YAHYA 7:4 - KITABI HABARI MOPIOHE

⁴ Diaaluo taa u mamoluuo̒ wolo u pohutuolio, wonu tio motohilaa mowali otaawa lotaa dadaata. Wonu Yio̒ mohutu susuu-aliyaalo debo odelo uito ngoilanggubu dunia musi motota!” (

YAHYA 7:4 ပူးပေါင်းရင်းမြစ်များ

BOHULO MONGO OLONGIA 22:13

Tou̒ boito utolia talo lutulai olei Mikha, loloi̒ya mao̒ olei Mikha, “Ngoa̒amila nabi uwewo helo laamali mao̒ ohohaama odeli olongia. Potala ti Paaa̒ olo molaamali mai u mopiohe debo odelo timongolio.”

MATIUSI 23:5

Ngoa̒amila u hepohutuo limongolio bo wambao̒ mopobibi totau. Timongolio sangaja momake tali lo potabiaalo u hitaanggala wau mopohayao̒ lumbai-lumbai lojumba limongolio.

MATIUSI 4:6

Lapatao̒ Ibilisi loloi̒ya mao̒ o-Lio, “Yio̒ botie Walao̒ Allahu Taa̒ala, diila odito? Wonu odito potidehulo mola ode walungo; sababu todelomo kitabi woluo tulatulade odie, ‘Allahu Taa̒ala mamopoa̒hu mai mamaa-lai̒kati-Lio moduo̒la ole-Mu, timongolio mamo langgomo ole-Mu wolo uluu̒ limongolio, alihu oa̒atu-Mu diila meiteduo̒ tobotu.’ ”

MATIUSI 6:16

“Wonu timongoli mopuasa, diila mao̒ potihutoo̒ debo odelo tahi munapikia. Timongolio molomelo baya limongolio alihu ngoa̒amila tau motota deu̒ timongolio hipuasawa. Eelai mao̒, ui-uitolo wuupa u matilolimo limongolio.

MATIUSI 6:5

“Wonu timongoli modua̒, diila mao̒ potihutu debo odelo tahi munapikia. Timongolio motohilaa modua̒ hitihula tobele potabiaalo wau topotanga lodalalo alihu oontonga lotau. Eelai mao̒, ui-uitolo wuupa u matilolimo limongolio.

LUKASI 6:45

Taa mopiohe mopobilohe susuu-aliyaalo u mopiohu sababu hilaalio polupolu lou̒ mopiohu. Taa moleeto mopobilohe susuu-aliyaalo u moleeto sababu hilaalio polupolu lou̒ moleeto. Sababu wolo u wulito lotunggilo ui-uitolo u lumepetai monto hilao.”

YAHYA 18:20

Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

YAHYA 7:3

Yi mongo wutati Isa loloi̒ya mao̒ o-Lio, “Tolailo mao̒ tambati botie wau ponao̒lo ode Yudea, alihu tahidudua̒ ole-Mu mowali momilohe olo kalajaa-Mu.

YAHYA 7:5

Sababu mongo wuta-Tio lohihilao olo diila palacaya o-Lio).