YAHYA 7:35 - KITABI HABARI MOPIOHE

³⁵ Lapatao̒ tahidihima kawasa lo Yahudi malo loi̒ya ngota timongota “Tau botie ohilaa monao̒ ode utoonu tilinggula ito diilalo moo̒dungga o-Lio? Wolo Tio ohilaa monao̒ ode tau-tauwalo Yahudi tahi biluloa̒awa to bulemengo lipu towolota taulo Yunani, wau mongaajali taulo Yunani?

YAHYA 7:35 ပူးပေါင်းရင်းမြစ်များ

JABURU 147:2

Eeya mamo ponguli mai Yerusalemu; tau-tauwalo polayahu madeloo lo Eeya mohualingo.

YESAYA 11:10

Wakutuulio mamei dungga ngotaalio li olongia wali mai lei Dauda mowali bungo lopotuoto babaa-ngusawalo. Timongolio mamonao̒ mai ode olio, wau tambati biluloa̒alio mapoo-pupuujialio.

YESAYA 11:12

Eeya mamopo botula mola papaa-njiyaalo ode babaa-ngusawalo. Uitoolo tuotio Eeya muli mongambu bangusa lo Isirai̒lu wau Yehuda tahelo pupuulepe to totoonulalo tutu lodunia wau modelo olimongolio mohualingo.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 56:8

Odieelo mola tahuda mai lo Eeya Taa Laba-labaalo molanggato talo depita Isirai̒lu lohualingai lonto polayahu, “Wau̒ mamodelo tau-tauwalo wewo u moheehea̒ woli mongolio tamalo tia̒mbu.”

JEPANYA 3:10

Tumbao̒ monto Sudan u molamingo, umati-U̒ tamalo bubuua̒yawa boito mamonao̒ mai wau mopodewo bake ode Olau̒.

MATIUSI 12:21

ngoa̒amila bangusa mamo tiwunela to o-Lio.”

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

YAHYA 12:20

Towolota lotau-tauwalo talonao̒ ode Yerusalemu mola lomaya to lameyangi boito woluo olo dengolo lota taulo Yunani.

YAHYA 7:1

Lapatao̒ uito ti Isa malonao̒ ode utoonulalo mao̒ to Galilea. Tio diila lohuto ode madala lo Yudea sababu tahidihima kawasa lo Yahudi mola teto o makusudu momate olio mate-mateelo mao̒.

YAHYA 8:22

Yi tahidihima kawasa lo Yahudi malo loi̒ya, “Tanu Tio motohilaa motitipate, sababu tio malo tahuda, ‘Ode tambati ponao̒wa-U̒, diila mowali onao̒wa limongoli.’ ”

WUNGGULI LOMONGO RASULU 11:18

Tou̒ loo̒dungohe uito, timongolio diilalo lobatata. Lapatao̒ timongolio lomuji mola Allahu Taa̒ala. Timongolio loloi̒ya, “Wonu odito tau-tauwalo tadiila Yahudi olo yilohia wakutu lo Allahu Taa̒ala u molilihu monto ngoa̒amila dusalio wau moo̒laasa mao̒ tutumulo utuutu!”

WUNGGULI LOMONGO RASULU 11:20

Bo towolota lotau-tauwalo tapalacaya boito, taa asaliilio mai lonto Siprus wau Kirene, woluo olo tau-tauwalo talonao̒ mola ode Antiokhia, wau helo pohabari Habari Mopiohe pasali li Isa boito ode tau-tauwalo tadiila o agama Yahudi olo.

WUNGGULI LOMONGO RASULU 14:1

Tei Paulus wolei Barnabas loo̒toduo mai sua̒li u tutuuwauwa to Ikonium. Timongolio lonao̒ mota olo ode bele potabiaalo taulo Yahudi wau helo bisala teto odito rupalio tilunggula ngohuntua taulo Yahudi wau taa diila Yahudi lowali palacaya li Isa.

WUNGGULI LOMONGO RASULU 17:4

Dengolo lota malowali palacaya tulusi lodudua̒ olei Paulus wolei Silas; odito olo ngojumulaa daa̒ tau-tauwalo Yunani tamoohe to Allahu Taa̒ala, wau dadaata poli mongobua tahimuloa lo ulipu.

WUNGGULI LOMONGO RASULU 18:4

Bo totimiii̒du dulahu Saabati, tei Paulus hemonao̒ mota hemo bibiisalawa tobele potabiaalo u mohutu tau-tauwalo Yahudi meaalo tau-tauwalo Yunani, palacaya li Isa.

WUNGGULI LOMONGO RASULU 21:21

Wau botia timongolio loo̒dungohe deu̒ wutato helo ngaajali ngoa̒amila taulo Yahudi tahi biluloa̒wa towolota lobangusa wewo, alihu mololaa mao̒ butoe̒e Musa. Wutato helo naseehati olimongolio alihu timongolio diila moluuna mongo walai̒ mongolio meaanto modudua̒ uu̒du lo Yahudi.

WUNGGULI LOMONGO RASULU 22:21

Bo Eeya luli lotahuda mai olaatia, ‘Bolo ponao̒olo, sababu wau̒ mamopoa̒hu olemu monao̒ ode tambati u molamingo ode tau-tauwala tadiila Yahudi.’ ”

ROMA 1:16

Watia palacaya daa̒ to Habari Mopiohe boito, sababu habari boito yito lotolo Allahu Taa̒ala u mopoa̒ahu mai ngoa̒amila taa palacaya; bohu-bohulio taulo Yahudi, wau bangusa wewo olo.

EPESUS 3:8

Towolota lou̒ ngoa̒amila umati lo Allahu Taa̒ala, wawaatiyalo talaba-labaalo hina. Bo penu odito Allahu Taa̒ala longohi mai olaatia ponu botie: tuugasi u mopohabari totau-tauwalo tadiila taulo Yahudi Habari Mopiohe tomimbihu okokaya li Almasi udiila opulitio;

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

1 TIMOTIUS 2:7

Wau uitolo sababuulio watia ilahula lonao̒ ode tau-tauwalo tadiila Yahudi u lopololadu olimongolio habari pasali lo opopalacaya u otutu. U tiloo̒woli mai laatia botie yito otutu, watia diila mohimbulo.

2 TIMOTIUS 1:11

U mopohabari Habari Mopiohe boitolo Allahu Taa̒ala lomudua̒ olau̒ lowali rasulu wau guru.

YAKOBUS 1:1

Mongo wutato umati lo Allahu Taa̒ala ngoa̒amilalo taloo̒-loo̒opo to ngoilanggubu dunia! Salamu lonto olaatia, Yakobus, wato lo Allahu Taa̒ala wau wato lo Eeya Isa Almasi.

1 PETRUS 1:1

Mongo wutato umati tatilulaoto Allahu Taa̒ala taloo̒-loo̒opo tolipu wewo tambati popeehumolo tutumulo tomadala lo Pontus, Galatia, Kapadokia, Asia, wau Bitinia! Watia, Petrus, rasulu li Isa Almasi, motiwunela pohileaala dua̒ Allahu Taa̒ala mongohi mai balakati wau salaamati olimongoli lou̒ daata-daatalo mao̒. Timongoli tilulaoto lowali umati lo Allahu Taa̒ala lotuu̒de wolo lanjana lo Allahu Taa̒ala ti Paapa. Wau Rohullah malo powali olimongoli umati tamantali, tolomodu duo̒lo Allahu Taa̒ala, alihu timongoli modungohe li Isa Almasi wau pomantaliyo wolo duhu-Lio.