YAHYA 8:15 - KITABI HABARI MOPIOHE

¹⁵ Timongoli momutoo̒ tau wolo dudelo lomanusia; Wau̒ diila momutoo̒ penu boli ngotaa mao̒.

YAHYA 8:15 ပူးပေါင်းရင်းမြစ်များ

AMOS 5:7

Matopotala timongoli, timongoli tahemo pololoo-mbulia u aadili wau hemomakusa wolo diila omanusia haku lotau!

AMOS 6:12

Tingga mowali wadala tumetea̒ tohui̒dee botu? Wolo mawoluo tahelo madeo̒ deheto wolo sapi? Bo timongoli malopo loloombulia u aadili lowali peedi u moo̒pate, wau u otutu lowali tilaala.

HABAKU 1:4

Butoo̒ diilalo pilandungi wau ua̒adili diila pee̒enta mao̒ piloponao̒. Taa moleeto lowali lebe lailaio̒ wolo taa u juujuru, yi ua̒adili pilopo loloombulilio.

LUKASI 12:14

Ti Isa lolametao̒, “Wutato, tita talomuduo̒ ola-U̒ lowali hakimu meaalo tamooloyade pusaka towolota limongoli duulota?”

YAHYA 12:47

Taa modungohe pongaajali-U̒, bo diila modudua̒ao̒ – diila Wau̒ tamo hukuumani olio. Sababu Wau̒ dungga-dungga mai diila mai momutoo̒ dunia botie, bo mai mopoa̒ahu mao̒.

YAHYA 18:36

Tametao̒ li Isa, “Yilaidiaa-U̒ diila lonto dunia botie. Humayaalio yilaidiaa-U̒ lonto dunia botie, tautau-U̒ mamohipate alihu Wau̒ diila tawuduolio ode tahidihima kawasa lo Yahudi. Bo memangi yilaidiaa-U̒ diila lonto dunia botie!”

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 7:24

Diila mao̒ pomutoo̒ tau bo dadaasari tou̒ oontonga, bo dadaasari tou̒ aadili.”

YAHYA 8:11

“Diaaluo, Paaa̒,” tametio mao̒. [“Ooo̒,” uali Isa, “Wau̒ olo diila mohukuumani mai olemu. Botia ponao̒lo, diilalo pohutu dusa.”]

ROMA 2:1

Masababu uito, mongo Wutato, tatoonu Wutato, tilunggula Wutato motohilaa mopotala taa wewo? Wutato diila owolo-wolo u mopodulua lobatanga! Sababu wonu Wutato mopotala taa wewo, lebe-lebe pomao̒ Wutato lohihilao helohutu huhutu u tutuuwauwa debo odelo timongolio, yi Wutato malo podehu hukuumani tobatanga lohihilao olo.

1 KORINTUS 2:15

Taa o Rohullah mowali mongohi peni totoonulalo u hitua-tuawua, bo diaaluo penu boli ngotaa mao̒ ohaku mongohi peni o-Lio.

2 KORINTUS 5:16

Masababu uito, amiaatia diilalo motiliki tau modudua̒ tuu̒de lomanusia. Memangi amiaatia mapee̒enta lotiliki li Almasi lonto bibilohio lomanusia, bo botia diilalo.

YAKOBUS 2:4

Lou̒ mohutu u odito, timongoli mopo hiihede towolota timongotamu wau motiliki tau bo patopatoa̒ to pikiilangi u moleeto.

BOHULO SEMUEL 16:7

Bo Eeya malo tahuda mai odelei Semuel, “Yio̒ diila mao̒ oa̒anga lolakulio u gaaga wau molanggato wawai̒o; diila tio taa kahandakiyo-U̒. Wau̒ diila momilohe debo odelo bibilohio lo manusia. Manusia bo momilohe baya, bo Wau̒ momilohe hilao.”