YAHYA 7:37 - KITABI HABARI MOPIOHE

³⁷ Topulito dulahu lo lameyangi boito, deu̒ito-yito dulahu ulaba-labaalo polohuna daa̒, ti Isa tilimihulao̒ todelomo Bele lo Eeya tulusi longiibode, “Taa u mototoa̒ngo ponao̒lo mai ode ola-U̒ mai mongilu.

YAHYA 7:37 ပူးပေါင်းရင်းမြစ်များ

NEHEMIA 8:18

Pitu hui mola hiheolio timongolio helo potihunggu. Timitimii̒du dulahu ngota-ngotayadu Buku Butoo̒ Allahu Taa̒ala hepilobaca mao̒ lei Esra. To dulahu u owalulio pilohutulio upacala mongoa̒lo huhuloa̒a, lotuuu̒de wolo wuu̒du lo Butoo̒.

JABURU 143:6

Watotia hemodua̒ mola to Eeya wolo uluu̒ bua̒bua̒adu; debo odelo huta u mohengu, jiwa lowatotia mooloolo to Eeya.

JABURU 42:2

Debo odelo buu̒lu mooloolo taluhu dutulaa, odieelo mola jiwa yiwau̒ mooloolo to Eeya, yaa Allahu Taa̒ala.

JABURU 63:1

Jaburu lei Dauda, tou̒ tio tohuta datahu wau luasi udelita lo Yehuda.

POHUMAYA 1:20

Dungohilo! Hikimati hemo tiango to dadaa-lalaalo wau hemonguatio̒ to tataa-nalapaalo!

POHUMAYA 8:1

Dungohi! Otinepo hemongibo-ngiibode, hikimati lomintaa̒a suala.

POHUMAYA 8:17

Wau̒ motolia̒nga olimongolio tamotohilaa olau̒; tamololohe olau̒, mamoo̒ dungga olau̒.

POHUMAYA 8:3

To huhebu hulubangi, to dalalo tumuwota ode kota, teteetolo odungohe sualaalio.

POHUMAYA 9:3

Mongobua tahi pomayawa ilahulalio lonao̒ mota helo ngiibo-ngiibode to tataa-mbatiyalo u molanggato tokota,

LAHU MOLAMAHU 5:1

Wau̒ lonao̒ mai ode ilengiu̒, dinda, bulaintitiu̒, yilimou̒uu̒ damahu moonu wau ramba-rambaau̒; tilameluu̒ beelea lotiia̒ wau hula lotiia̒au̒, yililumuu̒ susu wau taluhu lo angguruu̒. Polamelo wau pongilulo, mongo sahaabati, pongilulo tunggula huwoa̒alo pongolaasa motohilaa daa̒.

YESAYA 12:3

Debo odelo taluhu mopoo̒luli hilao wau mopowengahu taa mototoa̒ngo, odieelo mola timongoli mamo tiwengahu, sababu piloa̒ahu mai lo Allahu Taa̒ala.”

YESAYA 40:2

Poduo̒talo hilaa taulo Yerusalemu, poleleaalo deu̒ polowatolio malo pulito. Totala limongolio maa ilambungu-U̒, duduu-sawaalo limongolio mahi-lukuumani-U̒ poo̒oluo piu̒wa.”

YESAYA 40:6

Woluo suala u loloi̒ya, “Pohabariyalo!” Wau̒ lohintu, “Wolo u musi pohabariyou̒?” “Pohabariyalo deu̒ manusia debo odelo huo̒yoto, debo odelo bunga u bo ngopee̒ mola ogaagalio.

YESAYA 44:3

Sababu Wau̒ mobangguatai didi ode huta u mohengu, wau mopotolohe duduu-tulaalo tohuta mohengu wau diila molomiodu. Wau̒ mamongohi mai kawasa ode walimu mola, wau mobalakati walao̒ wau wombumu.

YESAYA 55:1

Eeya lotahuda mai, “Duloolo timongoli ngoa̒amila tamo totoa̒ngo, pongilulo, taluhu madapa-dapato. Ponao̒lo mai timongoli tadiila odoi, tolimowalo pale lou̒ diila momaayali, wau tamelalo! Angguru wau susu madapa-dapato, tolimowalo wolo beebasi.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

YESAYA 58:1

Eeya lotahuda mai, “Ponguatio̒lo tio̒otutua lomao̒! Poleleaalo ode umati-U̒ duduu-sawaalo limongolio.

YEREMIA 16:19

Yaa Eeya, Eeyaalo talo duo̒lai olaatia wau helongohi mai lotolo olaatia; Eeya lotuulungi olaatia tomaasa usuukali. Babaa-ngusawalo monto huudu dunia mamonao̒ mai ode Eeya wau moloi̒ya, “Loluuhuru lamiaatia bo o ila paaluti sama-samaata diila ohuna.

YEREMIA 2:2

lopomalalumu mola habari botie ode ngoa̒amila tau to Yerusalemu, “Wuu Isirai̒lu, ileela-U̒ mola malo odito tatapu wau molotolo hilaamu tou̒ yio̒ donggo humula mai; malo odito udaa̒ tolia̒ngumu tou̒ ito tomaasa buleintiti bohu molaasa mao̒ nikaalio. Ode huta datahu wau luasi daa̒ udelita Wau̒ tilunuhemu lolibaya madala u diila pilomuloa.

YEHESKIEL 47:9

Penu boli ode utoonu potolohe lo dutulaa botie, teto olo mao̒dungga tilolahepalo tola wau binatangi wewo u hidala-dalaala. Taluhu Lau Mati mapo hutuwolio mowali diila olamita, wau penu boli ode utoonu potolohe lo taluhee boito, teto mao̒dungga tutumulo.

IMAAMATI 23:39

Lapatao̒ mongotolo, tumulalo mao̒ dulahu opulaa limo hulalo opitulio, timongoli musi mohutu mao̒ lameyangi ngotilonggadu pituhui mola. Todulahee ubohulio wau u owalulio yi todulahee utolomodu pohuheliyalo.

MIKHA 6:9

Tutuulio tutu laba-labaalo molinepo u moohe to Eeya. Tio mongiibode ode ulipu lokota, “Dungohiilo, wuu timongoli tahia̒mbua tokota!

JAKARIA 9:15

Umati-Lio tantu wohia-Lio poloduo̒lo, tilinggula totoonulalo musu olaahe limongolio. Debo odelo tingalao̒ lotaa u hihuwoa̒ lo minumani, oditolo olo tingalao̒ limongolio todelomo polotuuhua. Odelo duhu lobake u bilangguwato ode yitaato lomesba, odieelo mola duhu lomusu limongolio.

YIA̒APO 29:35

Todulahee u owalulio timongoli musi mohutu mao̒ dudunggaya u potabiyalo wau diila mowali mohutu mao̒ kalaja u mobuheeto.

MATIUSI 11:28

Ponao̒lo mai timongoli ngoa̒amila ode ola-U̒ tahi woongola, wau tamolaasa mobuheto bantalio; wau̒ mamopo nyamani mai hilaa limongoli.

MATIUSI 3:3

Tei Yahya botieelo tamila-kusudu li Nabi Yesaya todelomo uiloi̒yaalio botie, “Woluo tawuwa-wuwaatia̒ to huta hungayo u luasi daa̒, ‘Podapato mao̒ dalalo ode Eeya; poo̒payade mao̒ dalalo o-Lio.’ ”

MATIUSI 5:6

Potisanangilo tutu taa mooloolo mohutu kahandaki lo Allahu Taa̒ala; Allahu Taa̒ala mamohutu molaasa sanangi hilaa limongolio!

YAHYA 1:23

Tei Yahya lolametao̒, “Watiaalo tio tailoi̒ya li Nabi Yesaya: ‘Taa u hemo ngiibode tohuta hungayo u luasi daa̒: Popayade mao̒ dalalo ode Eeya.’ ”

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 4:10

Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

YAHYA 4:11

Loi̒ya mao̒ lotaabua boito, “Ti Tuani diila otuuntu, wau ali botie modeloma daa̒. Monto utoonu ti Tuani moo̒tapu mai taluhee lo tutumulo?

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 5:40

Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

YAHYA 6:35

“Wau̒lo roti tamongohi mai tutumulo,” tahuda mao̒ li Isa olimongolio. “Taa u monao̒ mai ode ola-U̒ diila tapolaangolo poli u ohiheo-hiheolo mao̒.” Wau taa u palacaya ola-U̒ diila tamotoa̒ngo poli u ohiheo-hiheolo mao̒.

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 6:55

Sababu tapu-U̒ tutuulio tutu ua̒alo, wau duhu-U̒ tutuulio tutu minumani.

YAHYA 7:28

Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

1 KORINTUS 10:21

Timongoli diila mowali mongilu monto hakati angguru lo Eeya, wau pee̒entalo mao̒ monto hakati angguru lorohu u moleeta olo. Timongoli diila mowali molamela tomeja lo Eeya, wau tomeja lorohu umoleeta olo.

1 KORINTUS 10:4

wau longilu minumani rohu u tutuuwauwa. Timongolio ngoa̒amilalo longilu lonto hui̒dee botu lorohani upee̒-pee̒enta woli mongolio; hui̒dee botu boito yito ti Almasi lohihilao.

1 KORINTUS 11:25

Odito olo lapatao̒ lolamela, Tio lohama mao̒ hakati lo angguru tulusi lotahuda, “Angguru botie yito daantia bohu lo Allahu Taa̒ala, u silaaha wolo duhu-U̒. Timii̒du timongoli mongilu utie, pohutua mao̒ utie u mopoe̒ela ola-U̒.”

1 KORINTUS 12:13

Odito olo ito ngoa̒amila, mopio taulo Yahudi meaalo taa diila Yahudi. Mongo wato meaalo taa molopato; ito ngoa̒amila mailihua lo Rohu u tutuuwauwa boito, alihu ito powaliyolo tuwau tobatanga li Almasi boito. Ito ngoa̒amila olo moo̒laasa Rohu u tuwau boito lealeaatulo mao̒.

EPESUS 5:18

Diila mao̒ potihuwoo̒ lo angguru timongoli, sababu uito mamoo̒luusa olimongoli. Bolii̒o mao̒, mamusi timongoli kiluwaasa lo Rohullah.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.