YAHYA 7:36 - KITABI HABARI MOPIOHE

³⁶ Wolo makusudu-Lio wolo lotahuda deu̒ ito mamololohe o-Lio bo diila moo̒dungga o-Lio wau deu̒ ito diila moo̒nao̒ mai ode tambati tou̒toonu Tio woluo?”

YAHYA 7:36 ပူးပေါင်းရင်းမြစ်များ

YAHYA 12:34

Taa dadaata boito loloi̒ya mao̒ o-Lio. “Modudua̒ Buku lo Butoo̒ lami, Olongia Tamoo-poa̒ahua matumumulo ohiheo-hiheolo mao̒. Woloolo mola Yio̒ mowali moloi̒ya deu̒ Walao̒ Manusia musi polaio̒lo toitaato dunia? Tatoonu Walao̒ Manusia boito?”

YAHYA 13:33

Mongo walaa-U̒, Wau̒ diilalo mohiheo motibiluloa̒ woli mongoli. Timongoli mamo lolohe ola-U̒, bo debo odelo umapilo tahuda-U̒ ode tahidihima kawasa lo Yahudi, odito olo potahuda-U̒ mai olimongoli; ode tambati u ponao̒wa-U̒, diila mowali onao̒wa limongoli.

YAHYA 3:4

“Diila pongalo aakali tamaa iludaa̒ muli potutuolio mai,” loi̒ya mao̒ lei Nikodemus odeli Isa, “Tingga mowali tio muli tumuwoto ode delomo talomo liilolio wau muli pututuolio mai?”

YAHYA 3:9

“Woloolo mola uito mowali motoduo mai?” yilintu lei Nikodemus.

YAHYA 6:41

Tau-tauwalo Yahudi maloingo toli Isa, sababu Tio lotahuda: “Wau̒ roti talo tuhutai lonto sologa.”

YAHYA 6:52

Loo̒dungohe uito, tau-tauwalo Yahudi mahipo hahaamawa ngota-timongota. “Woloolo mola tau botie mowali mongohi tapu-Lio ode olanto u polamelo?” uali mongolio.

YAHYA 6:60

Tou̒ loo̒dungohe tataa-heyaalo li Isa boito, dadaata towolota lo tahidudua̒ o-Lio loloi̒ya mao̒, “Pongaajali botie mailaba buheetio. Tatoonu tamowali mololimo mao̒!”

YAHYA 7:34

Timongoli mamo lolohe ola-U̒, bo diila moo̒dungga ola-U̒; sababu timongoli diila moo̒nao̒ mai ode tambati tou̒toonu Wau̒ woluo.”

YAHYA 8:21

Ti Isa luli lotahuda mao̒ ode limongolio, “Wau̒ mamonao̒ wau timongoli mamo lolohe ola-U̒, bo timongoli maamate todelomo dusamu. Ode tambati ponao̒wa-U̒, diila mowali onao̒wa limongoli.”

1 KORINTUS 2:14

Taa diila o Rohullah, diila mowali mololimo u piloi̒laalo mai lo Rohu boito, sababu ode tau boito susuu-aliyaala boito debo odelo tuwaulio lo ohulodu wambai̒o. Tau boito diila moo̒ pahaamu o-Lio, sababu susuu-aliyaala boito bo mowali tilikiyolo wolo dudelo lorohani.