YAHYA 7:39 - KITABI HABARI MOPIOHE

³⁹ Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

YAHYA 7:39 ပူးပေါင်းရင်းမြစ်များ

JABURU 68:18

Wolo pulua lolihu kaleta molotolo Allahu Taa̒ala lotibilohu towolota limongolio todelomo odudaa̒a-Lio.

POHUMAYA 1:23

Dungohilo wau̒, wonubolo wau̒ modinimu, yi to olemuulo mapo ilaalou̒ mai tuango hilaau̒ wau pongaajaliu̒ mai pongototaau̒.

YESAYA 12:3

Debo odelo taluhu mopoo̒luli hilao wau mopowengahu taa mototoa̒ngo, odieelo mola timongoli mamo tiwengahu, sababu piloa̒ahu mai lo Allahu Taa̒ala.”

YESAYA 32:15

Bo pee̒entapo Allahu Taa̒ala mamei dungga wolo kawasaa-Lio. Yi huta datahu wau luasi daa̒ u mohengu mamowali hahaa-laboluwalo molomiodu, wau hahaa-laboluwalo madebo odelo oa̒ayua.

YESAYA 44:3

Sababu Wau̒ mobangguatai didi ode huta u mohengu, wau mopotolohe duduu-tulaalo tohuta mohengu wau diila molomiodu. Wau̒ mamongohi mai kawasa ode walimu mola, wau mobalakati walao̒ wau wombumu.

YOEL 2:28

“Lapatao̒ uito de ngoa̒amila tau mapoo̒ daata-U̒ daa̒ wolo rohu-U̒. Yi walau̒mu mongo lolai̒ wau mongobua mamopo tunggulao̒ totoonulalo tahuli-U̒; mongo panggola to wolotamu mamoo̒ toduo mai tohiilopo, bibilohe mawohi ode mongo bohulotau wau mongo dulahu.

MATIUSI 16:14

Tahidudua̒ o-Lio malo lametao̒, “Woluo talo loi̒ya tei Yahya Tamopolihua. Woluo olo talo loi̒ya tei Elia. Taawewo poli loloi̒ya tei Yeremia meaanto tala ngota lonabi.”

MATIUSI 21:11

“Tio Nabi Isa, lonto Najaret to Galilea,” tametao̒ lotaa dadaata tahidudua̒ li Isa.

LUKASI 24:49

Wau Wau̒ lohihilao mamolao mai olemu wolo u madilanti lo Allahu Taa̒ala. Bo timongoli musi debo mohima tokota botie tunggula kawasa monto Allahu Taa̒ala mohenggubei olimongoli.”

LUKASI 3:16

Uito sababuulio tei Yahya loloi̒ya mao̒ ode limongolio ngoa̒amila, “Watia mopolihu olimongoli wolo taluhu, bo demaa meidungga mai Taa lebe udaa̒ mao̒ wolaatia. Penu boli bo mongua̒de tali losapatu-Lio watia diila patuti. Tio mamo polihu olimongoli wolo Rohullah wau tulu.

LUKASI 7:16

Ngoa̒amila tau mailoohe wau mahi pomujia Allahu Taa̒ala. Timongolio loloi̒ya, “Ngotaalio lonabi daa̒ maa yilumenetai tohuunginto! Allahu Taa̒ala maledungga mai mopoa̒ahu umati-Lio!”

YAHYA 1:21

“Wonu odito, tatoonu yio̒?” yilintu mao̒ limongolio. “Wolo yio̒ tei Elia?” “Diila,” tametao̒ lei Yahya. “Wolo yio̒ Nabi?” yilintu mao̒ limongolio poli. “Diila,” tametio mao̒.

YAHYA 1:25

malohintu, “Wonu yio̒ diila Olongia Tamoo-poa̒ahua, diila tei Elia, diila olo nabi, yilongola yio̒ hemo polihu?”

YAHYA 1:33

Tou̒ boito diipo otaawa laatia tatoonu Tio. Bo Allahu Taa̒ala talo poa̒hu mai olaatia mopolihu wolo taluhu malo tahuda olaatia, ‘Wonu yio̒ moo̒onto Rohullah motuhutai, lapatao̒ motitolaa toitaato lo ngotaalio, yi Tioolo tamamo polihu wolo Rohullah.’

YAHYA 12:16

Tou̒ boito tahidudua̒ li Isa diipo mongalati ngoa̒amilalo boito. Bo lapatio mao̒ ti Isa pilou̒daa̒ wolo opapate-Lio, bolo timongolio loo̒e̒ela mola deu̒ u pilohutu lotau-tauwala o-Lio boito malei tuladu todelomo Kitabi tomimbihu o-Lio.

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 14:13

Wau penu boli wolo upohile limongoli to tanggulu-U̒, uito mapo hutuwo-U̒ mai olimongoli, alihu ti Paapa-U̒ pou̒daa̒alo moli Walao̒.

YAHYA 14:26

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

YAHYA 16:14

Tio mamopo u̒daa̒ ola-U̒, sababu wolo u pilotunggu-Lio mai olemu, tilolimo-Lio lonto ola-U̒.

YAHYA 16:7

Bo Wau̒ molele mai u otutu olemu: Lebe mopioheo̒ olimongoli, wonu Wau̒ mohualinga mola; sababu wonu wau̒ diila mohualinga mola, Tamoo-tulungia boito diila tamei dungga ode olemu.

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 20:22

Lapatao̒ ti Isa lopo hiipao̒ napasi-Lio ode limongolio wau lotahuda mao̒, “Tolimowalo Rohullah.

YAHYA 6:14

Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 7:12

Dadaata tau mahipo loloohuma tomimbihu o-Lio. Woluo talo loi̒ya, “Tio taa mopiohu.” Waluo poli talo loi̒ya, “Diila! Tio hemo polapalo totaa dadaata.”

YAHYA 8:54

Ti Isa lolametao̒, “Humayaalio Wau̒ mololohe ohulumati ode batanga-U̒ lohihilao, ohulumati boito diaaluo hunalio. Tamo hulumati ola-U̒ yito ti Paapa-U̒ tahe anggapuo limongoli Allahu Taa̒ala limongoli,

WUNGGULI LOMONGO RASULU 19:2

Tio lohintu mao̒ olimongolio, “Wolo Mongo wutato botie malo lolimo Rohullah tou̒ timongoli palacaya li Isa?” Timongolio lolametao̒, “Diipo. Tumbao̒ diipo pee̒enta mao̒ amiaatia loo̒dungohe deu̒ woluo Rohullah.”

WUNGGULI LOMONGO RASULU 2:17

Allahu Taa̒ala lotahuda mai, ‘Topulito lojamani Wau̒ mamo luwatai Rohu-U̒ ode ngoa̒amila tau. Mongo walau̒mu talolai̒ wau mongo walau̒mu taabua mamopoo̒taa olemu susuu-aliyaalo u piloo̒taa-U̒ olimongolio. Tahi-muudawa limongoli mamoo̒onto susuu-aliyaalo upilopo bilohu-U̒ olimongolio. Mongo dulaa̒mu mamoo̒ tohiilopo tomimbihu tohiilopo uilohi-U̒ olimongolio.

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

WUNGGULI LOMONGO RASULU 2:38

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

WUNGGULI LOMONGO RASULU 2:4

Timongolio ngoa̒amila kiluwaasa lo Rohullah, wau malo lumula lobisala todelomo bahasa wewo u hidala-dalaala. Timongolio helo bisala lodudua̒ wolo uilohi lo Rohullah boito u lapalia mao̒ limongolio.

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

WUNGGULI LOMONGO RASULU 4:31

Lapatao̒ timongolio yilapato lodua̒ mola, tambati upilo tia̒mbua limongolio boito hilumeulo. Timongolio ngoa̒amilalo kiluwaasa mai lo Rohullah, wau malo bisala wolo buheli daa̒ pasali lohabari lonto Allahu Taa̒ala.

ROMA 8:9

Bo timongoli diila tumutumulo modudua̒ pii̒li lomanusia. Timongoli tumutumulo modudua̒ Rohullah – wonu, tantulio, Rohullah otu-otutuulo mao̒ dulu-dulude todelomo batangamu. Taa diila o Rohu li Almasi, tau boito diila miliki li Almasi.

2 KORINTUS 3:8

tantu pilohutua daantia uilohi mai lo Rohullah, pilosaaha lebe lou̒ tinelo motilango tutu poli.

EPESUS 4:30

Diila mao̒ posuukalia hilaa lo Rohullah. Timongoli masilaaha-Lio wolo Rohu, lowali miliki lo Allahu Taa̒ala. Rohu boito olo debo odelo pongaku deu̒ Dulahu Polobebasi mamei dungga mai ode limongoli.