGULI 17:6

Bo tio bo mowali hukuu-maniyolo mate wambai̒o wonu osakusi duulota meaalo lebe; tahingota-ngotaawa diila mowali hukuu-maniyolo mate bo patopatoa̒a to katalaangani losakusi ngota wambai̒o.

TINGULI 19:15

“Ngotaalio losakusi wambao̒ diila motuuu̒de u mopoi̒laalo mao̒ ngotaalio potu-potuludu ototala; ngoi̒dilio duulota sakusi palaluwola to sua̒li boito.

IBRANI 10:28

Taa diila modungohe butoo̒ uilohi mai lei Musa, hukuu-maniyolo mate lou̒ diila o ambungulio, wonu to osakusi lo taduulota meaalo toulota, tio ilobukuti ototala.

1 YAHYA 5:9

Ito palacaya to ososakusi lomanusia, bo ososakusi lo Allahu Taa̒ala lebe motoheeto. Wau uitolo ososakusi u mailohi mai lo Allahu Taa̒ala pasali lo Wala-I̒o.

WAHI 11:3

Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”