YAHYA 8:12 - KITABI HABARI MOPIOHE

¹² Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

YAHYA 8:12 ပူးပေါင်းရင်းမြစ်များ

AYUBA 33:28

Allahu Taa̒ala longabuta olau̒ lonao̒ ode dunia lotaa yilate, tilinggula wau̒ donggo tumutumulo botia.

JABURU 18:28

Taa u dupadupapa lohilao piloa̒ahu lo Eeya, bo taa u batingga pilopo taa̒aluku lo Eeya.

JABURU 49:19

Tumbao̒ wonu bolo ngotaalio moo̒otoduo untungi todelomo tutumulio, wau hemomuji-muji sababu loo̒toduo mai hasiliilio,

JABURU 97:11

Mobaango malobutu mai ode taa u ohilao motulidu, wau wengahu ode taa u juujulu.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 50:10

Wuu timongoli tamomasisi to Eeya, wau modungohe loi̒ya lo wato-Lio, dalalo u ponao̒wa limongoli otanu modio̒lomo, wau diaaluo tinelo u motinelai de olemu; bo poyakinilo to Eeya; potiwunelolo to Allahu Taa̒alamu.

YESAYA 9:2

Yaa Eeya, Eeya longohi mai olimogolio wengahe daa̒, Eeya lohutu olimongolio hitingalaa̒ meengahu. Timongolio meengahu sababu opopiohu Eeya, debo odelo taa u meengahu tou̒ hipohimoa̒a polosembo, meaambo hipolayade u yilambato.

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 5:14

Timongoli yito baango dunia. Kota toitaato huludu diila mowali tuuo̒lo.

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 12:36

Pomalacayalo to tilango boito, ngotilonggadu tilango boito donggo woluo to olemu, alihu timongoli mowali mongo walao̒ lo tilango.” Lapatao̒ ti Isa lotahuda mao̒ odito, Tio lonao̒ lonteeto mola wau diila mohuto mopobilohe batanga olimongolio.

YAHYA 12:46

Wau̒ dungga-dungga mai ode dunia botie odelo tilango, alihu ngoa̒amila taa palacaya ola-U̒ diila tamoti biluloa̒ todelomo u modio̒lomo.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 3:19

Tio pilohile moo̒ohuu̒ dadaasali tosua̒li botie; Tilango boito malei dungga mai ode dunia, bo manusia lebe motohilaa u modio̒lomo wolo u mobaango, sababu huhutu limongolio moleeto.

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

YAHYA 9:5

Ngotilonggadu Wau̒ todunia botie, Wau̒lo tinelo dunia.”

WUNGGULI LOMONGO RASULU 13:47

Sababu utieelo palenta mai lo Eeya olami; Eeya lotahuda, ‘Wau̒ malolantu mai olimongoli lowali tinela tuwau ode tau-tauwalo bangusa wewo tadiila bangusa lo Yahudi, alihu timongoli mopotoduo mai osalaamati ode ngoilanggubu dunia.’ ”

WUNGGULI LOMONGO RASULU 26:23

deu̒ito-yito Olongia Tamoo-poa̒ahua tadilanti mai lo Allahu Taa̒ala boito musi modutolo, wau mowali taa bohulio umuli mobongu mai tou̒ mailate; alihu woleeto Tio mowali mopohabari mai tilango – deu̒ito-yito u mopoa̒ahu – mopio ode tau-tauwalo Yahudi boli ode tau-tauwalo tadiila Yahudi.”

2 PETRUS 2:17

Guguu-ruwaalo paluti boito yito debo odelo butu lotaluhu u mohengu, wau debo odelo wambulo u hiliipa lodupoto huloyongo. Allahu Taa̒ala malo podapato olimongolio tambati tuwau u modio̒loma tutu.

2 PETRUS 2:4

Mamaa-lai̒katiyalo tao̒dusa olo diila poluli lo Allahu Taa̒ala molopato monto hukumani, bo debo pomahu-Lio ode delomo naraka. Timongolio potuwoto-Lio ode delomo pangato u modio̒lomo u tahangia-Lio mola teto dilumutu Dulahe Pomutoa̒lo.

1 YAHYA 1:6

Wonu ito moloi̒ya deu̒ ito tumutumulo motituwau wo-Lio, lebe-lebe pomao̒ ito tumutumulo todelomo u modio̒lomo, yi ito mohimbulo mopio wolo loi̒ya meaalo wolo huhutu.

YUDAS 1:13

Tutuuwauwa debo odelo buo̒olo moo̒huu̒ daa̒ todeheto mopotoodei putii̒o, odito olo timongolio mopoo̒ putio̒ totoonulalo huhutu u moo̒olito. Timongolio yito debo odelo bibii-natangiyalo u helonao̒ ode utoonulalo mao̒ udiila otatapua poti biluloa̒alo umaa pilopo dapato tambatilio lo Allahu Taa̒ala todelomo dio̒lomo ulaba-labaalo moo̒tihela hapato u ohiheo-hiheolo mao̒.

YUDAS 1:6

Eelai mola olo mamaa-lai̒katiyalo tailimbata eenggade lo okokawasa limongolio, tilinggula lonao̒ lololaa mao̒ tambati pilo tibiluloa̒ limongolio. Allahu Taa̒ala lomungu mamaa-lai̒katiyalo boito wolo lante ubakaa, todelomo tambati u modio̒lomo to walungo huta. Mola teto timongolio tataahangi tulusi dilumutu hukuumani podehuwolo odeitaati mongolio de to Dulahe upolu-polutuo̒ boito.

WAHI 21:24

Babaa-ngusawalo todunia mamonao̒ todelomo tinelio, wau mongo olongia olo mamodelo okokaya limongolio ode delomo kota boito.